30-Apr-2024

କଳାହାଣ୍ଡି (ଦୁଷ୍ମନ୍ତ କୁମାର ପଣ୍ଡା ) କଳାହାଣ୍ଡି ର ପୁରାତନ ରାଜଧାନୀ ଭାବେ ପରିଚିତ ଜୁନାଗଡ ସହର ସମେତ ସମଗ୍ର ଅଞ୍ଚଳ ରେ ରାଜ ନୈତିକ ସ୍ଥିତିରେ କଳାହାଣ୍ଡି ରାଜ ପରିବାର ଦବଦବା ରହି ଆସିଛି । ପ୍ରଥମ ସାଧାରଣ ନିର୍ବାଚନ ୧୯୫୧ ରେ ଏଠାରୁ କଳାହାଣ୍ଡି ମହାରାଜା ପ୍ରତାପ କେଶରୀ ଦେଓ ଗଣତନ୍ତ୍ର ପରିଷଦ ରୁ ବିଧାୟକ ଭାବେ ନିର୍ବାଚିତ ହୋଇଥିବା ବେଳେ ୧୯୬୧ ରେ ଗଣତନ୍ତ୍ର ପରିଷଦ ରୁ ଓ ୧୯୬୭ ରେ ସ୍ବତନ୍ତ୍ରପାର୍ଟି ରୁ ମହେଶ୍ବର ନାୟକ, ସ୍ବତନ୍ତ୍ରପାର୍ଟି ରୁ ୧୯୭୧ ରେ ତ୍ରିନାଥ ସରାଫ ଓ ୧୯୭୪ ରେ ଉଦିତ ପ୍ରତାପ ଦେଓ ନିବାଚିତ ହୋଇଥିଲେ । ଊଭୟ ଗଣତନ୍ତ୍ର ପରିଷଦ ଓ ସ୍ବତନ୍ତ୍ରପାର୍ଟି ରେ କଳାହାଣ୍ଡି ମହାରାଜା ପ୍ରତାପ କେଶରୀ ଦେଓ ଙ୍କ ଆଧିପତ୍ୟ ରହିଥିବା ବେଳେ କଂଗେସ ପାର୍ଟୀ ରୁ ପ୍ରଥମ କରି ୧୯୭୭ ରେ ଓ ୧୯୮୦ ରେ ମହେଶ୍ବର ବରାଡ ନିର୍ବାଚିତ ହୋଇଥିବା ବେଳେ ପ୍ରତାପ କେଶରୀ ଦେଓ ଙ୍କ କନିଷ୍ଠ ପୁତ୍ର ବିକ୍ରମ କେଶରୀ ଦେଓ ୧୯୮୫ ରେ ଜନତାଦଳ ରୁ ୧୯୯୦ ଓ ୧୯୯୫ ରେ ଭାରତୀୟ ଜନତା ପାର୍ଟି (ଭାଜପା) ରୁ ନିର୍ବାଚିତ ହୋଇ ଜୁନାଗଡ ଆସନକୁ ପୁନର୍ବାର ରାଜ ପରିବାର କୁ ଫେରାଇ ଆଣିଥିଲେ । ୧୯୯୭ ମସିହାରେ ବିକ୍ରମ କେଶରୀ ଦେଓ ସାଂସଦ ଭାବେ ନିର୍ବାଚିତ ହେବା ପରେ ଉପ ନିର୍ବାଚନ ରେ ଭାରତୀୟ ଜନତା ପାର୍ଟି (ଭାଜପା) ରୁ ହିମାଂଶୁ ଶେଖର ମେହେର ନିର୍ବାଚିତ ହେବା ସହିତ ୨୦୦୦ ଓ ୨୦୦୪ ରେ ଭାରତୀୟ ଜନତା ପାର୍ଟି (ଭାଜପା) ରୁ ହିମାଂଶୁ ଶେଖର ମେହେର ନିର୍ବାଚିତ ହୋଇଥିଲେ । ଗତ ୨୦୦୯ ରେ ସୀମା ପୁନଃ ନିର୍ଦ୍ଧାରଣ ହେବା ପରେ ଜୁନାଗଡ ଆସନ କଂଗ୍ରେସ ହାତକୁ ଚାଲି ଯାଇ ଗୋବର୍ଦ୍ଧନ ଦାସ ନିର୍ବାଚିତ ହୋଇଥିଲେ । ୨୦୧୪ ଓ ୨୦୧୯ ରେ ଶାସକ ବିଜୁ ଜନତା ଦଳ (ବିଜେଡ଼ି) ର ଦିବ୍ୟ ଶଙ୍କର ମିଶ୍ର ନିର୍ବାଚିତ ହୋଇଥିବା ବେଳେ ଚଳିତ ୨୦୨୪ ରେ ପୁନର୍ବାର ଭାଜପା ପୁନଃ ଛଡାଇ ନେବାକୁ ପ୍ରୟାସ କରୁଥିବା ଜଣାପଡିଛି । ପ୍ରମୂଖ ରାଜ ନୈତିକ ଦଳ ମଧ୍ୟରୁ ଭୋଟ ଶତକଡା କୁ ହିସାବ କୁ ନେଲେ ୨୦୦୯ ରେ ୩୪,୩୩୪ (୨୩.୮୩ % ) ଭୋଟ ପାଇ ବିଜେପି ତୃତୀୟ ସ୍ଥାନ ରେ ଥିବା ବେଳେ ୨୦୧୪ ରେ ୪୬,୪୯୮ (୨୮.୧୯ %) ଭୋଟ ପାଇ ଦ୍ବିତୀଯ ସ୍ଥାନରେ ଏବଂ ୨୦୧୯ ରେ ୫୫,୯୩୦ ( ୩୦.୫୯ % ) ଭୋଟ ପାଇ ଦ୍ବିତୀୟ ସ୍ଥାନରେ ରହିଥିଲା । ସେହିପରି ୨୦୦୯ ରେ ୩୮.୮୧୨ (୨୬.୯୪ % ) ଭୋଟ ପାଇ ବିଜେଡ଼ି ଦ୍ବିତୀୟ ସ୍ଥାନ ରେ ଥିବା ବେଳେ ୨୦୧୪ ରେ ୫୬,୪୪୩ (୩୪.୨୧ %) ଭୋଟ ପାଇ ୯,୯୪୫ ଭୋଟ ବ୍ୟବଧାନରେ ଜିତିଥିବା ବେଳେ ୨୦୧୯ ରେ ୮୩,୭୮୯ ( ୪୫.୮୩%) ଭୋଟ ପାଇ ୨୭,୮୫୯ ବ୍ୟବଧାନରେ ବିଜେଡ଼ି ଜିତିଥିବା ସରକାରୀ ସୂତ୍ର ରୁ ପ୍ରକାଶ । ସେହିପରି ୨୦୦୯ ରେ ୪୫,୩୪୯(୩୧.୪୮ % ) ଭୋଟ ପାଇ କଂଗ୍ରେସ ଜିତି ଥିବା ବେଳେ ୨୦୧୪ ରେ ୩୮,୭୧୫ (୨୩.୪୭%) ଭୋଟ ପାଇ ତୃତୀଯ ସ୍ଥାନ ରେ ଏବଂ ୨୦୧୯ ରେ ୩୨,୩୪୩ (୧୭.୬୯%) ଭୋଟ ପାଇ ତୃତୀଯ ସ୍ଥାନରେ ରହିଥିବା ସରକାରୀ ସୂତ୍ର ରୁ ପ୍ରକାଶ । ବର୍ତ୍ତମାନ ୨୦୨୪ ସାଧାରଣ ନିର୍ନଚନ ରେ ଅନେକ ସମୀକରଣ ବଦଳିଥିବା ବେଳେ ରାଜ ନୈତିକ ଦୃଶ୍ୟପଟ ମଧ୍ୟ ବଦଳିବାରେ ଲାଗିଛି ଅ ପୂର୍ବାପେକ୍ଷା ଦ୍ବିତୀଯ ପାଳିରେ ୨୦୧୯ ରେ ବିଜେଡ଼ି ଜିତିବା ପରେ କେବଳ ନିର୍ଦ୍ଧିଷ୍ଠ ହାତ ଗଣତି ବ୍ୟକ୍ତି ବିଶେଷ ଙ୍କ ଫାଇଦା ହୋଇଥିବା ବେଳେ ସାଧାରଣ ଲୋକ ବିଭିନ୍ନ ପ୍ରକାରେ ହଇରାଣ ହରକତ ହୋଇଥିବା ଆଲୋଚନା ହେଉଥିଲା । ଜୁନାଗଡ ର ବିକାଶ କେବଳ ଷ୍ଟାଡିୟମ ଭିତରେ ଅଟକି ଯାଇଥିବା ବେଳେ ସର୍ବନିମ୍ନ ରାସ୍ତା ଘାଟ, ପାନୀୟ ଜଳ, ଶିକ୍ଷା, ସ୍ବାସ୍ଥ୍ୟ କ୍ଷେତ୍ର ରେ ବ୍ୟାପକ ଅବହେଳା ହୋଇଥିବା ଚର୍ଚା ହୋଇଆସୁଛି ବାହାର ଅଞ୍ଚଳ ର ଠିକାଦାର ଏବଂ ମଫିଆ ମାନଙ୍କ ଫାଇଦା ହୋଇଥିବା ମଧ୍ୟ ଆଲୋଚନା ହେଉଥିଲା । ଅନ୍ୟ ପକ୍ଷରେ କଂଗ୍ରେସ ପକ୍ଷରୁ ବ୍ୟାପକ ଜଣ ସଚେତନତା କରାଯାଇ ଲୋକଙ୍କ ସର୍ବନିମ୍ନ ଅବଶ୍ୟକତା ପୂରଣ କରିବାକୁ ବ୍ୟବସ୍ଥା କରାଯିବାର ପ୍ରତିଶ୍ରୁତି ଦେଇ ନିର୍ବାଚନ ବୈତରଣୀ ପାର ହେବାକୁ ଅଜଣା କରୁଥିବା ଜଣାପଡିଛି । ସେହିପରି କେନ୍ଦ୍ର ର ମୋଦୀ ସରକାର ଙ୍କ ବିଭିନ୍ନ ଉନ୍ନୟନ ମୂଳକ କାର୍ଯ୍ୟ ସବୁର ସଫଳ ରୂପାଯନ କୁ ଆଧାର କରି ବିଜେପି ନିର୍ବାଚନ ବୈତରଣୀ ପାର ହେବାକୁ ଯୋଜନା କରୁଥିବା ଜଣାପଡିଛି ।