27-Feb-2024

ଲୋଇସିଂହା, (ବିନୋଦ କୁମାର ଦୀପ) ବଲାଙ୍ଗୀର ଜିଲ୍ଲା ଲୋଇସିଂହା ବନାଞ୍ଚଳ ତରଫରୁ ଲୋଇସିଂହା ବ୍ଲକ ସ୍ତରୀୟ ବନାଗ୍ନି ସଚେତନତା ଶିବିର ସୋମବାର ବନାଞ୍ଚଳ ଅଧିକାରୀ ଶ୍ରୀଯୁକ୍ତ ପାଉଲ ହରପାଲ ଙ୍କ ଅଧ୍ୟକ୍ଷତାରେ ଲୋଇସିଂହା ବନାଞ୍ଚଳ କାର୍ଯ୍ୟାଳୟ ଠାରେ ଅନୁଷ୍ଠିତ ହୋଇଯାଇଛି l ଏହି ଅବସରରେ ଜଙ୍ଗଲ କୁ ନିଆଁ ଦାଉରୁ କିଭଳି ସୁରକ୍ଷା ପ୍ରଦାନ କରାଯିବ ଓ ସଚେତନ ବିଷୟରେ ଆଲୋଚନା ହୋଇଥିଲା l ଜଙ୍ଗଲରେ ଅନେକ ଔଷଧୀୟ ଗୁଳ୍ମଳତା, ସରୀସୃପ ଇତ୍ୟାଦି ନିଆଁରେ ପୋଡିଯିବା ସହ ଅନେକ ବନ୍ୟଜନ୍ତୁ ମଧ୍ୟ ପ୍ରଭାବିତ ହୋଇଥାନ୍ତି l ଏହାର ପ୍ରତିକାର ପାଇଁ ଜନସାଧାରଣ ଙ୍କୁ କିପରି ଜଙ୍ଗଲ ସଂରକ୍ଷଣ ସମିତି ଜରିଆରେ ସଚେତନ କରାଯାଇ ପାରିବ ସେ ସମ୍ପର୍କରେ ସୂଚନା ଦିଆଯାଇଥିଲା l

ଏହି ସଚେତନତା ଶିବିରରେ ମୁଖ୍ୟଅତିଥି ରୂପେ ଲୋଇସିଂହା ବ୍ଲକ ଅଧ୍ୟକ୍ଷ ଶ୍ରୀଯୁକ୍ତ ଯତୀନ୍ଦ୍ର ପଟେଲ ଯୋଗ ଦେଇଥିବା ବେଳେ ସମ୍ମାନିତ ଅତିଥି ରୂପେ ନବକିଶୋର ନାଏକ, ଲୋଇସିଂହା ଅଗ୍ନିଶମ ଅଧିକାରୀ ଶ୍ରୀଯୁକ୍ତ ସୁଶାନ୍ତ କୁମାର ସାମଲ ଏବଂ ମୁଖ୍ୟବକ୍ତା ରୂପେ ଅବସରପ୍ରାପ୍ତ ରେଞ୍ଜ ଅଫିସର ଶ୍ରୀଯୁକ୍ତ ରଘୁନାଥ ତ୍ରିପାଠୀ, ଲୋଇସିଂହା ବନପାଳ ଶ୍ରୀ ବାବୁଲାଲ ଦାସ, ସାଲେଭଟା ବନପାଳ ଶ୍ରୀ ଇନ୍ଦ୍ରମଣି ବେହେରା ତଥା ବନାଞ୍ଚଳ ର ସମସ୍ତ ବନରକ୍ଷୀ ଏବଂ ଲୋଇସିଂହା ର ମଁl ଲକ୍ଷ୍ମୀ ସ୍ୱୟଂ ସହାୟକ ଗୋଷ୍ଠୀ ର ସଭ୍ୟବୃନ୍ଦ ଉପସ୍ଥିତ ଥିଲେ l କାର୍ଯ୍ୟକ୍ରମ ରେ ସଭା ପରିଚାଳନା କରିଥିଲେ ସରଗାଡ଼ ବନପାଳ ଶ୍ରୀ ସମୀରରଞ୍ଜନ ମହାପାତ୍ର l