25-Feb-2024

(କେଶବ ମେହେର )  କଳାହାଣ୍ଡି ଜିଲ୍ଲା  କେସିଙ୍ଗା ସହରସାରା ଦେଶୀ ବିଦେଶୀ ମଦ ରେ ଭାସୁଥିବା ବେଳେ  ଅଳ୍ପ ବୟସ ର ନାବାଳକ ମାନେ ଜାଣି ଶୁଣି ନିଜର ଭବିଷ୍ୟତ ଅନ୍ଧାର କରିବାରେ ଲାଗିଛନ୍ତି।ଗତ ଦୁଇ ଦିନ ତଳେ କେସିଙ୍ଗା ପୋଲିସ ପ୍ରାୟ ୧୬୦୦ ଲିଟର ବିଦେଶୀ ମଦ ଗୋଟିଏ ୬୦୯ ଗାଡ଼ି ରୁ ଜବତ କରି ଜଣ ଙ୍କୁ କୋର୍ଟ ଚାଲାଣ କରିଥିଲା।ତେବେ ପୋଲିସ ର ଏହି କାର୍ଯ୍ୟ କୁ ସହର ବାସୀ କେସିଙ୍ଗା ପୋଲିସ ର ସଫଳତା ମାନୁଥିବା ବେଳେ ଅବକାରୀ ବିଭାଗ ଉପରେ ପ୍ରଶ୍ନ ଉଠାଇ ଥିଲେ ଓ ଅବକାରୀ ବିଭାଗ ଚେଇ ସୋଇଛି ବୋଲି ଚର୍ଚ୍ଚା କରୁଥିଲେ।ହେଲେ ଶନିବାର ସନ୍ଧ୍ୟା ରେ କେସିଙ୍ଗା ଅବକାରୀ ବିଭାଗ ଓ ଭବାନୀପାଟଣା ଅବକାରୀ ବିଭାଗ ପକ୍ଷରୁ ବିଭିନ୍ନ ଜାଗାରେ ଚଢାଉ କରି ପ୍ରାୟ ୭୦ ଲିଟର ଦେଶୀ ମଦ ସହିତ ପ୍ରାୟ ୪ ପେଟି ବିଦେଶୀ ମଦ ସହିତ ୪ ଜଣ ଙ୍କୁ ଗିରଫ କରିବାରେ ସଫଳ ହୋଇଛି।ଗତକାଲି ସନ୍ଧ୍ୟା ସମୟରେ ମାଲପଡ଼ା  ଛକ ଠାରେ ବାହାଦୁର ପଦର ଗାଆଁ ର ସୌଦା ମାଝୀ (୨୬) ଓ   ଗୁଞ୍ଜେରମାଲ ଗାଆଁ ର ନୀଳାମ୍ବର ହିଆଲ୍(୩୨) ଙ୍କୁ ଗିରଫ କରିଥିବା ବେଳେ l ପୁଣି ରବିବାର ଦିନ ସକାଳେ ବିରେନ୍ଦ୍ର ସିଂ ଓ ରାକେଶ କୁମାର ନାମକ ଦୁଇ ଜଣ ଙ୍କୁ    ଉତ୍କେଲା କକୋମୁଣ୍ଡା ଛକ ଠାରେ ମଟର ସାଇକଲ ରେ ୩୧.୮୦୦ ଲିଟର ବିଅର ଓ ୧୬.୧୭୦ ଲିଟର ଲିକର ସହିତ ଦୁଇଟି ନମ୍ୱର୍ ବିହୀନ ମଟର ସାଇକଲ ଜବତ ହେଇ ଥିବା ଅବକାରୀ ବିଭାଗ ପକ୍ଷରୁ କୁହାଯାଇଛି।ଏହି ଚଢାଉ ରେ ଅବକାରୀ ବିଭାଗ ର ଇନ୍ସପେକ୍ଟର ଉଦେଲାଲ ନାଏକ, ବିଶ୍ୱଜିତ୍ ଆରୁଖ,ମମତା ସେଠୀ,କୀର୍ତ୍ତି ଜେନା,ପ୍ରଦ୍ୟୁମ୍ନ ନାଏକ,ପ୍ରମୁଖ ଉପସ୍ଥିତ ଥିଲେ।ଏପରି କି ଅବକାରୀ ବିଭାଗ କାମ କଲେ ଆଗାମୀ ଦିନରେ ଦେଶୀ ଓ ବିଦେଶୀ ମଦ କାରବାର ନିୟନ୍ତ୍ରଣ ହୋଇପାରେ ବୋଲି ଲୋକେ ମତ ପ୍ରକାଶ କରିଛନ୍ତି ।