21-Feb-2024

ସିନ୍ଧେକେଲା - ବଲାଙ୍ଗିର ଜିଲ୍ଲା ସିନ୍ଧେକେଲା - ବଙ୍ଗୋମୁଣ୍ଡା ରାଜ୍ୟ ରାଜପଥ ସିନ୍ଧେକେଲା ରୁ ଦୁଇ କିଲୋମିଟର ଦୂରତା ସାଲେମୁଡ଼ଗା ଗାଁ ସ୍କୁଲ ନିକଟରେ ମୁଖ୍ୟ ରାସ୍ତାରେ ଦୁଇ ବାଇକ ମୁହାଁମୁହିଁ ଧକ୍କା ହେବା ଫଳରେ ଜଣକର ମୃତ୍ୟୁ ଘଟିଥିବା ବେଳେ ଚାରି ଜଣ ଗୁରୁତର ଅବସ୍ଥାରେ ଥୁବା ସୂଚନା ମିଳିଛି । ଦୁର୍ଘଟଣା ହେଲାପରେ ସେଠାରେ ସମସ୍ତେ ତଳେ ଅଚେତ

ଅବସ୍ଥାରେ ପଡିଥିବା ଲୋକେ ଦେଖି ସେଠାକାର ଲୋକେ ୧୦୮ ଏମ୍ବୁଲେନ୍ସ କୁ ଫୋନ କରିଥିଲେ । ତୁରନ୍ତ ଏମ୍ବୁଲେନ୍ସ ପହଞ୍ଚି ସେମାନଙ୍କୁ ସିନ୍ଧେକେଲା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର କୁ ଅଣାଗଲା । ମିଳିଥିବା ସୂଚନା ଅନୁସାରେ ନିକଟବର୍ତ୍ତୀ ଗନ୍ଧରଲା ଗ୍ରାମର ଚତୁର୍ଭୁଜ ଭାଟି (୫୦) ତାଙ୍କ ସାଙ୍ଗରେ ବାଇକରେ ତାଙ୍କ ସ୍ତ୍ରୀ ଲିଲି ବାଗ ଥିଲେ ସେମାନେ ଗୁରୁତର ଅବସ୍ଥାରେ ଥିଲେ । ଅନ୍ୟ ବାଇକ ରେ ଖୋଲାନ ପଞ୍ଚାୟତ ପଥରଲା ଗ୍ରାମର ବିକିନ ମାଝି , ନୃପରାଜ ଘିଭେଳା , ଚୁମନ ମାଝି ଥିଲେ ବୋଲି ଜଣାପଡିଛି । ସେମାନେ ମଧ୍ୟ ଅତି

ଗୁରୁତର ଅବସ୍ଥାରେ ଥିବାରୁ ସିନ୍ଧେକେଲା ସ୍ୱାସ୍ଥ୍ୟକେନ୍ଦ୍ରରେ ପ୍ରାଥମିକ ଚିକିତ୍ସା ପରେ ସମସ୍ତଙ୍କୁ ଭବାନୀପାଟଣା ଉପଖଣ୍ଡ ଡାକ୍ତରଖାନା କୁ ସ୍ଥାନାନ୍ତର କରାଯାଇଥିଲା । ଭବାନୀପାଟଣା ରେ ଚତୁର୍ଭୁଜ ଭାଟିଙ୍କୁ ଡାକ୍ତର ମୃତ ଘୋଷଣା କରିଥିବାବେଳେ ତାଙ୍କ ସ୍ତ୍ରୀ ଲିଲି ବାଗଙ୍କୁ ଉଚ୍ଚ ସ୍ତରୀୟ ଚିକିତ୍ସା ପାଇଁ ରାୟପୁର ସ୍ଥାନାନ୍ତର କରାଯାଇଛି ଓ ବାକି ତିନିଜଣ  ଖବର ଲେଖା ପର୍ଯ୍ୟନ୍ତ ଚିକିତ୍ସିତ ହେଉଥିବା ଜଣାପଡିଛି । ସିନ୍ଧେକେଲା ପୋଲିସ ଦୁଇ ବାଇକ ଓଆର03ଏ8947 , ଓଡ଼ି03W2236 କୁ ଜବତ କରିବା ସହ ଘଟଣାର ତଦନ୍ତ କରୁଛି ।