12-Feb-2024

ଭୁବନେଶ୍ବର: ରାଜ୍ୟସ୍ତରୀୟ ଅଗ୍ରଣୀ ସାମ୍ୱାଦିକ ସଂଗଠନ ଏସ୍ ୟୁ ଜେ ଓଡ଼ିଶାର ରାଜ୍ୟସ୍ତରୀୟ ବାର୍ଷିକ ଉତ୍ସବ ଭୁନେଶ୍ବରସ୍ଥିତ ଜୟଦେବ ଭବନରେ ଅନୁଷ୍ଠିତ ହୋଇ ଯାଇଛି। ରାଜ୍ୟ ସଭାପତି କୈଳାସ ଚନ୍ଦ୍ର ନାୟକଙ୍କ ସଭାପତିତ୍ବରେ ଓଡ଼ିଶାର ଆଇନ ଓ ଆଦିବାସୀ କଲ୍ୟାଣ ମନ୍ତ୍ରୀ  ଜଗନ୍ନାଥ ସାରକାଙ୍କ କରକମଳରେ କାର୍ଯ୍ୟକ୍ରମ ଉଦ୍ଘାଟିତ ହୋଇ ଥିଲା। ସମ୍ମାନୀତ ଅତିଥି ଭାବେ ପ୍ରୀତିରଞ୍ଜନ ଘଡାଇ, ଜୟପୁର ବିଧାୟକ ତାରା ପ୍ରସାଦ ବାହିନୀପତି, ଭୁନେଶ୍ବର ବିଧାୟକ ଅନନ୍ତ ନାରାୟଣ ଜେନା,  ମୋ ସ୍କୁଲ ଅଧ୍ୟକ୍ଷ ଆକାଶ ଦାସ ନାୟକଙ୍କ ସମେତ ଏନ୍ ୟୁ ଜେ  ଆଇ ର

ଜାତୀୟ ସଭାପତି  ଅଶୋକ ମଲ୍ଲିକ, ମହାସଚିବ ସୁରେଶ ଶର୍ମା, ସଚିବ ବବୁଲ ସିଂହ ସମ୍ମାନୀତ ଅତିଥି ଭାବେ ଯୋଗ ଦେଇଥିଲେ।  ଓଡ଼ିଶା ରାଜ୍ୟର ଗ୍ରାମ ଉନ୍ନୟନ ମନ୍ତ୍ରୀ ପ୍ରୀତି ରଞନ ଘଡାଇ ଗଣତନ୍ତ୍ର ଶାସନରେ ଗଣମାଧ୍ୟମର ଗୁରୁତ୍ୱପୂର୍ଣ୍ଣ ଭୂମିକା ଉପରେ ଆଲୋକପାତ କରିଥିଲେ ।  ମୂଖ୍ୟବକ୍ତା   ଭାବେ ଯୋଗ ଦେଇ ଭୁନେଶ୍ବର ମେୟର ଶ୍ରୀମତୀ ସୁଲୋଚନା ଦାସ  ଗଣମାଧ୍ୟମ ବିନା ଗଣତନ୍ତ୍ର କେବେହେଲେ ମଜଭୁତ ହୋଇ ପାରିବ ନାହିଁ ବୋଲି ମତ ପ୍ରକାଶ କରିଥଲେ। 
ରାଜ୍ୟ ବରିଷ୍ଠ ଉପ ସଭାପତି କିର୍ତିଚନ୍ଦ୍ର ସାହୁ ମଞ୍ଚ ପରିଚାଳନା ଏବଂ ରାଜ୍ୟ ସାଧାରଣ ସମ୍ପାଦକ ପ୍ରଶାନ୍ତ ପାଢ଼ୀ ବିବରଣୀ ପାଠ କରିଥିଲେ । ମଞ୍ଚ ପରିଚାଳନା ରେ ରାଜ୍ୟ ଉପସଭାପତି ଦୁଷ୍ମନ୍ତ କୁମାର ପଣ୍ଡା, କାର୍ଯ୍ୟକାରିଣୀ ସଭ୍ୟ ଜଗ ମୋହନ ପଟ୍ଟନାୟକ, ବରିଷ୍ଠ ସଭ୍ୟ ନଚିକେତା ସାହୁ, ନିବେଦିତା ସିଂହ,

ଜ୍ୟୋତ୍ସ୍ନା ସାମଲ, ପ୍ରୟାଗ ରାଜ୍ୟ କର ପ୍ରମୁଖ ସହଯୋଗ କରିଥଲେ। ଏହି ଅବସରରେ ସଂଗଠନର ମୁଖପତ୍ର 'ସଂକଳ୍ପ' ଉନ୍ମୋଚିତ ହେବା ସହିତ ସମାଜର ବିଭିନ୍ନବର୍ଗର ପ୍ରତିଭା ମାନଙ୍କୁ ସମ୍ମାନୀତ କାରା ଯାଇଥିଲା। ରାଜ୍ୟର ସମସ୍ତ ୩୧ ଟି ସାଂଗଠନିକ ଜିଲ୍ଲାରୁ ଏସ୍ ୟୁ ଜେ ସଦସ୍ୟ ବୃନ୍ଦ ଯୋଗ ଦେଇଥିବା ବେଳେ କଳାହାଣ୍ଡି ଜିଲ୍ଲାରୁ ରାଜ୍ୟ ଉପସଭାପତି ଦୁଷ୍ମନ୍ତ କୁମାର ପଣ୍ଡା ଏବଂ ରାଜ୍ୟ କାର୍ଯ୍ୟକାରିଣୀ ସଦସ୍ୟ ତଥା ଜିଲ୍ଲା ସାଧାରଣ ସମ୍ପାଦକ ଜଗମୋହନ ପଟ୍ଟନାୟକଙ୍କ ନେତୃତ୍ବରେ ଜିଲ୍ଲାର ସାମ୍ବାଦିକଗଣ ଏହି ରାଜ୍ୟ ଉତ୍ସବରେ ଯୋଗ ଦେଇଥିଲେ ।

ଏହି ରାଜ୍ୟସ୍ତରୀୟ କାର୍ଯ୍ୟକ୍ରମରେ ବଲାଙ୍ଗିରରୁ ଏସ୍ ୟୁ ଜେ ର ବଲାଙ୍ଗୀର ଜିଲ୍ଳା ସଭାପତି ଗୋପବନ୍ଧୁ ସତପଥୀ, ରାଜ୍ଯ ସମ୍ପାଦକ ମହେନ୍ଦ୍ର ଦର୍ଜି ,ସମ୍ପାଦକ ଶରତ ମହାକୁଡ , ସାଧାରଣ ସମ୍ପାଦକ ରଘୁ ନନ୍ଦନ ସିଂହ ଙ୍କ ସମେତ ସଭ୍ଯ ବିମଳ ହୋତା , ଦିଲିପ ସାହୁ , ନିରୋଜ ମିଶ୍ର, ପାବନ ବଂଶଲ ,ଜୟପ୍ରକାଶ ମଟlରୀ, ମହେନ୍ଦ୍ର ପ୍ରଧାନ, ପ୍ରହଲ୍ଲାଦ କୁମ୍ଭlର ପ୍ରମୂଖ ଯୋଗ ଦେଇଥିଲେ l