23-Dec-2023

ବଲାଙ୍ଗିର(ପ୍ରେରଣା ଖବର) , ସ୍ଥାନୀୟ ମଣ୍ଟେଶ୍ୱେରୀ ପବ୍ଲିକ ସ୍କୁଲର ୧୧ତମ ବାର୍ଷିକ ଉତ୍ସବ ସହରର କଳାମଣ୍ଡଳ ପଡିଆରେ ଉଦ୍‌ଯାପିତ ହୋଇଯାଇଛି । ଏହି ଅବସରରେ ମୁଖ୍ୟ ଅତିଥି ଭାବରେ କଳାହାଣ୍ଡି ୟୁନିଭରସିଟିର ଉପକୁଳପତି ପ୍ରଫେସର ସଂଜୟ କୁମାର ଶତପଥି ଯୋଗଦେଇ ବର୍ତ୍ତମାନ ସମୟରେ କିଭଳି ପିଲାମାନେ ବାହ୍ୟ ଆଡମ୍ବରରେ ଧ୍ୟାନ ନଦେଇ ପାଠ ପଢାକୁ ଗୁରୁତ୍ୱ ଦେବେ ଓ ଭବିଷ୍ୟତରେ ଦେଶ ଗଠନରେ ଜଣେ ଜଣେ ବିନ୍ଧଣୀ ହେବେ ବୋଲି ସମେବତ ଛାତ୍ରଛାତ୍ରୀ ମାନଙ୍କୁ ଉଦ୍‌ବୋଧନ ଦେଇଥିଲେ ।

ମୂଖ୍ୟବକ୍ତା ରୂପେ ପୂର୍ବତନ ରାଜ୍ୟସଭା ସଦସ୍ୟ ପ୍ରସନ୍ନ କୁମାର ଆଚାର୍ଯ୍ୟ ଯୋଗଦେଇ ଛାତ୍ରଛାତ୍ରୀ ମାନେ ନିଜ ନିଜର ବ୍ୟକ୍ତିତ୍ୱ ଗଠନ ସଠିକ ଦିଗରେ ସ୍କୁଲ ସମୟରୁ ହିଁ ଆରମ୍ଭ କରିବାକୁୁ ଉଦବୋଧନ ଦେଇଥିଲେ । ଅନୁଷ୍ଠାନର ଅଧ୍ୟକ୍ଷ ରବିଚନ୍ଦ୍ର ଉଦଗାତା ଏବଂ ଚେୟାରମ୍ୟାନ ବିରେନ୍ଦ୍ର ନାରାୟଣ ଉଦଗାତା ନିଜସ୍ୱ ବକ୍ତବ୍ୟରେ ଛାତ୍ରଛାତ୍ରୀଙ୍କ ଭୂମିକା ବିଷୟରେ ଗୁରୁତ୍ୱାରୋପ କରିଥିଲେ । ଏହି ଅବସରରେ ସ୍କୁଲର ମୁଖପତ୍ର ସ୍ପାର୍କଲ କୁ ଅତିଥି ବୃନ୍ଦ ଶୁଭ ଉନ୍ମୋଚିତ କରିଥିଲେ । ସୁଶ୍ରୀ ଦିବ୍ୟାଶା ଦିବ୍ୟ ଦର୍ଶିନୀ ଦାଶ ମଞ୍ଚ ପରିଚାଳନା କରିଥିଲେ । ସ୍କୁଲର ମେରିଟୋରିଅସ, ବେଷ୍ଟ ଏଟେଣ୍ଟେନସ, ଷ୍ଟେଟ ଲେଭେଲ ୱିନର ସୁଶ୍ରୀ ଜାଗୃତୀ ଶତପଥି , ବେଷ୍ଟ ଷ୍ଟୁଡେଣ୍ଟ ଅଫ ଦ ଇୟର ଏବଂ ସ୍କୁଲରେ

ଆୟୋଜିତ ହୋଇଥିବା ବିଭିନ୍ନ ପ୍ରତଯୋଗିତାର କୃତୀ ଛାତ୍ରଛାତ୍ରୀ ମାନଙ୍କୁ ଟ୍ରଫି ଓ ସାର୍ଟିଫିକେଟ ଦେଇ ଅତିଥି ବୃନ୍ଦ ପୁରସ୍କୃତ କରିଥିଲେ । ଷ୍ଟୋଟ ଇନଷ୍ଟିଚ୍ୟୁଟ ଅଫ୍ ହୋଟେଲ ମେଜେଜମେଣ୍ଟ ବଲାଙ୍ଗିର ଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ସ୍କୁଲର ଛାତ୍ର ଛାତ୍ରୀମାନଙ୍କ ଦ୍ୱାରା ଆୟୋଜିତ ହୋଇଥିବା ଫୁଡ ଫେଷ୍ଟିଭାଲ ଦର୍ଶକଙ୍କ ଦ୍ୱାରା ଆଦୃତ ହୋଇଥିଲା । ସାନ୍ଧ୍ୟ ଅଧିବେଶନରେ ଛାତ୍ରଛାତ୍ରୀ ମାନଙ୍କ ଦ୍ୱାରା ପରିବେଶିତ ହୋଇଥିବା ବିଭିନ୍ନ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ପାଂଚ ହଜାରରୁ ଉର୍ଦ୍ଧ୍ୱ ସମବେତ ହୋଇଥିବା ଅଭିଭାବକ ଓ ଦର୍ଶକଙ୍କ ପାଇଁ ମନୋମୁଗଧକର ପରିବେଶ ସୃଷ୍ଟି ହୋଇଥିଲା । ମାୟାବର୍ହା ହାଇସ୍କୁଲର ପ୍ରଧାନଶିକ୍ଷକ ତଥା ପ୍ରାଥମିକ ଚିକିତ୍ସା ଅଧ୍ୟାପକ ରବିଚନ୍ଦ୍ର ପଶାୟତ, ଆକୁଳ ବେହେରା, ରାଜେଶ ପାଣିଗ୍ରାହୀ, ରେଡକ୍ରସ କର୍ମି ରାମନାରାୟଣ ଦାଶ ଏବଂ ସ୍କୁଲର ସମସ୍ତ ଶିକ୍ଷକଶିକ୍ଷିକା କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।