19-Dec-2023

ବୀରମହାରାଜପୁର,(ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଗଣପତି ଆଦର୍ଶ ଶିକ୍ଷା ନିକେତନ ଠାରେ ୧୭ ତମ ଜିଲ୍ଲା କନିଷ୍ଠ ରେଡ଼କ୍ରସ ଶିକ୍ଷା ଓ ପ୍ରଶିକ୍ଷଣ ଶିବିର ସୋମବାର ଉଦଯାପିତ ହୋଇଯାଇଛି l ତିନିଦିନ ଧରି ଚାଲିଥିବା ଉକ୍ତ ପ୍ରଶିକ୍ଷଣ ଶିବିର ରେ ଜିଲ୍ଲା ର ଛଅ ଗୋଟି ବ୍ଲକ ରୁ ୧୨୭ ଟି ବିଦ୍ୟାଳୟ ରୁ ୪୦୦ ରୁ ଉର୍ଧ୍ଵ ଜୁନିଅର ଛାତ୍ର ଛାତ୍ରୀ ୧୨୭ ଜଣ ମାର୍ଗଦର୍ଶକ ଏବଂ ଦଶ ଜଣ ସାଧନ କର୍ମୀ ଯୋଗଦାନ କରିଥିଲେ l  ଉଦଯାପନୀ ଉତ୍ସବରେ ରେ ମୁଖ୍ୟ ଅତିଥି ଭାବେ  ଅତିରିକ୍ତ ଜିଲ୍ଲାପାଳ  ଅଞ୍ଜଲିନା ପ୍ରଧାନ, ସମ୍ମାନିତ ଅତିଥି ଭାବେ ବିରାମରଜପୁର ବ୍ଲକ ର ବରିଷ୍ଠ ଗୋଷ୍ଠୀ ଶିକ୍ଷା ଅଧିକାରୀ  ଶାନ୍ତନୁ କୁମ୍ଭକାର,ବିନିକା ଗୋଷ୍ଠୀ ଶିକ୍ଷା ଅଧିକାରୀ  ଲକ୍ଷ୍ମଣ ମିଶ୍ର,ଜିଲ୍ଲା ଜୁନିଅର ରେଡ଼କ୍ରସ ର ଉପ ସଭାପତି  ଗତିକୃଷ୍ଣ ମିଶ୍ର, ଯେ ଆର ସି ଓ  ରବିଚନ୍ଦ୍ର ପଶାୟତ ଯୋଗଦାନ କରିଥିବା ବେଳେ ଜିଲ୍ଲା ଜୁନିଅର ରେଡ଼କ୍ରସ ର ସମ୍ପାଦକ ତଥା ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଡ଼ ରାଧାକାନ୍ତ ଗଡତିଆ ସଭାପତିତ୍ବ କରିଥିଲେ l ବରିଷ୍ଠ ସାଧନ କର୍ମୀ ଚନ୍ଦ୍ରମଣି ବାଘ ମଞ୍ଚ ପରିଚାଳନା କରିଥିବା ବେଳେ ସ୍ଥାନୀୟ ବିଦ୍ୟାଳୟର ପ୍ରଧାନ ଶିକ୍ଷକ ଶାନ୍ତାନୁ ମହାକୁର ଧନ୍ୟବାଦ ଅର୍ପଣ କରିଥିଲେ l