15-Dec-2020

ବଲାଙ୍ଗିର, (ପ୍ରେରଣା ଖବର) - ସ୍ଥାନୀୟ ଲିଟରାରି ଏଣ୍ଡ ସୋସିଆଲ କ୍ଲବ ପରିସରରେ କବି ରତ୍ନମୟ ତ୍ରିପାଠୀ ଙ୍କ ଦ୍ଵିତୀୟ କବିତା ସଂକଳନ "ନିଶବ୍ଦ ଝରଣା "ଉନ୍ମୋଚିତ ହୋଇଯାଇଛି l ଅଧ୍ୟାପକ ଡ଼ଃ ଖ୍ୟାତିମୟ ତ୍ରିପାଠୀ ଙ୍କ ସଭାପତିତ୍ବ ରେ ଅନୁଷ୍ଠିତ ସଭାରେ, ମୁଖ୍ୟ ଅତିଥି ଭାବରେ ନାଟ୍ୟଭୂଷଣ ଜଗଦାନନ୍ଦ ଛୁରିଆ ଯୋଗଦେଇ ଯୁବପ୍ରତିଭା ମାନଙ୍କୁ ସାହିତ୍ୟ କ୍ଷେତ୍ରରେ ଆଗେଇ ଯିବାକୁ ଆମେ ପ୍ରେରଣା ଯୋଗାଇ ଦେବା ଉଚିତ ବୋଲି ମତବ୍ୟକ୍ତ କରିଥିଲେ l  ସଂକଳନ ର ପ୍ରକାଶକ ତଥା ପୂଜ୍ୟପୂଜା ସଂଗଠନ ର ସମ୍ପାଦକ ମଦନ ମୋହନ ରଥ ବହି ର ସମୀକ୍ଷା କରିବା ସହିତ କବିଙ୍କ କବିତା ଗୁଡିକର ସାହିତ୍ୟିକ ମୂଲ୍ୟବୋଧ ଉପରେ ଆଲୋଚନା କରିଥିଲେ l ନିଶବ୍ଦ ଝରଣା ର କବିତା ଗୁଡିକୁ ଆବୃତ୍ତି କରିଥିଲେ କବି ସସ୍ମିତା ନେପାକ l ଆରମ୍ଭରେ କସ୍ତୁରୀ ରଥ ଅତିଥି ମାନଙ୍କୁ ମଞ୍ଚକୁ ଆହ୍ୱାନ ଓ ଅତିଥି ପରିଚୟ ପ୍ରଦାନ ପରେ, ପ୍ରାରଂଭିକ ସଂଗୀତ ଗାନ କରିଥିଲେ ଶ୍ୱେତପଦ୍ମା ଲେଙ୍କା l କପିଳ ପତି କବିରତ୍ନମୟ ତ୍ରିପାଠୀ ଙ୍କୁ ପୂଜ୍ୟ ପୂଜା ଅନୁଷ୍ଠାନ ତରଫରୁ ସଂମାନିତ କରିଥିଲେ l ଶେଷରେ ସମସ୍ତଙ୍କୁ ଧନ୍ୟବାଦ ଦେଇଥିଲେ ଅନୁଷ୍ଠାନ ର ବରିଷ୍ଠ ସଭ୍ୟ ଚୂଡେନ୍ଦ୍ର କୁମାର ବେହେରା l ସଭାକୁ ସଫଳ କରିବାରେ ପ୍ରଦୀପ ପଶାୟତ, ଦୁର୍ଗାଚରଣ ସାହୁ,ସୁନାଧର ବନଛୋର,  ହୃଷିକେଶ ପୁରୋହିତ, ଗଣେଶ ବାରିକ, ମୄଗେସ ବୈଷ୍ଣବ ପାଣିଗ୍ରାହୀ, କୁନିଝିଅ ଆଦ୍ୟା ସହଯୋଗ କରିଥିଲେ l ଏହି ସଭାରେ ସହର ର ଅନେକ ସାହିତ୍ୟିକ, ସାମ୍ବାଦିକ, ବୁଦ୍ଧିଜୀବୀ, ତଥା ସାହିତ୍ୟ ପ୍ରେମୀ ଯୋଗ ଦେଇଥିଲେ