16-Oct-2023

ବିନିକା(ହିମାଂଶୁ ଶେଖର ପୁଟେଲ) ଯା ଦେବୀ ସର୍ବଭୂତେଷୁ.....  ଶକ୍ତି ସ୍ୱରପୁନି,ଜଗତଜନନୀ,ଦୁର୍ଗତନାଶିନୀ ମାଁ ଦୂର୍ଗା ଦେବୀ କିଛିଦିନ ପାଇଁ ଧରାପୃଷ୍ଠରେ ଅବତରଣ କରିଛନ୍ତି ।ମହାମାୟାଙ୍କ ଦର୍ଶନ ପାଇଁ ଆକୁଳ ଶ୍ରଦ୍ଧାଳୁ ଭକ୍ତ ଚାହିଁ ରହିଥିବା ବେଳେ ମାଁ ଙ୍କ ଆଗମନରେ ସାରା ବିନିକା ସହର ସମେତ ବ୍ଲକ ଅଞ୍ଚଳର ମହାଦେବପାଲି,ସିଲାଟି ଗ୍ରାମ ଉତ୍ସବ ମୁଖର ହୋଇଉଠିଛି ।ମିଳିଥିବା ସୂଚନା ଅନୁସାରେ ସର୍ବ ପୁରାତନ ବିନିକା ପୁରୁଣା ବସଷ୍ଟାଣ୍ଡ ଦୁର୍ଗା ପୂଜା ଏଥର ୫୩ବର୍ଷରେ ପଦାର୍ପଣ କରିଛି ।ଗତ ବର୍ଷ ଭଳି ଚଳିତ ବର୍ଷ ମଧ୍ୟ ପୂଜା ବେଶ ଜାକଜମକରେ ପାଳନ କରାଯାଉଛି ।ମଣ୍ଡପକୁ ରଙ୍ଗ ବେରଙ୍ଗର ଆଲୋକ ମାଲାରେ ସଜ୍ଜିତ କରାଯାଇଥିବା ବେଳେ ଆକର୍ଷଣୀୟ ତୋରଣ ନିର୍ମାଣ ସମସ୍ତଙ୍କୁ ଆକର୍ଷିତ କରିଛି ।ଗତକାଲି ସନ୍ଧ୍ୟାରେ ମାଁ ଙ୍କ ଆବାହନ ପାଇଁ କମିଟି ପକ୍ଷରୁ ତରଫରୁ କଳସ ଶୋଭାଯାତ୍ରା ଅନୁଷ୍ଟିତ ହୋଇଥିଲା ।ଏଥିରେ ଶତାଧିକ ମହିଳା ହାତରେ କଲାହୁଧରି ଘଣ୍ଟ,ଶଙ୍ଖ,ହୁଳହୁଳି ଧ୍ବନିରେ ବିରାଟ ଶୋଭାଯାତ୍ରାରେ ସହର ପରିକ୍ରମା କରି ଚିରସ୍ରୋତା ମହାନଦୀ ଠାରୁ ପୁଣ୍ୟ ଜଳ ସଂଗ୍ରହ କରି ମଣ୍ଡପରେ ସ୍ଥାପନ କରିଥିଲେ । ୧୦ଦିନ ଧରି ଅନୁଷ୍ଟିତ ଏହି ପୂଜାର ବିଭିନ୍ନ ଦିବସରେ ମାଁ ଦୂର୍ଗାଙ୍କ ଶୈଳପୁତ୍ରୀ ପୂଜା,ବ୍ରହ୍ମଚାରୀଣୀ,ଚନ୍ଦ୍ର ଘଣ୍ଟା, କୁଷ୍ମାଣ୍,ସ୍କନ୍ଦମାତା, କାତ୍ୟାୟନୀ, କାଲରାତ୍ରୀ,ମହାଗୌରୀ, ସିଦ୍ଧିଦାତ୍ରି,ଅପରାଜିତା ଆଦି ପୂଜା ଅନୁଷ୍ଟିତ ହେବ।ସେହିପରି ପୀଠରେ ମାଁ ଙ୍କ କର୍ତ୍ତା ଭାବରେ  ବିଭିନ୍ନ ଦିବସରେ ଭୀମସେନ ନାଏକ ଓ ଧୀରା ନାଏକ, ଦୁଃଖୀରାମ ନାଏକ ଓ ବିଜୟଲକ୍ଷ୍ମୀ ନାଏକ,ଚନ୍ଦ୍ର ଶେଖର ପାଣ୍ଡେ ଓ ଦୁହିତା ପାଣ୍ଡେ,ଅନନ୍ତ ଅଗ୍ରୱାଲ ଓ ସ୍ମୁତି ଅଗ୍ରୱାଲ,ସନ୍ତୋଷ ପଣ୍ଡା ଓ ଗୀତାଞ୍ଜଳି ତ୍ରିପାଠୀ,ଘାସିରାମ ପଣ୍ଡା ଓ ଅଲିମା ପଣ୍ଡା,ଭାଗବତ ପଣ୍ଡା ଓ ନମିତା ପଣ୍ଡା,ଗରିବ ସାଲମା ଓ ରେଖା ପ୍ରଧାନ,ଘନଶ୍ୟାମ ମେହେର ଓ ସୁଜାତା ମେହେର,ପ୍ରକାଶ ଅଗ୍ରୱାଲ ଓ ନୀତୁ ଅଗ୍ରୱାଲ ଦାୟିତ୍ଵ ନିର୍ବାହ କରୁଛନ୍ତି ।ଦୀର୍ଘ ବର୍ଷ ଧରି ସମସ୍ତଙ୍କ ସହଯୋଗ କ୍ରମେ ମାଁ ଦୁର୍ଗାଙ୍କ ପୂଜା ବେଶ ଶାନ୍ତି ଶୃଙ୍ଖଳା ସହିତ ପାଳିତ ହୋଇ ଆସୁଛି ।ଚଳିତ ବର୍ଷ ପୂଜାକୁ ଆଡମ୍ବର କରିବା ପାଇଁ କମିଟି କର୍ମକର୍ତ୍ତା ନିଜ ନିଜ ଦାୟିତ୍ଵ ତୁଲାଉଛନ୍ତି ।ଏହି ଅବସରରେ ମାଁ ଙ୍କ ଦର୍ଶନ ପାଇଁ ଭକ୍ତଙ୍କ ଭିଡ଼ ସମ୍ଭାବନା ଥିବାରୁ ସେମାନେ ଯେପରି ଠିକ ଭାବରେ ଦର୍ଶନ କରି ପ୍ରସାଦ ପାଇବେ ସେଥିପ୍ରତି କମିଟି ପକ୍ଷରୁ ବ୍ୟବସ୍ଥା ହୋଇଛି ।ଆଗାମୀ ଦିନରେ ମାଁ ଙ୍କ ଭବ୍ୟ ମନ୍ଦିର ପ୍ରତିଷ୍ଠା କରାଯିବାର କାର୍ଯ୍ୟକ୍ରମ ରହିଥିବାରୁ ଅଞ୍ଚଳବାସୀ ସହଯୋଗ କରିବା ପାଇଁ ପୂଜା କମିଟି ସଭାପତି ସନ୍ତୋଷ କୁମାର ପଣ୍ଡା ନିବେଦନ କରିଛନ୍ତି ।