15-Oct-2023

 ସୋନପୁର(ମନୋରଞ୍ଜନ ତ୍ରିପାଠୀ ): ସଦର ବ୍ଲକ ସ୍ଥିତ ବାବୁପାଲି ସାରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ଜୁନିଅର ରେଡ କ୍ରସ ୟୁନିଟ ତରଫରୁ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି ।  ଏହି ଉପଲକ୍ଷେ ଅନିଷ୍ଠିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଜିଲ୍ଲା ଅତିରିକ୍ତ ଶିକ୍ଷା ଅଧିକାରୀ ଶ୍ରୀଯୁକ୍ତ ଡ଼ଃ. ରାଧାକାନ୍ତ ଗଡ଼ତିଆ, ସମ୍ମାନୀତ ଅତିଥି ଭାବରେ ଜୁନିଅର ରେଡ କ୍ରସ  ଅଫିସର  ରବିଚନ୍ଦ୍ର ପଶାୟତ,ଜିଲ୍ଲା ଜୁନିଅର ରେଡ କ୍ରସ ଉପ ସଭାପତି ଶ୍ରୀଯୁକ୍ତ ଗତିକୃଷ୍ଣ ମିଶ୍ର, ସୋନପୁର ବ୍ଲକ ରେଡ଼କ୍ରସ ସଂଯୋଜକ ଗୋପେଶ ପଣ୍ଡା, ସାଧନକର୍ମୀ  ଚନ୍ଦ୍ରଶେଖର ମହାପାତ୍ର ଓ ଚନ୍ଦ୍ରମଣି ବାଘ, ପରାମର୍ଶ ଦାତା

ବ୍ରତାନନ୍ଦ  ଭୋଇ, ହେମନ୍ତ ମେହେର ପ୍ରମୁଖ ଯୋଗ ଦେଇ ରକ୍ତଦାତାମାନଙ୍କୁ ଉତ୍ସାହିତ  କରିଥିଲେ । ଅନ୍ୟତମ ସମ୍ମାନୀତ ଅତିଥି ଭବେ ସମିତି ସଭ୍ୟ ଅରବିନ୍ଦ ବାରିକ, ଗ୍ରାମ ମୁଖିଆ ଶ୍ରୀଯୁକ୍ତ ଇନ୍ଦ୍ରଜିତ ବାଘ  ପ୍ରମୁଖ ଉପସ୍ଥିତ ରହି ସମସ୍ତଙ୍କୁ ଅଧିକ ରୁ ଅଧିକ ରକ୍ତଦାନ ପାଇଁ ପରାମର୍ଶ ଦେଇ ଥିଲେ । ପ୍ରଧାନ ଶିକ୍ଷକ ଶଶୀଭୂଷଣ  ନାୟକଙ୍କ ସଭାପତିତ୍ବରେ ଅନୁଷ୍ଠିତ କାର୍ଯ୍ୟକ୍ରମକୁ ବିଦ୍ୟାଳୟର ସହକାରୀ ଶିକ୍ଷୟିତ୍ରୀ ତଥା ରେଡ଼କ୍ରସ ପରାମର୍ଶଦାତା ମୋନାଲିସା ପରାମାଣିକ ସଂଯୋଜନା କରିଥିଲେ ।  ଏଥିରେ ୬୨ ୟୁନିଟ  ରକ୍ତ ସଂଗୃହୀତ ହୋଇଥିଲା ।
      ଏହି ରକ୍ତଦାନ ଶିବିରରେ  ବ୍ଲଡ଼ବ୍ୟାଙ୍କ ଅଫିସର  ଡା. ଦୁର୍ଗଦତ୍ତ ଦାଶ, ଡା ରାମଶଙ୍କର ତ୍ରିପାଠୀ, ଡା. ସରୋଜ ପଟେଲ, ଡା. ଧବଳେଶ୍ୱର ମାହାକୁଡ଼ ପ୍ରମୁଖ ଯୋଗଦେଇ ରକ୍ତଦାନର ଉଦ୍ଦେଶ୍ୟ ଓ ମହତ୍ୱ ବିଷୟରେ ଉଦବୋଧନ ଦେଇଥିଲେ । ରକ୍ତ ସଂଗ୍ରହ କରିବାରେ ଜଗତ ଦରୱାନ, ସତ୍ୟ ତାଣ୍ଡି, ଯୁଧିଷ୍ଠିର ନାୟକ ପ୍ରମୁଖ ସହଯୋଗ କରିଥିଲେ ।
 

ଏହି କାର୍ଯ୍ୟକ୍ରମରେ ବିଦ୍ୟାଳୟର ଶିକ୍ଷୟିତ୍ରୀ  ମହେନ୍ଦ୍ରୀ ସାହୁ, ଜୟନ୍ତୀ ତରିଆ  ପୂର୍ଣ୍ଣିମା ନାୟକ, ଆଶାକର୍ମୀ ଯଶୋବନନ୍ତୀ ନାଗ, ବିଦ୍ୟାଳୟ ପରିଚାଳନା କମିଟିର ସଭ୍ୟସଭ୍ୟା, ବିଦ୍ୟାଳୟର  ପୂର୍ବତନ ଛାତ୍ର ଛାତ୍ରୀ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିବା ବେଳେ ବିଦ୍ୟାଳୟ ପରିଚାଳନା କମିଟି ର ସଭାପତି ଗୌରୀଶଙ୍କର ନାଗ ମହୋଦୟ ଧନ୍ୟବାଦ ଅର୍ପଣ କରିଥିଲେ ।