04-Oct-2023

ନୂଆଁପଡ଼ା : ସାଧାରଣ ଜନତାଙ୍କ ନ୍ୟାର୍ଯ୍ୟ ଅଧିକାର କୁ ଜଣାଇବା ଓ ଯୋଗାଇବା ପାଇଁ ଅନେକ ବିଭାଗୀୟ ଅଧିକାରୀ ମାନେ କାର୍ଯ୍ୟରତ ଅଛନ୍ତି,ହେଲେ ବିଭାଗୀୟ ଅଧିକାରୀ ମାନେ ଜଣେ ବିଧବା ମହିଳାଙ୍କୁ ତାଙ୍କ ସରକାରୀ ଯୋଜନା ଯୋଗାଇଦେବା ପାଇଁ ଅଣଦେଖା କରୁଥିବା ଦୃଶ୍ୟ ଦେଖିବାକୁ ମିଳିଛି ନୂଆପଡ଼ା ଜିଲ୍ଲା ବୋଡ଼େନ ବ୍ଲକ ଫରସରା ପଞ୍ଚାୟତ ପଳସାମାଲ ଗ୍ରାମର ନୂଆପରା ରେ।ସୂଚନା ଅନୁସାରେ ଉକ୍ତ ଗ୍ରାମର ସ୍ବର୍ଗତ ଗଦାଧର ରାଉତ ଗତ ୨୦୨୨ ସେପ୍ଟେମ୍ବର ମାସ ୧୩ ତାରିଖ ଦିନ କୌଣସି କାରଣ ବଶତଃ ମୃତ୍ୟୁବରଣ କରିଥିଲେ।ବର୍ତ୍ତମାନ ତାଙ୍କ ବିଧବା ପତ୍ନୀ ନୈକେଶି ରାଉତ ଓ ଏକମାତ୍ର ବଢିଲା ଝିଅ ସତମତି ରାଉତ ବେସାହାରା ଭାବରେ ଦିନ କାଟୁଛନ୍ତି।ସ୍ଵାମୀଙ୍କ ମୃତ୍ୟୁ ପରେ ନିଜ ଝିଅ ଙ୍କୁ କଲେଜ ରେ ପାଠ ପଢ଼ାଇବାର ସ୍ବପ୍ନ ଥିଲା,ହେଲେ ବର୍ତ୍ତମାନ  ଭଲଭାବରେ ଘର ଚଲିବା ଅତି କଷ୍ଟସାଧ୍ୟ ଅଟେ ଝିଅ ପଡ଼ିବ କେମିତି?ତାଙ୍କ ପରିବାରକୁ ସରକାରଙ୍କ ସହଯୋଗ କହିଲେ କେବଳ ଦଶ କେଜି ଚାଉଳ।ସ୍ୱାମୀର ମୃତ୍ୟୁର ଏକ ବର୍ଷରୁ ଉର୍ଦ୍ଧ୍ୱ ସମୟ ହେବାପରେ ମଧ୍ୟ ନୈକେଶି ଙ୍କୁ ନା ମିଳିଛି ଜାତୀୟ ପରିବାର କଲ୍ୟାଣ ଯୋଜନା ସହାୟତା,ନା ମିଳୁଛି ବିଧବା ଭତ୍ତା। ଏହି ମୂରବୀ ଶୂନ୍ୟ ପରିବାରର କରୁଣ ଦୃଶ୍ୟ ଆଖି ନ ଦେଖିଲେ ବିଶ୍ୱାସ କରିହେବ ନାହିଁ,ହେଲେ ଆଖି ବୁଜି ଦେଇଛନ୍ତି ନିର୍ବାଚିତ ପ୍ରତିନିଧି ଓ ପ୍ରଶାସନ ତେଣୁ ତୁରନ୍ତ ବାସ୍ତବିକ ସତ୍ୟତା କୁ ଯାଞ୍ଚ୍ କରି ଭତ୍ତା ଟଙ୍କା ସହିତ ଅନ୍ୟାନ୍ୟ ସରକାରୀ ସହାୟତା ଯୋଗାଇ ଦେବା ପାଇଁ ସାଧାରଣରେ ଦାବି ହୋଇଅଛି।

(ନୂଆପଡ଼ା ଜିଲ୍ଲା ବୋଡ଼େନ ରୁ ବିଶି ଚନ୍ଦନ ମାଝୀଙ୍କ ରିପୋର୍ଟ)