05-Sep-2023

ଡୁଙ୍ଗୁରିପାଲି(ଅରବିନ୍ଦ ମିଶ୍ର ): ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ଅନ୍ତର୍ଗତ ମାୟାବର୍ହା ହାଇସ୍କୁଲରେ ପ୍ରଧାନ ଶିକ୍ଷକ ରବିଚନ୍ଦ୍ର ପଶାୟତ ଙ୍କ ଅଧ୍ୟକ୍ଷତାରେ ଆଜି ପବିତ୍ର ଗୁରୁ ଦିବସ ପାଳିତ ହୋଇଯାଇଛି । ପ୍ରାରମ୍ଭରେ ଡ ସର୍ବପଲ୍ଲି ରାଧାକୃଷ୍ଣ ଙ୍କ ଫଟୋ ଚିତ୍ର ପ୍ରତି ପୂଜାର୍ଚ୍ଚନା କରାଯାଇଥିଲା। ଏହାପରେ ଛାତ୍ରୀମାନେ ଶିକ୍ଷକ ମାନଙ୍କୁ ଫୁଲ ଚନ୍ଦନ ଦେଇ ଗୁରୁ ବନ୍ଦନା କରିଥିଲେ । ବରିଷ୍ଠ ଶିକ୍ଷକ ଦିନବନ୍ଧୁ ପ୍ରଧାନ, ହିନ୍ଦୀ ଶିକ୍ଷକ ନନ୍ଦିଘୋଷ ବାରିକ, ସ୍ନିଗ୍ଧା ପଧାନ, କିରଣ ପଟେଲ ପ୍ରମୁଖ ଗୁରୁ ଦିବସ ର ମହତ୍ତ୍ଵ ବିଷୟ ରେ ମତବ୍ୟକ୍ତ କରିଥିଲେ । ଛାତ୍ରଛାତ୍ରୀ ସିତୁ ସାହୁ, ନିରୁ ଷଣ୍ଢ , ମୁସ୍କାନ, ପ୍ରିନ୍ସ, ଲିପ୍ସା, ଶୁଭଶ୍ରୀ ପ୍ରମୁଖ ନିଜ ନିଜ ର ବକ୍ତବ୍ୟ ରଖି ଦିବସର ଗୁରୁତ୍ୱାରୋପ କରିଥିଲେ । ନବମ ଶ୍ରେଣୀର ଜନନୀକା ଓ ଝରଣା କାର୍ଯ୍ୟକ୍ରମ କୁ ସଂଯୋଜନା କରିଥିଲେ । ସରକାରଙ୍କ ତରଫରୁ ଯୋଗାଇ ଦିଆ ଯାଇଥିବା ନୂତନ ୟୁନିଫର୍ମ ଏବଂ

ହାଉସ ଡ୍ରେସ ଆଜିର ଦିନରେ ପ୍ରଥମେ ପରିଧାନ କରି ସମସ୍ତ ଛାତ୍ରଛାତ୍ରୀ ଖୁସିରେ ଗୁରୁ ଦିବସରେ ଅଂଶ ଗ୍ରହଣ କରିଥିଲେ। ଜିଲ୍ଲା ସ୍ତରୀୟ ବିଜ୍ଞାନ ସେମିନାର ରେ କୃତିତ୍ଵ ହାସଲ କରିଥିବା ଦଶମ ଶ୍ରେଣୀର ଛାତ୍ରୀ ସିତୁ ସାହୁ ଙ୍କୁ ସମ୍ବର୍ଦ୍ଧିତ କରାଯାଇଥିଲା । ମୋ ସ୍କୁଲ ଅଭିଯାନ ସଭାପତି ସତ୍ୟ ପ୍ରଧାନ , ସଦସ୍ୟ କିଶୋର ପୁଟେଲ, ବିରେନ୍ଦ୍ର ସାହୁ, ସୁବଳ ଯୁଆଡି ପ୍ରମୁଖ ଙ୍କ ସହଯୋଗ ରେ ଆଜିର ଦିବସରେ ସ୍କୁଲ ଖେଳ ପଡ଼ିଆରେ ଆମ୍ବ, ନିମ୍ବ ପ୍ରଭୃତି କିସମର ୧୦ ଗୋଟି ଚାରା ରୋପଣ କରାଯାଇଥିଲା। ଶେଷରେ କିରଣ ପଟେଲ ଧନ୍ୟବାଦ ଅର୍ପଣ କରିଥିଲେ।