05-Sep-2023

ଲୋଇସିଂହା, (ବିନୋଦ କୁମାର ଦୀପ) ଆଜି ପବିତ୍ର ଗୁରୁଦିବସ ଅବସରରେ ଓଡ଼ିଶା ମୋ ପରିବାର ଲୋଇସିଂହା ଶାଖା ତରଫରୁ ଗୁରୁ ପୂଜନ ଉତ୍ସବ ଅନୁଷ୍ଠିତ ହୋଇଯାଇଛି l ଏହାର ମୁଖ୍ୟ ଆୟୋଜକ ବିଜେଡି ରାଜ୍ୟ ପରିଷଦ ନିହାର ରଞ୍ଜନ ବେହେରା ଙ୍କ ତତ୍ୱାବଧାନ ରେ ଲୋଇସିଂହା ନିର୍ବାଚନ ମଣ୍ଡଳୀ ଅନ୍ତର୍ଗତ ଲୋଇସିଂହା, ଆଗଲପୁର, ଓ ପୁଇଁତଲା ବ୍ଲକ ରୁ ହାରାହାରି 100 ରୁ ଉର୍ଦ୍ଧ ଅବସର ପ୍ରାପ୍ତ ଶିକ୍ଷକ ମାନଙ୍କୁ ସ୍ୱାଗତ ଓ ସମ୍ବର୍ଦ୍ଧନା ଦିଆଯାଇଥିଲା l ଏହି ଉତ୍ସବ କୁ ଅବସର ପ୍ରାପ୍ତ ଶିକ୍ଷକ ରାଜେନ୍ଦ୍ର ବିଶ୍ୱାଲ ଙ୍କ ସଭାପତିତ୍ବ ରେ ମୁଖ୍ୟ ଅତିଥି ଭାବ ରେ ଡ଼. ଗୁରୁ ଘାସିରାମ ମିଶ୍ର, ମୁଖ୍ୟ ବକ୍ତା ଭାବରେ ବିଭୁତି ଭୂଷଣ ସାହାଣୀ ଓ ସମ୍ମାନିତ ଅତିଥି ଭାବରେ ଲୋଇସିଂହା ବ୍ଲକ ଅଧ୍ୟକ୍ଷ ଯତୀନ୍ଦ୍ର ପଟେଲ ଯୋଗ ଦେଇଥିଲେ l ସ୍ୱତନ୍ତ୍ର ଆଦିବାସୀ ଉନ୍ନୟନ ପରିଷଦ ଅଧ୍ୟକ୍ଷ ବ୍ରଜମୋହନ ବିଶୋଇ, ଜ଼ିଲ୍ଲା ପରିଷଦ ସଭ୍ୟା ଲିଲିମା ବେହେରା, ଶ୍ୟାମ ସୁନ୍ଦର ଭୋଇ ଓ ଅବସର ପ୍ରାପ୍ତ ଶିକ୍ଷକ ରାମ ଚନ୍ଦ୍ର ପଟେଲ ପ୍ରମୁଖ ମଞ୍ଚସିନ ଥିଲେ l ସଭା ଆରମ୍ଭ ହେବା ପୂର୍ବ ରୁ ଅତିଥି ମାନେ ମା ସରସ୍ବତୀ ଓ ପୂର୍ବତନ ରାଷ୍ଟ୍ରପତି ସର୍ବପଲ୍ଲୀ ରାଧାକ୍ରିଷ୍ଣାନ ଙ୍କ ଫୋଟୋ ଚିତ୍ର ଉପରେ ପୁଷ୍ପମାଲ୍ୟ ଅର୍ପଣ କରିବା ପରେ ନିହାର ରଂଜନ ବେହେରା ଓ ଅନ୍ୟାନ୍ୟ ତାଙ୍କ ସହଯୋଗୀ ମାନେ ଫୁଲ, ଚନ୍ଦନ,ଚାଉଳ  ଦେଇ ଗୁରୁପୂଜନ କରିବା ସହିତ ଉତ୍ତରୀୟ ଓ କଲମ ଦେଇ ସମ୍ବର୍ଦ୍ଧନା କରିଥିଲେ l ସମସ୍ତ ଅତିଥୀ ମାନେ ଗୁରୁ ମାନଙ୍କ ଭୂମିକା ଓ ରାଧାକ୍ରିଷ୍ଣାନ ଙ୍କ ଜୀବନି ଉପରେ ଆଲୋକପାତ କରିଥିଲେ ଓ ଗତ କିଛି ଦିନ ତଳେ ଅବସର ନେଇଥିବା ରାଜ୍ୟପାଲ ପୁରସ୍କାର ପ୍ରାପ୍ତ ପ୍ରକୃତି ବଂଧୁ ଶିକ୍ଷକ ଦିଗାମ୍ବର ନାଏକ କୁ ସ୍ୱତନ୍ତ୍ର ଭାବରେ ସମ୍ମାନିତ କରାଯାଇଥିଲା ଓ ପରିଶେଷରେ  ପିତାମ୍ବର ପୁଟେଲ ଧନ୍ୟବାଦ ଅର୍ପଣ କରିଥିଲେ l