06-Jul-2023

ବିନିକା(ହିମାଂଶୁ ଶେଖର ପୁଟେଲ)ସୁବର୍ଣ୍ଣପୁର ଜିଲ୍ଲା ଗସ୍ତରେ ଆସିଥିବା ମାନ୍ୟବର ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସହାୟକ ତଥା ୫ଟି ସଚିବ ଭି.କେ.ପାଣ୍ଡିଆନ ଉଚ୍ଚ ଶିକ୍ଷାର ଅଗ୍ରଗତି ପାଇଁ ଅଧ୍ୟୟନରତ ଛାତ୍ରଛାତ୍ରୀଙ୍କ ସୁବିଧା ନିମନ୍ତେ କଲେଜ ଗୁଡ଼ିକର ଉନ୍ନତିକରଣ ପାଇଁ ଜିଲ୍ଲାର ବିଭିନ୍ନ କଲେଜକୁ ମୁଖ୍ୟମନ୍ତ୍ରୀ ସ୍ଵତନ୍ତ୍ର ସହାୟତା ଯୋଜନାରେ ସାମିଲ କରି ଅନୁଦାନ ଘୋଷଣା କରିଛନ୍ତି ।ଏହି ପରିପ୍ରେକ୍ଷୀରେ ବିନିକା ବ୍ଲକର ୪ଟି କଲେଜକୁ ସାମିଲ କରି ୨କୋଟି ଟଙ୍କାର ଅନୁଦାନ ଘୋଷଣା କରିଛନ୍ତି।ମିଳିଥିବା ଖବର ଅନୁସାରେ ବିନିକା ସହରର ସିଦ୍ଧାର୍ଥ ଡ଼ିଗ୍ରୀ କଲେଜକୁ ୧କୋଟି,ସିଦ୍ଧାର୍ଥ ଉଚ୍ଚ ମାଧ୍ୟମିକ ବିଦ୍ୟାଳୟକୁ ୫୦ଲକ୍ଷ ଟଙ୍କା ଏବଂ ବ୍ଲକ ଅନ୍ତର୍ଗତ ମହିଳା ଉଚ୍ଚ ମାଧ୍ୟମିକ ବିଦ୍ୟାଳୟ ଫୁଲମୁଠୀକୁ ୨୫ଲକ୍ଷ,ଶ୍ରୀ ଜଗନ୍ନାଥ ଉଚ୍ଚ ମାଧ୍ୟମିକ ବିଦ୍ୟାଳୟ ବାଉଁଶୁଣିକୁ ୨୫ଲକ୍ଷ ଟଙ୍କା ଘୋଷଣା କରିଛନ୍ତି।ଏହି ସବୁ ବିଦ୍ୟାଳୟରେ ସ୍ମାର୍ଟ କ୍ଲାସରୁମ,ବିଜ୍ଞାନ ପରୀକ୍ଷାଗାର,ପାନୀୟ ଜଳ ସୁବିଧା,ଇ-ଲାଇବ୍ରେରୀ,ଟଏଲେଟ ଆଦି ନିର୍ମାଣ ହେବ ବୋଲି ଜଣାପଡିଛି ।କଲେଜ ଗୁଡ଼ିକୁ ଅନୁଦାନ ପ୍ରଦାନ ପରେ କଲେଜ ପରିଚାଳନା କମିଟି ସଭାପତି ସୋନପୁର ଉପ ଜିଲ୍ଲାପାଳ ଡକ୍ତର ଇପ୍ସିତା ପ୍ରିୟଦର୍ଶିନୀ ମିଶ୍ର,ସିଦ୍ଧାର୍ଥ ଡ଼ିଗ୍ରୀ କଲେଜ ଅଧ୍ୟକ୍ଷ ଧୀରେନ୍ଦ୍ର କୁମାର ନାୟକ ଓ ଷ୍ଟାଫ,ମୋ କଲେଜ ଅଭିଯାନ ସଭାପତି ସୋମନାଥ ମିଶ୍ର ଓ ସମସ୍ତ ସଦସ୍ୟ,ସିଦ୍ଧାର୍ଥ ଜୁନିଅର କଲେଜ ଅଧକ୍ଷା ରେଖା ପ୍ରଧାନ,ଫୁଲମୁଠି ମହିଳା କଲେଜ ଅଧ୍ୟକ୍ଷ ପଞ୍ଚାନନ ସାହୁ,ଵାଉଁଶୁଣି କଲେଜ ଅଧ୍ୟକ୍ଷ ବନବିହାରୀ ମିଶ୍ରଙ୍କ ସମେତ ସମସ୍ତ କଲେଜର ଷ୍ଟାଫ,ପରିଚାଳନା କମିଟି ସଦସ୍ୟ ଏବଂ ପୁରାତନ ଛାତ୍ରଛାତ୍ରୀଙ୍କ ତରଫରୁ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ୫ଟି ସଚିବ ଭି.କେ.ପାଣ୍ଡିଆନଙ୍କୁ କୃତଜ୍ଞତା ଜ୍ଞାପନ କରାଯାଇଛି ।