06-Jul-2023

ବଲାଙ୍ଗୀର(ପ୍ରେରଣା ଖବର)-ବଲାଙ୍ଗୀର ସମେତ ଓଡିଶାର ଜନଜୀବନର ଏକ ପ୍ରାଗଐତିହାସିକ କ୍ଷେତ୍ର ହେବାସହ ଇତିହାସର ସ୍ୱର୍ଣ୍ଣିମ ଅଧ୍ୟାୟର ସ୍ମୃତିକ୍ଷେତ୍ର ଭାବରେ ପରିଚିତ “ଭୀମପାହାଡ” ଓଡିଶା ସରକାରଙ୍କ ପର୍ଯ୍ୟଟନସ୍ଥଳୀର ମାନ୍ୟତା ପାଇ ବିକାଶଦିଗରେ ଆଗେଇଚାଲିଛି । ଭାରତୀୟ ସ୍ୱାଧିନତାସଂଗ୍ରାମରେ ସହିଦ ହୋଇଥିବା ଆଟଗାଁ ଜମିଦାର ସହିଦ ଧରମସିଂ ମାଝୀ ମାନଧାତା,କଳାହାଣ୍ଡିର ରେଣ୍ଡୋ ମାଝୀ ଓ ଘୁମୁସରର ଚକୋରା ବିଶୋଇଙ୍କ ବିରତ୍ୱର ଇତିହାସ ଏହି ପୀଠ ସହିତ ଯୋଡିହୋଇ ରହିଛି । ପ୍ରାକୃତିକ ପରିବେଶ ମଧ୍ୟରେ ୬୪ରୁ ଅଧିକ ଗୁମ୍ଫା ରହିଥିବା ଏହି ପାହାଡର ଏକ ବିଶାଳ ଇତିହାସ ରହିଛି । ଏହି ପର୍ଯ୍ୟଟନକ୍ଷେତ୍ରର ଇତିହାସ ଓ ଲୋକଧାରାକୁ ନେଇ ଏକ ପୁସ୍ତକ “ଭୀମପାହାଡ” ନାମରେ ପ୍ରକାଶିତ କରିବାକୁ ଭୀମପାହାଡ ମହୋତ୍ସବ କମିଟି ପରିକଲ୍ପନା କରିଛି । ଆସନ୍ତା ଅଗଷ୍ଟମାସ ୧୫ ତାରିଖରେ ପବିତ୍ର ସ୍ୱାଧୀନତା ଦିବସରେ ଏକାକୁ ଉନ୍ମୋଚନ କରିବାକୁ ପ୍ରସ୍ତାବ କରାଯାଇଛି । ସଂପାଦନାମଣ୍ଡଳିରେ ବିଶିଷ୍ଟ ସ୍ତମ୍ବକାର ତଥା ଲେଖକ ଉମାଶଙ୍କର ସିଂ,ବରିଷ୍ଠ ସାମ୍ବାଦିକ ସଂଦୀପ କୁଅଁର,ପୂର୍ଣ୍ଣଚନ୍ଦ୍ର ପଣ୍ଡା ଓ ସମାଜସେବୀ ଡ.ସୁଧାଂଶୁଭୂଷଣ ମେହେର ରହିଛନ୍ତି । ଏହି ପୁସ୍ତକ ପାଇଁ ବିଭିନ୍ନ ଗବେଷକ,ଲେଖକ ଓ ଐତିହାସିକମାନଙ୍କଠାରୁ ଲେଖା ଆହ୍ୱାନ କରାଯାଉଛି । ଲେଖାଗୁଡିକ ଓଡିଆ,କୋସଲୀ ଓ ଇଂରାଜୀରେ ହାତଲେଖା କିମ୍ବା କମ୍ପ୍ୟୁଟରରେ ଟାଇପ କରି ନିମ୍ନୋକ୍ତ ଇମେଲରେ ପଠାଇବାକୁ କମିଟି ଅନୁରୋଧ କରୁଛି । ଲେଖାଗୁଡିକ ସହିଦ ଧରମସିଂ ମାଝୀମାନଧାତା,ରେଣ୍ଡୋମାଝୀ,ଚକୋରା ବିଶୋଇ ତଥା ଏହି ପୀଠ ସହିତ ଯୋଡିହୋଇଥିବା ଇତିହାସ ଓ ସଂସ୍କୃତି ସଂମ୍ବନ୍ଧିୟ ହୋଇଥିବା ଆବଶ୍ୟକ । ଲେଖାଗୁଡିକ Email ID  sandip_kuanr@rediffmail.com ଓ pcpanda 74@gmail.com ରେ ଆସନ୍ତା ଜୁଲାଇମାସ ୨୫ ତାରିଖ ସୁଦ୍ଧା ପଠାଇବାକୁ ଅନୁରୋଧ କରାଯାଉଛି ।