03-Jul-2023

ଆଗଲପୁର, (ବିନୋଦ କୁମାର ଦୀପ) ଆଗଲପୁର ବ୍ଲକ ଅନ୍ତର୍ଗତ ନଗାଆଁ ଖ ଗ୍ରାମରେ ଉଭୟ ତହସିଲ୍ ଓ ପୋଲିସ ପ୍ରଶାସନର ଉପସ୍ଥିତିରେ ଜବର୍ ଦଖଲ ଉଚ୍ଛେଦ ପ୍ରକ୍ରିୟା ଜାରି ରହିଛି l ଆଜି ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ଅନ୍ତର୍ଗତ ନଅଗାଁ ଖ ଗ୍ରାମର ରାସ୍ତା ପାର୍ଶ୍ଵରେ ଥିବା ଗୃହ ଗୁଡ଼ିକ ଭଙ୍ଗା ଯାଉଥିଲା l ଆଗଲପୁର ତହସିଲଦାର ସୁଶ୍ରୀ ସରୋଜା ବେହେରା ଙ୍କ ଉପସ୍ଥିତିରେ ଘର ଭଙ୍ଗା କାମ ଚାଲୁଥିଲା l ଗ୍ରାମରେ ରାସ୍ତା ନିର୍ମାଣ ତଥା ଡ୍ରେନ୍ ର ନିର୍ମାଣ ପାଇଁ ଜମି ଅଧିଗ୍ରହଣ ହୋଇଥିଲା ଫଳରେ ରାସ୍ତାକୁ ଲାଗି ତିଆରି କରାଯାଇଥିବା ଗୃହ ଗୁଡ଼ିକ ଭାଙ୍ଗିବାକୁ ନୋଟିସ କରା ଯାଇଥିଲା l ଲୋକେ ନୋଟିସ୍ ପାଇବାର ସମୟ ସୀମା ଭିତରେ ଘର ଖାଲି ନ କରିବାରୁ ବାଧ୍ୟ ହୋଇ ଘର ଭାଙ୍ଗିବାକୁ ପ୍ରଶାସନ ପକ୍ଷରୁ ପଦକ୍ଷେପ ନିଆଯାଇଛି ବୋଲି ତହସିଲଦାର ପ୍ରକାଶ କରିଛନ୍ତି l ସରକାରଙ୍କ ଆଦେଶ ଥିବାରୁ ପୋଲିସ ପ୍ରଶାସନର ଉପସ୍ଥିତିରେ ଉଚ୍ଛେଦ ପ୍ରକ୍ରିୟା ଜାରି ରହିଛି ବୋଲି ତହସିଲଦାର ପ୍ରକାଶ କରିଛନ୍ତି l 

ତା ସଙ୍ଗେ ସଙ୍ଗେ ନଅଗାଁ ଖ ପଂଚାୟତ ର ସରପଞ୍ଚ ମଧ୍ୟ ଉପସ୍ଥିତ ଥିଲେ l ତାଙ୍କୁ ମଧ୍ୟ ଉଚ୍ଛେଦ ପ୍ରକ୍ରିୟା ବିଷୟରେ ପଚାରିଥିଲୁ ସେ ମଧ୍ୟ ରାସ୍ତା ଓ ଡ୍ରେନ ନିର୍ମାଣ ପାଇଁ ଉଚ୍ଛେଦ କରାଯାଇଛି ବୋଲି କହିଥିଲେ l ଉଛେଦ ସମୟରେ କିଛି ଲୋକଙ୍କ ମଧ୍ୟରେ କିଛି ସମୟ ପାଇଁ ପାଟିତୁଣ୍ଡ ହେବାର ଦେଖିବାକୁ ମିଳିଥିଲା l ଏହି ଉଚ୍ଛେଦ ପ୍ରକ୍ରିୟା ରେ ଆଗଲପୁର ଥାନା ଅଧିକାରୀ ଶ୍ରୀ ସନାତନ ସାହୁଙ୍କ ତତ୍ତ୍ଵାବଧାନରେ ପୋଲିସ ଟିମ ଉପସ୍ଥିତ ରହି ଶାନ୍ତି ଶୃଙ୍ଖଳା ରକ୍ଷା କରିବାରେ ସହଯୋଗ କରିଥିଲେ l ସରପଞ୍ଚ ଓ ତହସିଲଦାର ଙ୍କ ପ୍ରତିକ୍ରିୟା ନେଇଥିଲୁ l ଖବର ପ୍ରସ୍ତୁତ କରାଯାଇ ଥିବା ସମୟରେ ମଧ୍ୟ ଉଚ୍ଛେଦ ପ୍ରକ୍ରିୟା ଜାରି ରହିଥିଲା l