14-Jun-2023

ବଲାଙ୍ଗୀର ଜିଲ୍ଲା ଦେଓଗାଁ ଡିଗ୍ରୀ ମହାବିଦ୍ୟାଳୟର ରାଜନୀତି ବିଜ୍ଞାନ ବିଭାଗର ଅଧ୍ୟାପକ ଡ. ସୁରେଶ ପ୍ରସାଦ ଷଡଙ୍ଗୀ ସମ୍ବଲପୁର ବିଶ୍ୱବିଦ୍ୟାଳୟରୁ ରାଜନୀତି ବିଜ୍ଞାନରେ ସମ୍ମାନଜନକ ଡି. ଲିଟ୍ ଉପାଧି ଲାଭ କରିଛନ୍ତି । ସେ ସମ୍ବଲପୁର ବିଶ୍ୱବିଦ୍ୟାଳୟ ରାଜନୀତି ବିଜ୍ଞାନ ଓ ଲୋକ ପ୍ରଶାସନ ବିଭାଗର ବିଭାଗୀୟ ମୁଖ୍ୟ ପ୍ରଫେସର ଡ. ସତ୍ୟପ୍ରକାଶ ଦାଶଙ୍କ ପ୍ରତ୍ୟେକ୍ଷ ତତ୍ତ୍ୱାବଧାନରେ 'Political participation of women self -help groups in Panchayatiraj: A study of KBK District of Odisha' ବିଷୟ ଉପରେ ଗଭୀର ଗବେଷଣା କରି ଓ ସନ୍ଦର୍ଭ ଲେଖି ଏହି ଉପାଧି ପ୍ରପ୍ତ କରିଛନ୍ତି । ଏହି ସନ୍ଦର୍ଭ ଟି ଦିଲ୍ଲି ବିଶ୍ୱବିଦ୍ୟାଳୟର ପ୍ରଫେସର ସାର୍ଥକ ବେଚ୍‌, ଲକ୍ଷେ୍ଣା ବିଶ୍ୱବିଦ୍ୟାଳୟର ପ୍ରଫେସର ସଂଜୀବ ସିଂହ ଓ ସେଣ୍ଟ୍ରାଲ ୟୁନିଭରସିଟି, ଅମରକଂଟକର ପ୍ରଫେସର ଅନୁପ ସର୍ମାଙ୍କ ଦ୍ୱାରା ପରୀକ୍ଷିତ ଓ ଉଚ୍ଚପ୍ରଶଂସିତ ହୋଇଛି । ଡକ୍ଟର ଷଡଙ୍ଗୀ ଏହା ପୂର୍ବରୁ ଉତ୍କଳ ବିଶ୍ୱବିଦ୍ୟାଳୟରୁ ପିଏଚ୍‌ଡି ଲାଭ କରିବା ସହ ୟୁଜିସି ମାଇନର୍ ରିସାର୍ଚ୍ଚ ପ୍ରୋଜେକ୍ଟ ଓ ମେଜର୍ ରିସାର୍ଚ୍ଚ ପ୍ରୋଜେକ୍ଟ ରେ ଉଲ୍ଲେଖନୀୟ କାର୍ଯ୍ୟ କରିଛନ୍ତି । ପୁନଃଶ୍ଚ ତାଙ୍କର ୪ଠରୁ ଉର୍ଦ୍ଧ୍ୱ  ଗବେଷଣାତ୍ମକ ଆଲେଖ୍ୟ ବିଭିନ୍ନ ଜାତୀୟ ଓ ଆନ୍ତର୍ଜାତୀୟ ଖ୍ୟାତିସଂପନ୍ନ ଜର୍ଣ୍ଣାଲରେ ପ୍ରକାଶିତ ହୋଇ ସାରିଛି । ଏତଦ୍‌ବ୍ୟତିତ ଡକ୍ଟର ଷଡଙ୍ଗୀ ତାଙ୍କର ଗବେଷଣାତ୍ମକ କାର୍ଯ୍ୟକୁ ଆଗେଇ ନେବା ସହିତ ଏକ ଗବେଷଣାତ୍ମକ ପୁସ୍ତଜ ରଚନା କରିଛନ୍ତି । ଏଥିସହ ୬ଠ ରୁ ଉର୍ଦ୍ଧ୍ୱ ଜାତୀୟ ଓ ଆନ୍ତର୍ଜାତୀୟ ସେମିନାରରରେ ନିଜର ଗବେଷଣାତ୍ମକ ନିବନ୍ଧ ଉପସ୍ଥାପନା କରିବା ସହ ବିଭିନ୍ନ ସଂଗୋଷ୍ଠୀରେ ନିଜର ବକ୍ତବ୍ୟ ଉପସ୍ଥାପନା କରି ଉଚ୍ଚପ୍ରଶଂସିତ ହୋଇଛନ୍ତି । ବ୍ୟକ୍ତିଗତ ସ୍ତରରେ ସେ ଜଣେ ମିଷ୍ଟଭାଷୀ, ମେଳାପୀ ଓ ସୁଦକ୍ଷା ଅଧ୍ୟାପକ ରୂପେ ଛାତ୍ରଛାତ୍ରୀ ତଥା ସହକର୍ମୀ, ବନ୍ଧୁ ମହଲରେ ବେଶ ପରିଚିତ । ବହୁ ସାମାଜିକ ଓ ଶୈକ୍ଷିକ ଅନୁଷ୍ଠାନ ସହ ଜଡିତ ଥିବା ଡକ୍ଟର ଷଡଙ୍ଗୀ ଜଣେ ନିଷ୍ଠାବାନ ଗବେଷକ ରୂପେ ପ୍ରସିଦ୍ଧି ଲାଭ କରିଛନ୍ତି । 
    ଡ. ସୁରେଶ ପ୍ରସାଦ ଷଡଙ୍ଗୀର ସୁବର୍ଣ୍ଣପୁର ଜିଲ୍ଲା ଡୁଙ୍ଗୁିପାଲି ବ୍ଲକ ଅଧୀନସ୍ଥ ଦିଗ୍‌ଶିରା ଗାଁ ର ଅବସରପ୍ରାପ୍ତ ପ୍ରଧାନଶିକ୍ଷକ ସ୍ୱର୍ଗତ ମୀନକେତନ ଷଡଙ୍ଗୀଙ୍କ ସୁପୁତ୍ର ଓ ବଲାଙ୍ଗୀର ମାଲପଡାସ୍ଥିତ ଅବସରପ୍ରାପ୍ତ କୃଷି ଅଧିକାରୀ ସ୍ୱର୍ଗତ ଲୋକନାଥ ଉଦ୍‌ଗାତା ଓ ଶ୍ରୀମତୀ ଶାନ୍ତିଲତା ଉଦ୍‌ଗାତାଙ୍କ କନିଷ୍ଠଙ୍କ ଜାମାତା ତଥା ଶିବତଲା ପ୍ରାଥମିକ କେନ୍ଦ୍ରର ମେଡିକାଲ ଅଫିସର ଡାକ୍ଟର ସ୍ମିତାଞ୍ଜଳି ଉଦ୍‌ଗାତାଙ୍କ ସ୍ୱାମୀ ଅଟନ୍ତି । ଡାକ୍ଟର ଷଡଙ୍ଗୀଙ୍କ ଏହି ସଫଳତା ପାଇଁ ତାଙ୍କ ପୁତ୍ର ନିଲେଶ କୁମାର ଅଭିନନ୍ଦନ ଜଣାଇଛନ୍ତି ।