17-Apr-2023

ଲୋଇସିଂହା, (ବିନୋଦ କୁମାର ଦୀପ) ମହାନ ଜନନାୟକ ପ୍ରବାଦ ପୁରୁଷ ସ୍ବର୍ଗତ ବିଜୁପଟ୍ଟନାୟକ ଙ୍କ 26 ତମ ତିରୋଧାନ ଦିବସରେ ସ୍ବେଛାକୃତ ରକ୍ତଦାନ ଶିବିର ସହ  ଶ୍ରଦ୍ଧାଞ୍ଜଳି ଓ ସ୍ମୃତି ସଭା ରାଜ୍ୟ ପରିଷଦ ସଦସ୍ୟ ନିହାର ରଞ୍ଜନ ବେହେରା ଙ୍କ ନେତୃତ୍ୱରେ ଓ ଆଗଲପୁର ବିଜେଡି ବ୍ଲକ ସଭାପତି ପଞ୍ଚୁ ପଧାନ ଙ୍କ ସଭାପତିତ୍ୱ ରେ ଦୁର୍ଗା ମାର୍କେଟ କମ୍ପ୍ଲେକ୍ସ ଲୋଇସିଂହା ଠାରେ ଅନୁଷ୍ଠିତ ହୋଇଥିଲା l ଏହି ରକ୍ତଦାନ ଶିବିରରେ 51 ୟୁନିଟ ରକ୍ତ ସଂଗୃହିତ ହୋଇଥିଲା l ଉକ୍ତ କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ରାଜ୍ୟସଭା ସାଂସଦ ନିରଞ୍ଜନ ବିଶି ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବରେ ପୂର୍ବତନ ସାଂସଦ ତଥା ହାଉସିଂ ବୋର୍ଡ ଅଧ୍ୟକ୍ଷ କଳିକେଶ ନାରାୟଣ ସିଂଦେଓ, ଜିଲ୍ଲା ପରିଷଦ ଅଧ୍ୟକ୍ଷl ଦେବକୀ ସାହୁ, ଲୋଇସିଂହା ବ୍ଲକ ବିଜେଡି ସଭାପତି ହୃଦାନନ୍ଦ ବେହେରା, ବ୍ଲକ ବିଜେଡି ସଭାନେତ୍ରୀ ଜୋତ୍ସ୍ନାମୟୀ ନାଗ ଯୋଗ ଦେଇଥିଲେ l

ଉପସ୍ଥିତ ବିଜେଡି ବ୍ଲକ ଯୁବ ସଭାପତି  ଲୋଇସିଂହା ପ୍ରକାଶ ମହାରଣା ଓ ଆଗଲପୁର ବ୍ଲକ ଯୁବ ସଭାପତି ନାରାୟଣ ସାହୁ, ଲୋଇସିଂହା ବ୍ଲକ ଛାତ୍ର ସଭାପତି ଫିରୋଜ ସାତୁଆ, ପୁଇଁତଳା ବ୍ଲକ ଛାତ୍ର ସଭାପତି ଶ୍ରୀପତି ପଧାନ ସହ ବିଜେଡି ବରିଷ୍ଠ, ଯୁବଛାତ୍ର ଓ ମହିଳା ପ୍ରମୁଖ ଉପସ୍ଥିତ ଥିଲେ l ସଭା କାର୍ଯ୍ୟକ୍ରମରେ ସହଯୋଗ କରିଥିଲେ ଟୀକୁଲୁ କଦମ, ନିତ୍ୟାନନ୍ଦ ସାହୁ, ବୁଦ୍ଧଦେବ ସାହୁ, ପ୍ରକାଶ ମେହେର, ବିକ୍ରମ ମହାନନ୍ଦ, ମନୋଜ ପୋଢ଼, ଅଂଶୁମାନ ଗୁରୁ, ରମେଶ ଦଣ୍ଡସେନା, ବବଲୁ ସାହୁ, ମଣ୍ଟୁ ସାହୁ l କାର୍ଯ୍ୟକ୍ରମରେ ସରୋଜ ମହାକୁର ମଞ୍ଚ ପରିଚାଳନା କରିଥିବା ବେଳେ ପୁଇଁତଳା ବ୍ଲକ ବିଜେଡି ସଭାପତି ବିଷ୍ଣୁ ପଟେଲ ଧନ୍ୟବାଦ ଅର୍ପଣ କରିଥିଲେ l