15-Apr-2023

କଳାହାଣ୍ଡି(ତ୍ରିନାଥ ବେଶ୍ରା )
 ଭବାନୀପାଟଣା ସହରସ୍ଥିତ ଗାନ୍ଧୀଛକ ନିକଟ ଦଳିତ ମଞ୍ଚ ରେ ୧୪ ଅପ୍ରେଲ ଡକ୍ଟର ଆମ୍ବେଦକର ଜୟନ୍ତୀ ସହ  ମହାବିଷୁବ ସଂକ୍ରାନ୍ତି ତଥା ପବିତ୍ର ପଣା ସଂକ୍ରାନ୍ତି ଏବଂ ଓଡ଼ିଆ ନବବର୍ଷ ପାଳନ ଅବସରରେ ଭାରତୀୟ ମାନବ ଅଧିକାର ପରିଷଦ ଅନୁକୂଲ୍ୟ ରେ ଦିବା ଏଗାର ଟାରୁ ଅପରାହ୍ନ ତିନି ଘଟିକା ପର୍ଯ୍ୟନ୍ତ ପଣା ବଣ୍ଟନ କରାଯାଇଥିଲା ।  ଓଡ଼ିଆ ସଂସ୍କୃତି,ପରମ୍ପରା, ଭାଇଚାରା ଅନ୍ୟ ରାଜ୍ୟ ତୁଳନାରେ ଭିନ୍ନ, ଓଡ଼ିଶାର ଏହି ମହାନ ସଂସ୍କୃତିକୁ ଉଜ୍ଜୀବିତ ତଥା ରୁଦ୍ଧିମନ୍ତ ରଖିବା ଏବଂ ପରସ୍ପର ମଧ୍ୟରେ ଭାଇଚାରା ସୃଷ୍ଟି କରିବା ନିମନ୍ତେ ପ୍ରତେକ ବର୍ଷ ଭଳି ଚଳିତ ବର୍ଷ ମଧ୍ୟ ପଣା ବଣ୍ଟନ କାର୍ଯ୍ୟକ୍ରମ କରାଯାଇଥିଲା ।

ଏଥିରେ ଭାରତୀୟ ମାନବ ଅଧିକାର ପରିଷଦ ର ରାଜ୍ୟ ସଭାପତି ଶ୍ରୀ  ସଂଗ୍ରାମ କେଶରୀ ପାତ୍ର, ରାଜ୍ୟ କାର୍ଯ୍ୟକାରୀ ସଭାପତି ସାରଦା ପ୍ରସାଦ ମିହାନ୍ତି, ରାଜ୍ୟ ଉପ ସଭାପତି ଶ୍ରୀ ପ୍ରବିଣ କୁମାର ଗୁପ୍ତା, ରାଜ୍ୟ ସଂଖ୍ୟାଲଘୁ ସେଲ୍ ର ସଭାପତି ମହମ୍ମଦ ସଲିମ୍ ଆଦିଙ୍କ ସହ ବିଏଚ୍ ଆର୍ ସି ର ଜିଲ୍ଲା କାର୍ଯ୍ୟକାରୀ ସଭାପତି ଅଶୋକ କୁମାର ଜୈନ୍,  ଜିଲ୍ଲା ଉପ ସଭାପତି ଶାନ୍ତି ସ୍ବରୂପ ପଣ୍ଡା, ରାଜ୍ୟ ସମ୍ପାଦକ ଶ୍ରୀ ଉମା ଶଙ୍କର ମିଶ୍ର ପ୍ରମୁଖ କାର୍ଯ୍ୟକ୍ରମରେ ପରିଚାଳନା କରିଥିଲେ ଏବଂ କଳାହାଣ୍ଡି ଜିଲ୍ଲା ମିଳିତ ସାମ୍ବାଦିକ ସଂଘର ସଭାପତି ନାରାୟଣ ପ୍ରସାଦ ନାୟକ, କୋଷାଧ୍ୟକ୍ଷ  ବିରଞ୍ଚି ନାରାୟଣ ଯୋଶୀ, ଉପ ସଭାପତି ମଧୁସୂଦନ ମହାପାତ୍ର, ସଂଯୋଜକ ସିମାଞ୍ଚଳ ତ୍ରିପାଠୀ ପ୍ରମୁଖ ଉପସ୍ଥିତ ରହି ପଣା ବଣ୍ଟନରେ ସହଯୋଗ କରିଥିଲେ । ଉକ୍ତ ମହତ କାର୍ଯ୍ୟକ୍ରମକୁ ଆନୁଷ୍ଠାନିକ ଭାବେ ବରିଷ୍ଠ  ସାମ୍ବାଦିକ ଶ୍ରୀଯୁକ୍ତ ନାରାୟଣ ପ୍ରସାଦ ନାୟକ  ଉଦଘାଟନ କରିଥିଲେ । ବିଏଚ୍ ଆର୍ ସି ତରଫରୁ କରାଯାଇଥିବା ମହତ କାର୍ଯ୍ୟକୁ ବୁଦ୍ଧିଜିବୀ ମହଲରେ ଭୂୟସୀ ପ୍ରଶଂସା କରାଯାଉଛି ।