14-Apr-2023

ବୀରମହାରାଜପୁର,  (ବିନୋଦ ପାଣ୍ଡେ) : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବଜରଙ୍ଗ ଦଳ ପକ୍ଷରୁ ଆଜି ହନୁମାନ ଜୟନ୍ତୀ ପାଳିତ ହୋଇଯାଇଛି। ଏହି ଅବସରରେ ବାଇକ ଶୋଭାଯାତ୍ରା ଅନୁଷ୍ଠିତ ହୋଇଥିଲା । ସ୍ଥାନୀୟ ପଥରଘାଟ ଠାରେ ଥିବା ପଞ୍ଚମୁଖୀ ହନୁମାନ ମନ୍ଦିରରେ ରୀତିନୀତି ଅନୁସାରେ ପୂଜାର୍ଚନା କରିବା ପରେ ସେଠାରୁ ଏକ ବିରାଟ ଶୋଭାଯାତ୍ରା ରେ ବାହାରି ସହର ର ମୁଖ୍ୟ ଛକ ଠାରେ ଆଖଡ଼ା, ଖଣ୍ଡା ବୁଲା ଓ କୁସ୍ତି ପ୍ରଦର୍ଶନ କରାଯାଇଥିଲା l ସେଠାରୁ ଟାଙ୍ଗରସାହି ଠାରେ ଥିବା ହନୁମାନକୁ ବଜରଙ୍ଗ ଦଳ କାର୍ଯ୍ୟକର୍ତ୍ତା ମାନେ ଦର୍ଶନ କରିଥିଲେ l ଉକ୍ତ କାର୍ଯ୍ୟକ୍ରମ ରେ ବଜରଙ୍ଗ ଦଳର  ଅବିନାଶ ଥାନାପତି, ଅବିନାଶ ହୋତା, ଶୁଭେନ୍ଦୁ ଷଡ଼ଙ୍ଗୀ, ଅଂଶୁମାନ ପଣ୍ଡା,ଚିନ୍ମୟ ପଣ୍ଡା, ସୁଜ୍ଞାନ ହୋତା, ଲିଙ୍ଗରାଜ ଦାସ,ମନୋଜ କୁମାର ହୋତା ପ୍ରମୁଖ ଶତାଧିକ କାର୍ଯ୍ୟକର୍ତ୍ତା ସାମିଲ ହୋଇଥିଲେ l