22-Mar-2023

ବଲାଙ୍ଗୀର(ପ୍ରେରଣା ଖବର ): - ସରକାର ଶିଶୁ ମାନଙ୍କ ପୁଷ୍ଟି ପାଇଁ ଏସ ଏନ୍ ପି ଯୋଜନାରେ ଅଙ୍ଗନୱାଡ଼ି କେନ୍ଦ୍ର ମାନଙ୍କୁ transporting ଏଜେଣ୍ଟ ମାଧ୍ୟମରେ ଚାଉଳ ପଠାଉଛନ୍ତି । ୫୦ କେଜି ବିଶିଷ୍ଟ ବସ୍ତା ମାନଙ୍କରେ ଚାଉଳ ଭର୍ତି କରି ସମସ୍ତ ଅଙ୍ଗନୱାଡ଼ି କେନ୍ଦ୍ର ମାନଙ୍କୁ ପହଞ୍ଚା ଯାଉଛି । ହେଲେ ୫୦ କେଜି ପରିବର୍ତ୍ତେ ପ୍ରତି ବସ୍ତାରେ ୫ରୁ୬ କେଜି ଚାଉଳ ଏଭଳି କି ୧୦ କେଜି ପର୍ଯ୍ୟନ୍ତ ଚାଉଳ କମ୍ ଥିବା ଆମର ହସ୍ତଗତ ହୋଇଛି । ଏସ ଏନ୍ ପି ଯୋଜନାରେ ଚାଉଳ

transporting ଏଜେଣ୍ଟ ଭାବରେ କାମ କରୁଥିବା ବ୍ୟକ୍ତି ଜଣକ ହେଲେ ପାଟଣାଗଡ଼ ର ରାଜେଶ ରଞ୍ଜନ ପାତ୍ର। ଏହି ବାବୁ ଜଣକ କୁଆଡେ ପୂର୍ବରୁ ପୁଇନ୍ତଲା ବ୍ଲକ ଅଧୀନରେ ଏହି ଯୋଜନା ର ଚାଉଳ ବାଣ୍ଟୁ ଥିଲେ । ସେତେବେଳେ ମଧ୍ୟ ୫୦ କେଜି ବସ୍ତାରୁ ୫ରୁ ୬ କେଜି ଚାଉଳ ଉଭାନ ହେଉଥିବାରୁ ବାବୁଙ୍କ ନାମରେ ପୁଇନ୍ତଳା ଥାନା କେସ ନମ୍ବର ୯୯/୨୦୨୧ , ଧାରା - ୪୨୦/୪୦୬/୩୪ ଆଇ ପି ସି ରେ କେସ ହୋଇଥିଲା । ଅନେକ ଦିନ ଲୁଚି ବୁଲିଲେ । ବାବୁ ଜଣେ କରିତକର୍ମା ଲୋକ । ଶିଶୁ ଖାଦ୍ୟ କୁ ଆତ୍ମସାତ କରିବାକୁ ପଛାଉ ନାହାନ୍ତି । ଏହା ପୂର୍ବରୁ ୨୦୧୬ ରେ ରାଜେଶ ରଞ୍ଜନ ପାତ୍ର କିରୋସିନି

ଡିଲରସିପ୍ ଥିବା ବେଳେ ଏହାକୁ ମଧ୍ୟ ଚଳୁ କରି ହରଡ ଘନାରେ ପଡ଼ିଥିଲେ । କିରୋସିନ ଚୋରା ଚାଲାଣ ହେଉଥିବା ବେଳେ ଧରାପଡ଼ି କେସ ନମ୍ବର ୬୯୬/୧୬ ,7EC ରେ କେସ ରୁଜ୍ଜୁ ହୋଇ ବିଚାରାଧୀନ ଥିବା ତଥ୍ୟ ରୁ ଜଣା ପଡ଼ିଛି । କିରୋସିନି ଏବଂ ଆଇ ସି ଡ଼ି ଏସ ଚାଉଳ ହେରଫେର ରେ ପୂର୍ବରୁ କେସ ଥିବା ଜଣେ ବ୍ୟକ୍ତି ଙ୍କ ନାମରେ ବାରମ୍ବାର ଲାଇସେନ୍ସ ପ୍ରଦାନ କରାଯାଉଥିବା କେତେଦୂର ସମିଚୀନ । ଉପରୋକ୍ତ ଚାଉଳ କମ୍ ଥିବା ବିଷୟ କୁ ନେଇ ସଦର ବ୍ଲକ ସି ଡ଼ି ପି ଓ ଙ୍କୁ ପଚାରିବାରୁ ବସ୍ତାରେ କମ ଚାଉଳ ଆସୁଥିବା କହିଥିଲେ । ତେବେ ଜିଲ୍ଲାପାଳ ଏହା ଉପରେ ଦୃଷ୍ଟି ଦେଇ ସମସ୍ତ ଅଙ୍ଗନୱାଡ଼ି କେନ୍ଦ୍ର ର ଚାଉଳ କୁ ଓଜନ କରାଇ ଠିକ୍ ଭାବେ ତଦନ୍ତ କଲେ ବାବୁ ଙ୍କ ଅସଲ ରୂପ ପଦାରେ ପଡ଼ିବ ବୋଲି ସାଧାରଣରେ ଚର୍ଚ୍ଚା ହୁଏ।