21-Mar-2023

ଧିରେ ଧିରେ ଭଗଓ୍ବା ମୟ ହେଉଛି ନବରଙ୍ଗପୁର ଜିଲ୍ଲା। ୨୦୧୭ ପୂର୍ବରୁ ନବରଙ୍ଗପୁର ଜିଲ୍ଲାର କିଛି ସ୍ଥାନରେ କୌଣସି ଏକ ନିର୍ଦ୍ଧିଷ୍ଟ ସଂଗଠନ କିମ୍ବା ଅନୁଷ୍ଠାନ ତରଫରୁ ପାଳନ ହେଉଥିଲା ହିନ୍ଦୁ ନବବର୍ଷ।  ବର୍ତ୍ତମାନ କିନ୍ତୁ ଗାଁ ଗାଁ ରେ , ପ୍ରତି ବ୍ଲକରେ, ଅଧିକାଂଶ ପଞ୍ଚାୟତ ରେ ପାଳନ ହେଉଛି ହିନ୍ଦୁ ନବବର୍ଷ। ରାଷ୍ଟ୍ରୀୟ ସ୍ଵୟଂସେବକ ସଂଘ, ହିନ୍ଦୁ ମହାସଂଘ, ବିଶ୍ବହିନ୍ଦୁ ପରିଷଦ, ବଜରଙ୍ଗଦଳ, ଭଳି ରାଷ୍ଟ୍ରୀୟ ସ୍ତରରେ ସଂଗଠନ ସହିତ ଦେବ ସେନା , ଧର୍ମ ଯୋଦ୍ଧା ସଂଗଠନ, ହିନ୍ଦୁ ଜାଗୃତି ସେନା ଭଳି ଜିଲ୍ଲା ଓ ପ୍ରାଦେଶିକ ସଂଗଠନ ପକ୍ଷରୁ ମଧ୍ୟ ନଗର ସଜା ଚାଲିଛି ନବରଙ୍ଗପୁର ଓ ଉମରକୋଟ ଭଳି ସହର ଗୁଡ଼ିକ ରେ। ରାଷ୍ଟ୍ରୀୟ ସ୍ଵୟଂସେବକ ସଂଘ, ସଂଘ ପରିବାର ର ଅନ୍ୟ ସଂଗଠନ ଏବଂ ହିନ୍ଦୁ ମହାସଂଘ ର କାର୍ଯ୍ୟକର୍ତ୍ତା ପ୍ରାୟତଃ ପ୍ରତ୍ୟେକ ବ୍ଲକ ଏବଂ ପଞ୍ଚାୟତ ସ୍ତରରେ ମଧ୍ୟ ଅଛନ୍ତି। ହିନ୍ଦୁ ମହାସଂଘ ପକ୍ଷରୁ ଅବିଭକ୍ତ କୋରାପୁଟ ଜିଲ୍ଲା ରେ ଗାଁ ଗାଁ ବୁଲି ମଧ୍ୟ ଚୈତ୍ର ଶୁକ୍ଳ ପ୍ରତିପଦା ର ମହତ୍ଵ ବିଷୟରେ ଛୋଟ ଛୋଟ ବୈଠକ କରି ସଚେତନତା ସୃଷ୍ଟି କରା ଯାଇଥିଲା। ଝରିଗାଁ ର ଦୁର୍ଗମ ପାହାଡ଼ିଆ ଅଞ୍ଚଳ ରେ ମଧ୍ୟ ଏଥର ପାଳନ ହେଉଛି ହିନ୍ଦୁ ନବବର୍ଷ। ଏହାର ପ୍ରମୁଖ କାରଣ ହେଲା ବିଗତ ଦୁଇ ବର୍ଷ ମଧ୍ୟରେ ହିନ୍ଦୁ ମହାସଂଘ ର ଉଦ୍ୟମରେ ଅନେକ ଲୋକ ପୁନଃ ଝରିଗାଁ, ଉମରକୋଟ ଏବଂ ପାପଡାହାଣ୍ଡି ବ୍ଲକ ରେ ହିନ୍ଦୁ ଧର୍ମ କୁ ପ୍ରତ୍ୟାବର୍ତ୍ତନ କରିଛନ୍ତି। ଏହା କୁ ନେଇ ସେହି ସମୟରେ ଗଣମାଧ୍ୟମରେ ମିଶ୍ରିତ ପ୍ରତିକ୍ରିୟା ମଧ୍ୟ ଆସିଥିଲା। ଯାହା ମଧ୍ୟ ହେଉ ଖୁବ କମ ସମୟ ମଧ୍ୟରେ ଅବିଭକ୍ତ କୋରାପୁଟ ଓ କଳାହାଣ୍ଡି ଜିଲ୍ଲାରେ ନିଜ ଅସ୍ତିତ୍ଵ କୁ ଦୃଢ କରିଥିବା ହିନ୍ଦୁ ମହାସଂଘ ର ଉଦ୍ୟମ ଧିରେ ଧିରେ ଐତିହାସିକ ହେବା ପାଇଁ ଯାଉଛି। ସାଧୁସନ୍ଥଙ୍କ ସଂପୂର୍ଣ୍ଣ ନିର୍ଦ୍ଦେଶନାରେ ଚାଲୁଥିବା ହିନ୍ଦୁ ମହାସଂଘ ର ଶାଖା ଗାଁ ଗାଁ ରେ ହେଉଥିବା କାରଣରୁ ଅନ୍ୟାୟ ଧର୍ମାନ୍ତରଣ ରେ ମଧ୍ୟ ‌ହ୍ରାସ ହେଉଥିବା ଅନୁମାନ କରାଯାଉଛି। ଚୈତ୍ର ଶୁକ୍ଳ ପ୍ରତିପଦା ହିନ୍ଦୁ ମହାସଂଘ ର ପ୍ରତିଷ୍ଠା ଦିବସ ହୋଇଥିବା କାରଣରୁ ମହାସଂଘ ର କେନ୍ଦ୍ରୀୟ ସମିତି ପକ୍ଷରୁ ଆଗାମୀ ଦିନରେ ମହାସଂଘ ର ଆଭିମୁଖ୍ୟ କୁ ସଂପୂର୍ଣ୍ଣ ସ୍ପଷ୍ଟ କରାଯିବା ର ସଂଭାବନା ଅଛି। କାଲି ର ଅଧିବେଶନ ରେ ଯୋଗଦାନ କରିବା ପାଇଁ ଭୁବନେଶ୍ବର ରୁ ବାବା ରମେଶ ଦାସ ନବରଙ୍ଗପୁର ପହଞ୍ଚିଛନ୍ତି ଏବଂ କଟ୍ଟର ହିନ୍ଦୁ ବାଦୀ ସନ୍ଥ କ୍ରାନ୍ତି ବାବା ମଧ୍ୟ ପହଞ୍ଚିବା କାର୍ଯ୍ୟକ୍ରମ ଅଛି।(ମିହିର ଶଙ୍କର ପାତ୍ର )