12-Mar-2023

ବଲାଙ୍ଗିର, ଜିଲ୍ଲାପାଳ ବଲାଙ୍ଗିରଙ୍କ ନିର୍ଦ୍ଦେଶ କ୍ରମେ ଜିଲ୍ଲା ଶିଶୁ ସୁରକ୍ଷା ୟୁନିଟର ସାମାଜିକ କର୍ମୀ ଅରୁଣ ଖୁଆସ ଓ ଶିଶୁ ମଙ୍ଗଳ ସମିତିର ସଦସ୍ୟ ଡା. ସନ୍ଧ୍ୟାରାଣୀ ପଣ୍ଡା ଓ ଲିନା ବାବୁ ବେଲପଡା ବ୍ଲକର ବନମାଲ ଗାଁକୁ ଯାଇ ତେଲେଙ୍ଗାନାର ପେଦାପଲ୍ଲୀ ଜିଲ୍ଲାକୁ ଇଟାଭାଟିରେ କାମ କରିବା ଯାଇ ସେଠାରେ ମୃତ୍ୟୁ ହୋଇଥିବା ସ୍ୱର୍ଗତ ଶୁକଦେବ ପରାଭୁଏଙ୍କ ବିଧବା ପତ୍ନୀ ଓ ନାବାଳିକା ଶିଶୁ କନ୍ୟା କୈକେୟା ୧୨ ବର୍ଷ ଏବଂ ପୁତ୍ର ପବିତ୍ର ୧୧ ବର୍ଷ ଙ୍କୁ ଭେଟିଥିଲେ । ଶିଶୁମାନଙ୍କ ମିଶନ୍ ବାତ୍ସଲ୍ୟ ଯୋଜନାରେ ଯତ୍ନ, ସୁରକ୍ଷା ଓ ଥଇଥାନର ବ୍ୟବସ୍ଥା କରାଯିବାକୁ ଶିଶୁ ମଙ୍ଗଳ ସମିତିରେ ହାଜର କରାଇଥିଲେ ।

ପ୍ରାଥମିକ ତଥ୍ୟାନୁଯାୟୀ ଉପରୋକ୍ତ ଶିଶୁଦ୍ୱୟ ନିଜ ଗାଁର ବନମାଲ ୟୁପି ସ୍କୁଲରେ ୮ମ ଓ ୬ଷ୍ଠ ଶ୍ରେଣୀର ଛାତ୍ର ଥିବା ବେଳେ,ବାପା ମାଆ ପେଟପାଟଣା ପାଇଁ ତେଲେଙ୍ଗାନାର ପେଦାପଲ୍ଲୀ ଜିଲ୍ଲାକୁ ଇଟାଭାଟିକୁ ଗତ ମାର୍ଗଶିର ମାସରେ ବାପାମାଆଙ୍କ ସହ କାମ କରିବାକୁ ଯାଇଥିଲେ । ମୃତକ ଶୁକଦେବ ପରାଭୁଏ ସରକାରୀ ଯୋଜନାରୁ ପିଏଚ୍‌ଏଚ୍ ଚାଉଳ, ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାର ହିତାଧିକାରୀ ଥିବେ ବେଳେ, ତାଙ୍କର ମୃତ୍ୟୁ ପରେ ସ୍ଥାନୀୟ ସରପଞ୍ଚ ହରିଶ୍ଚନ୍ଦ୍ର ଯୋଜନାରୁ ୩ହଜାର, ଜିଲ୍ଲା ରେଡକ୍ରସ ପାଣ୍ଠିରୁ ୧୫ହଜାର ଟଙ୍କା ଦିଆଯାଇଥିବା ବେଳେ ଅତିଶିଘ୍ର ଜାତୀୟ ପରିବାର ସୁରକ୍ଷା ଅଧିକାର ସହାୟତା ନିୟମାନୁଯାୟୀ ବିଜୁ ଶିଶୁ ସୁରକ୍ଷା ଯୋଜନା ଓ ପୃଷ୍ଠପୋଷକତା ଆର୍ଥିକ ସହାୟତାର ବ୍ୟବସ୍ଥା କରାଯିବ ।