06-Dec-2020

ନୟାଗଡ଼, (ପ୍ରଦୀପ ପଣ୍ଡା) - ଆଜି ଗଣିଆ ବ୍ଲକର ବିଭିନ୍ନ ଉଦଘାଟନ ଏବଂ ଭୂମି ପୂଜନ କାର୍ଯ୍ୟକ୍ରମ ରେ ଯୋଗ ଦେଇଥିଲେ କନ୍ଧମାଳ ସାଂସଦ ଡ଼ଃ ଅଚ୍ୟୁତ ସାମନ୍ତ | ଏହି କାର୍ଯ୍ୟକ୍ରମ ଗୁଡିକରେ ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା, ଗଣିଆ ବ୍ଳକ ଅଧକ୍ଷ ଶେଷଦେବ ସ୍ୱାଇଁ ଡ଼ଃ ସାମନ୍ତ ଙ୍କ ସହିତ ଥିଲେ | ଗଣିଆ ବ୍ଳକ ର ସରପଞ୍ଚ, ସମିତି ସଭ୍ୟ, ବିଜେଡି କର୍ମୀଙ୍କ ଦ୍ୱାରା ଗଣିଆ  ଗାନ୍ଧୀ ଛକ ଠାରେ ସାଂସଦ, ବିଧାୟକ ଏବଂ ବ୍ଳକ ଅଧକ୍ଷ ଙ୍କୁ ଉତ୍ତରୀୟ, ପୁଷ୍ପ ମାଲ୍ୟ ଏବଂ ଫୁଲ ତୋଡ଼ା ଦେଇ ସ୍ୱାଗତ ସମ୍ବର୍ଦ୍ଧନା ଦିଆଯାଇଥିଲା | ତାପରେ ବଜାର ର ଗାନ୍ଧୀ ମୂର୍ତ୍ତି ଏବଂ ରୁଦ୍ର ମାଧବ ରାୟ ଙ୍କ ପ୍ରତିମୂର୍ତ୍ତି ରେ ପୁଷ୍ପମାଲ୍ୟ ଅର୍ପଣ କରି ଡ଼ଃ ସାମନ୍ତ ଯୋଗଦେଇଥିଲେ ରାମମନ୍ଦିର ପରିସରରେ ଗୋଷ୍ଠି କେନ୍ଦ୍ର ଉଦଘାଟନ ଉତ୍ସବ ରେ | ତାପରେ ଗଣିଆ ଗ୍ରାମ ପଞ୍ଚାୟତ ର କଲ୍ୟାଣ ମଣ୍ଡପ ର ଭୂମି ପୂଜନ କାର୍ଯ୍ୟକ୍ରମ ସାରି କେ ସି ବିଦ୍ୟାପୀଠ ପରିସରରେ ମିନି ଷ୍ଟlଡ଼ିୟମ ର ଭୂମି ପୂଜନ କାର୍ଯ୍ୟକ୍ରମ ରେ ଯୋଗ ଦେଇ ଥିଲେ | ବିଜୟ ନଗର ଗୋଷ୍ଠୀ କେନ୍ଦ୍ର ର ଶୁଭ ଉଦଘାଟନ କାର୍ଯ୍ୟକ୍ରମ ସାରିବା ପରେ ଗଣିଆ ବଜାର ସ୍ଥିତ ଯୁଦ୍ଧକାଳୀନ ଭିତ୍ତି ରେ ହୋଇଥିବା ବସ ଷ୍ଟାଣ୍ଡ ର ଉଦଘାଟନ ମଧ୍ୟ କରିଥିଲେ ଡ଼ଃ ସାମନ୍ତ | ବ୍ଳକ ପରିସରରେ ଥିବା ସଦଭାବନା ଗୃହରେ ସମସ୍ତ ଲୋକ ପ୍ରତିନିଧି, ବିଶିଷ୍ଠ ବୁଦ୍ଧିଜୀବୀ ଏବଂ ସାମ୍ବାଦିକ ମାନଙ୍କ ସହିତ ଏକ ସ୍ୱଳ୍ପ ସମୟ ର ଆଲୋଚନା ପରେ ଡ଼ଃ ସାମନ୍ତ, ମାନ୍ୟବର ବିଧାୟକ, ଏବଂ ବ୍ଳକ ଅଧକ୍ଷ ଗଣିଆ ଛାଡିଥିଲେ ପ୍ରାୟ ଚାରି ଘଟିକା ସମୟରେ | ପ୍ରକାଶ ଥାଉକି ସାଂସଦ ଏବଂ ବିଧାୟକ ନୂଆଗାଁ, ଗଣିଆ ଏବଂ ଦଶପଲ୍ଲା ବ୍ଳକ ପରିଭ୍ରମଣ କରିଥିଲେ |