12-Feb-2023

-ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
ପ୍ରାଣୀ ଚିକିତ୍ସକ ମାନଙ୍କ ର ଦୀର୍ଘ ଦିନ ର ଦାବୀ ଗୁଡିକ ପ୍ରତି ସରକାର ଙ୍କ ଚରମ ଅବହେଳା ପ୍ରତିବାଦ ରେ ପ୍ରାଣୀ ଚିକିତ୍ସକ ମାନେ ଆସନ୍ତା 16 ତାରିଖ ରୁ ଡିଜିଟାଲ କାର୍ଯ୍ୟ ବର୍ଜନ କରିବେ l ଗତ 1 ତାରିଖ ରୁ ଏ ଚିକିତ୍ସକ ମାନେକଳା ବ୍ୟାଚ ପିନ୍ଧି ନିରବ ପ୍ରତିବାଦ କରି ଆସୁଛନ୍ତି l ଆସନ୍ତା 26 ତାରିଖ ରୁ ଅତିରିକ୍ତ କାର୍ଯ୍ୟ ଯଥା ଏନିମଲ ହେଲ୍ପ ଲାଇନ, କାର୍ଯ୍ୟାଳୟ ସମୟ ଓ ପରିସର ବାହାରେ ସେବା ଇତ୍ୟାଦି ବର୍ଜନ କରିବା ସହିତ ମାର୍ଚ୍ଚ 10 ତାରିଖ ରୁ ସମୂହ ଛୁଟି ନେବାକୁ ନିଷ୍ପତ୍ତି ନେଇଥିବା ଜଣାଯାଇଛି l  ଓଡିଶା ର ପ୍ରାଣୀ ଚିକିତ୍ସକ ମାନଙ୍କ ର ଦୀର୍ଘ ଦିନ ର ନ୍ୟାର୍ଯ୍ୟ ଦାବୀ ଯଥା ସାଧାରଣ ବର୍ଗ ଡାକ୍ତର ଙ୍କ ସହ ସମାନ ଦରମା, ସୁବିଧା ସୁଯୋଗ, ପ୍ରାଣୀ ଚିକିତ୍ସା ସେବାରେ ବ୍ୟାପକ ରୂପାନ୍ତରଣ 24 ଘଣ୍ଟିଆ ସେବା, ବିଶେଷଜ୍ଞ ଚିକିତ୍ସା, ରେଫରାଲ ସୁବିଧା, ମାଗଣା ପ୍ରାଣୀ ଚିକିତ୍ସା ଇତ୍ୟାଦି, କାର୍ଯ୍ୟ ସମୟ ଓ କାର୍ଯ୍ୟ ସାରଣୀ ନିର୍ଧାରଣ, ସ୍ୱତନ୍ତ୍ର ସୁରକ୍ଷା ଆଇନ, ସ୍ୱତନ୍ତ୍ର ପ୍ରାଣୀ ଚିକିତ୍ସା ବିଶ୍ୱ ବିଦ୍ୟାଳୟ, ସ୍ୱତନ୍ତ୍ର ପ୍ରାଣୀ ଉଦ୍ୟୋଗ ନିଗମ, ଚିକିତ୍ସାଳୟ ଜମିର ସୁରକ୍ଷା, ଇତ୍ୟାଦି ଦାବୀ ପ୍ରତି ଚରମ ଅବହେଳା ପ୍ରତିବାଦ ରେ ବୀତସ୍ପୃହ ପ୍ରାଣୀ ଚିକିତ୍ସକ ମାନେ ଆସନ୍ତା 16 ତାରିଖ ରୁ ଆନ୍ଦୋଳନାତ୍ମକ ପନ୍ଥା ମାନ ଅବଲମ୍ବନ କରିବାକୁ ବାଧ୍ୟ ହେଉଥିବା ବିଷୟ ଏକ ସାମ୍ବାଦିକ ସମ୍ମିଳନୀ ରେ ପ୍ରକାଶ କରିଛନ୍ତି l