04-Dec-2020

ବଲାଙ୍ଗୀର(ମହେନ୍ଦ୍ର କୁମାର ଦର୍ଜି)- ବୋଲେରୋ ଧକ୍କା ଦେଲା ବାଇକ୍ କୁ । ଘଟଣାସ୍ଥଳ ରେ ବାପା ପୁଅ ଙ୍କ ମୃତ୍ୟୁ । ବଲାଙ୍ଗୀର ଜିଲ୍ଲା ତୁଷୁରା ଥାନା ଅନ୍ତର୍ଗତ ଜମ୍ଭେଲ୍ ଗ୍ରାମ ନିକଟସ୍ଥ ଭାତ୍ରାପାଳି ଛକ୍ ଠାରେ ଏକ ମର୍ମନ୍ତୁଦ ଦୁର୍ଘଟଣା ଘଟିଯାଇଛି । ସୂଚନା ଅନୁଯାୟୀ କଳାହାଣ୍ଡି ଜିଲ୍ଲା ରିଶିଡ଼ା ଗ୍ରାମର ମାଖନୁ ବିଶି (୩୫) ନିଜ ଦୁଇ ପୁଅ ଶମ୍ଭୁ(୩) , ଓମ୍ (୧) ଏବଂ ସ୍ତ୍ରୀ ମୁକ୍ତା (୨୮) ତୁଷୁରା ରୁ ଏକ ବାଇକ୍ ଯୋଗେ ଘରକୁ ଫେରୁଥିଲେ । ଜମ୍ଭେଲ ଗ୍ରାମ ନିକଟସ୍ଥ ଭାତ୍ରାପାଲି ଛକ ଠାରେ ଏକ ବୋଲେରୋ ବାଇକ୍ କୁ ଧକ୍କା ଦେଇଥିଲା । ଧକ୍କା ଯୋଗୁ ବାଇକ୍ ରେ ନିଆ ଲାଗି ଜଳିଯାଇଥିଲା । ଘଟଣାସ୍ଥଳରେ ମାଖାନୁ ଏବଂ ୩ ବର୍ଷର ଶିଶୁ ଶମ୍ଭୁ ର ମୃତ୍ୟୁ ହୋଇଥିଲା । ମାଆ ମୁକ୍ତା ଏବଂ ୧ବର୍ଷର ଶିଶୁ ପୁତ୍ର ଓମ କୁ ମେଡିକାଲ୍ ରେ ଭର୍ତି କରାଯାଇଥିବା ବେଳେ ମୁକ୍ତା ଙ୍କ ମୃତ୍ୟୁ ହୋଇଯାଇଥିଲା । ତୁଷୁରା ଏବଂ ଜମ୍ଭେଳ ଛକ ନିକଟରେ ଲୋକେ ରାସ୍ତାରୋକ କରିଛନ୍ତି । ଘଟଣାସ୍ଥଳରେ ତୁଷୁରା ପୋଲିସ ପହଂଚି ମୃତଦେହ ଜବତ କରିବା ସହ ତଦନ୍ତ ଆରମ୍ଭ କରିଛି । ବୋଲେରୋ ଡ୍ରାଇଭର ଫେରାର ଅଛି ।