03-Jan-2023

ବଲାଙ୍ଗୀର, ଭାରତର ପ୍ରଥମ ମହିଳା ଶିକ୍ଷୟିତ୍ରୀ କ୍ରାନ୍ତିଜ୍ୟୋତି ମାତା ସାବିତ୍ରୀ ବାଈ ଫୁଲେଙ୍କ ଜନ୍ମ ଜୟନ୍ତୀ ସ୍ଥାନୀୟ ବଲାଙ୍ଗୀର ସାଂବାଦିକ ଭବନ ଠାରେ ପଶ୍ଚିମ ଓଡିଶା ମହିଳା ସଂଗଠନ ତରଫରୁ ଆଜି ପାଳିତ ହୋଇଯାଇଛି ।  ଏହି ଅବସରରେ ସଂଗଠନର ସଭାନେତ୍ରେୀ ସବିତା ନନ୍ଦଙ୍କ ସଭାପତିତ୍ୱରେ ତଥା କୁନା ବାଗଙ୍କ ସଂଯୋଜନାରେ ଅନୁଷ୍ଠିତ ସଭାଗରେ ମୁଖ୍ୟ ଅତିଥି ଭାବେ ବଲାଙ୍ଗୀର ପୌରାଧ୍ୟକ୍ଷା ଲିକା ସାହୁ ଯୋଗ ଦେଇଥିବା ବେଳେ ମୁଖ୍ୟବକ୍ତା ଭାବେ ନୂଆପଡା ଜିଲ୍ଲା ନୂଆପଡା ବ୍ଲକ ଶିକ୍ଷାଧିକାରୀ ହେମସାଗର ମହାନନ୍ଦ ଯୋଗ ଦେଇଥିଲେ । ସମ୍ମାନୀତ ଅତିଥି ଭାବେ କାଉନସିଲର ଶମ୍ଭୁ ନାଗ , ଗଣ୍ଡାବଜା ପତ୍ରିକାର ସମ୍ପାଦକ ତ୍ରିଲୋଚନ ନନ୍ଦ , ବଲାଙ୍ଗୀର ବ୍ଲକର ପୂର୍ବତନ ଅଧ୍ୟକ୍ଷା ଲଳିତା ଦୀପ , ସମାଜସେବୀ ତଥା ଲେଖିକା ଲିଲି ପଟେଲ , ଟିଟିଲାଗଡ ଗରିବ ସେନାର ସଭାପତି ବିରେନ୍ଦ୍ର ବାଗ ଓ ଯୁବନେତା ଦ୍ରୋଣ କୁମ୍ଭାର ପ୍ରମୁଖ ଯୋଗ ଦେଇଥ୍‌ôଲେ । ଅନ୍ୟମାନଙ୍କ ମଧ୍ୟରେ ଶଙ୍କର ନନ୍ଦ ଓ ସୁଷମା ବଏ ପ୍ରମୁଖ ମଂଚାସୀନ ଥିଲେ । କାର୍ଯକ୍ରମରେ ସମାଜରେ କ୍ରାନ୍ତି ପାଇଁ ନାରୀ ଶିକ୍ଷାର ଆବଶକତା ଉପରେ ଏକ ଆଲୋଚନା ଚକ୍ର ରଖା ଯାଇଥିଲା । ବିଷୟ ବସ୍ତୁ ଉପରେ ଆଲୋଚନା କରି ମୁଖ୍ୟ ଅତିଥି ଶ୍ରୀମତୀ ସାହୁ କହିଥିଲେ ଯେ , ତତ୍କାଳୀନ ସମୟରେ ମାତା ଫୂଲେ ନାରୀ ଶିକ୍ଷାର ପ୍ରସାର ପାଇଁ ଯେଭୂଳି କ୍ରାନ୍ତି ଆଣଇଥିଲେ ଆଜି ମଧ୍ୟ ସେଭଳି କ୍ରାନ୍ତିର ଆବଷଜ୍ଝ୍ୟକତା ରହିଛି । ଶିକ୍ଷାର ବ୍ୟାପକ ଅଗ୍ରଗତି ଘଟିଛି । ନାରୀମାନେ ଆଜି ବିଭିନ୍ନ କ୍ଷେତ୍ରରେ ପ୍ରତିଷ୍ଠିତ ହୋଇ ପାରିଛନ୍ତି । ତେବେ ପ୍ରତ୍ୟେକ ଟି ନାରୀ ଯେଭଳି ଭାବେ ନିଜର ସାଂବିଧାନିକ ଅଧିକାରକୁ ସାବ୍ୟସ୍ତ କରି ପାରିବେ ଓ ହକ୍ ପାଇଁ ଲଢେଇ କରି ପାରିବେ , ସେଥି ପାଇଁ ସାମାଜିକ କ୍ରାନ୍ତିର ଆବଷ୍ୟକତା ରହିଛି ବୋଲି ଶ୍ରୀମତୀ ସାହୁ କହିଥିଲେ ।  ମୁଖ୍ୟବକ୍ତା ଶ୍ରୀ ମହାନନ୍ଦ କହିଥିଲେ ଯେ , ସମସ୍ତ ପ୍ରକାର ସମାଧାନର ବାଟ ହେଉଛି ଶିକ୍ଷା । ଗୁଲମୀ ମାନସିକତାରୁ ମୁକୁଳିବା ପାଇଁ ଶିକ୍ଷା ହିଁ ଏକମାତ୍ର ବିକଳ୍ପ ।  ସାବିତ୍ରୀ ବାଈଙ୍କ ତ୍ୟାଗ ଓ ତପସ୍ୟା ଯୋଗୁଁ ଆଜି ନାରୀ ସମାଜ ନିରଜ ସ୍ଥିତିକୁ ଜାହିର କରିବାରେ ସଫଳ ହୋଇଛି । ସାମ୍ପ୍ରତିକ ସମୟରେ ଆମେ ସମସ୍ତେ ଫୁଲେଙ୍କ ସେହି ତ୍ୟାଗର ରାସ୍ତାକୁ ଆପଣାଇବାକୁ ପଡିବ ବୋଲି ମୁଖ୍ୟବକ୍ତା କହିଥିଲେ । ସଭାପତିତ୍ୱ ଅଭିଭାଷଣରେ ଶ୍ରୀମତୀ ନନ୍ଦ କହିଥିଲେ ଯେ , ମହିଳାଙ୍କ ସୁରକ୍ଷା ଓ ସେମାନଙ୍କ ହକ୍ ପାଇଁ ଲଢେଇ କରିବାକୁ ଏହି ସଂଗଠନ ଗଠନ କରାଯାଇଛି । ଆଗାମୀ ଦିନରେ ସଂଗଠନକୁ ବ୍ୟାପକ କରାଯିବ ଓ ମହିଳାଙ୍କ ସ୍ୱାର୍ଥ ପାଇଁ ଲଢେଇ କରାଯିବ ବୋଲି ଶ୍ରୀମତୀ ନନ୍ଦ କହିଥିଲେ । ସମ୍ମାନୀତ ଅତିଥି ବୃନ୍ଦ ମଧ୍ୟ ଫୁଲେଙ୍କ ଜୀବନୀ ଓ ତାଙ୍କ ସଂଘର୍ଷ ଉପରେ ମତବ୍ୟକ୍ତ କରିଥିଲେ । ପ୍ରଶାନ୍ତ ମହାକୁର , ତରଣୀସେନ ଦୀପ , ପୂର୍ଣ୍ଣଚନ୍ଦ୍ର ବିଶ୍ୱାଲ ଓ ଭୂବନ ନାଗ ପ୍ରମୁଖ ଉପସ୍ଥିତ ଥିଲେ ।