03-Jan-2023

କଟକ : କଟକ ଜିଲ୍ଲା ସାଲେପୁର ଅଞ୍ଚଳକୁ ଏନ୍ ଏ ସି ମାନ୍ୟତା ଘୋଷଣା କରା ଯିବାନେଇ ହାଇକୋର୍ଟରେ ମାମଲା ରୂଜୁ ହେଵାପରେ ଏ ସମ୍ପର୍କରେ ଜିଲ୍ଲାପାଳଙ୍କୁ ସବିଶେଷ ଘଟଣା ସମ୍ବଳିତ ରିପୋର୍ଟ ପ୍ରଦାନ କରିବା ପାଇଁ  ତଲବ କରିଛନ୍ତି ସରକାର। ଏ ସମ୍ପର୍କରେ ଗତକାଲି ମଧ୍ୟାହ୍ନରେ ଅନୁଷ୍ଠିତ ସାମ୍ବାଦିକ ସମ୍ମିଳନୀ ରେ ସାଲେପୁର ସହରାଞ୍ଚଳ ବିକାଶ ପରିସଦର ଅଧ୍ୟକ୍ଷ ନନ୍ଦକିଶୋର ଭୂୟାଁ ପ୍ରକାଶ କରିଛନ୍ତି। ସାଲେପୁର ଅଞ୍ଚଳକୁ ଏନଏସି ମାନ୍ୟତା ପ୍ରଦାନ କରିବା ପାଇଁ ଦୀର୍ଘ ବର୍ଷ ଧରି ସରକାରଙ୍କ ଠାରେ ଦାବି ଉପସ୍ଥାପନ କରାଯିବା ସହ  ବିଭିନ୍ନ ସମୟରେ ଅଞ୍ଚଳବାସୀଙ୍କ ପକ୍ଷରୁ ଆନ୍ଦୋଳନ ମଧ୍ୟ ହୋଇ ଆସୁଥିଲା। ସେଥିରୁ କୈଣସି ସୁଫଳ ନମିଳିବାରୁ ଶେଷରେ ବିକାଶ ପରିଷଦର ସଭାପତି ନନ୍ଦ କିଶୋର ଭୂୟାଁ  ସାଲେପୁରକୁ ଏନଏସି ମାନ୍ୟତା ପ୍ରଦାନ କରାଯିବା ପାଇଁ ହାଇକୋର୍ଟରେ ଏକ ମାମଲା ରୁଜୁ କରିଥିଲେ।କୋର୍ଟ ଏନେଇ ସରକାରଙ୍କୁ ନୋଟିସ ମଧ୍ୟ କରିଛନ୍ତି। ସରକାରଙ୍କ ପକ୍ଷରୁ କୋର୍ଟରେ ଏକ ସତ୍ୟପାଠ ଦାଖଲ କରାଯିବା ସହ ଜିଲ୍ଲାପାଳଙ୍କୁ ସାଲେପୁରକୂ ଏନଏସି ଘୋଷଣା ସମ୍ପର୍କ ରେ ସବିଶେଷ  ଘଟଣା ସମ୍ବଳିତ ରିପୋର୍ଟ ତଲବ କରିଛନ୍ତି ସରକାର।ଏହାର ପରବର୍ତ୍ତୀ ଶୁଣାଣି ଚଳିତ ମାସ ୨୪ ତାରିଖରେ ହେବ ବୋଲି ସୂଚନା ଦେଇଛନ୍ତି ନନ୍ଦ କିଶୋର ଭୂୟାଁ ।

(କଟକରୁ ନାରାୟଣ ଭୂୟାଁଙ୍କ ରିପୋର୍ଟ)