27-Dec-2022

ବେଲପଡ଼ା(ପ୍ରେରଣା ଖବର) - ବଲାଙ୍ଗୀର ଜିଲ୍ଲା ବେଳପଡ଼ା ଅନ୍ତର୍ଗତ ଘାଘୂର୍ଲି ପେକ୍ସ ସମ୍ପାଦକ ମହେଶ ପ୍ରତାପ ପାଣିଗ୍ରାହୀ ଙ୍କ ବିରୁଦ୍ଧରେ ଚାଷୀ ଖୁସିରାମ୍ ମହାକୁଡ ଆଣିଛନ୍ତି ସଙ୍ଗୀନ ଅଭିଯୋଗ ।  ପେକ୍ସ୍ ସମ୍ପାଦକ କୁଆଡେ ଖୁଶିରାମ ଙ୍କୁ ୨/୩ ଚାପୁଡ଼ା ମାରିବା ସହ ଅଶ୍ଳୀଳ ଭାଷାରେ ଗାଳିଗୁଲଜ କରିଥିଲେ ।ଖବର ପାଇ ଅତିରିକ୍ତ ତହସିଲଦାର ବେଳପଡ଼ା ଏବଂ ଏସି ଏସ ଓ ପାଟଣାଗଡ଼ ଘାଘୁର୍ଲି ପେକ୍ସ୍ କୁ ଯାଇ ତଦନ୍ତ କରିଥିଲେ । ଉପରୋକ୍ତ ଘଟଣା କୁ ନେଇ ଚାଷୀ ବେଳପଡ଼ା ଥାନାରେ ଗତ ତା ୨୫.୧୨.୨୦୨୨ ରିଖ ପେକ୍ସ୍ ସମ୍ପାଦକ ମହେଶ ପ୍ରତାପ ପାଣିଗ୍ରାହୀ ଙ୍କ ବିରୁଦ୍ଧରେ ଏତଲା ଦେଇଥିଲେ । ସୂଚନା ଅନୁଯାୟୀ ଖୁଶିରାମ୍ ଘଘୁର୍ଲି  ପେକ୍ସ୍ ଅଧିନସ୍ଥ ଜଣେ କ୍ଷୁଦ୍ର ଚାଷୀ ଅଟନ୍ତି । ତାଙ୍କର ଅମଳ ଧାନ ବିକ୍ରି କରିବା ପାଇଁ  ପାଇଥିବା ଟୋକନ୍ ଅନୁସାରେ ସେ ୧୯.୧୨.୨୦୨୨ ରେ ପେକ୍ସ୍ କୁ ଧାନ ଦେବା ପାଇଁ ନିର୍ଦ୍ଦେଶ ରହିଥିଲା ଏବଂ ୭ ଦିନ ମଧ୍ୟରେ ଧାନ ନିଶ୍ଚିତ ଭାବରେ ମଣ୍ଡିକୁ ଆଣିବାର ସୁଯୋଗ ମିଳିଥିଲା । ସେହି ଅନୁସାରେ ସେ ପେକ୍ସ୍ ସମ୍ପାଦକ ଙ୍କୁ ପଚାରି ତା,୨୪.୧୨.୨୦୨୨ ରିଖରେ ୧୦୯ ବସ୍ତା ଧାନ ନେଇ ପହଞ୍ଚିଥିଲେ  ।ଧାନ ଆଣିବା ଦେଖି ମହେଶ ରାଗିଯାଇ ଖୁସୀରାମ ଙ୍କୁ ୨/୩  ଚାପୁଡ଼ା ମାରିବା ସହ ଅଶ୍ଳୀଳ ଭାଷାରେ ଗାଳିଗୁଲଜ କରିଥିବା ଲିଖିତ ଅଭିଯୋଗ କରିଛନ୍ତି । ରାଗି ଚାପୁଡ଼ା ମାରିବା ର କାରଣ ,ସମ୍ପାଦକ ମହେଶ କୁଆଡେ ଚାଷୀ ଖୁସୀରାମ୍ ଙ୍କୁ ଧାନ ଆଣିବା ପୂର୍ବରୁ ୨୦୦୦ ଟଙ୍କା ଲାଞ୍ଚ ମାଗିଥିଲେ । ୨୦୦୦ ଟଙ୍କା ନ ଦେଇ ଧାନ ଧରି ସିଧା ସଳଖ ମଣ୍ଡି କୁ ଆସିଥିବାରୁ ସମ୍ପାଦକ ରାଗିଯାଇ ଚାପୁଡ଼ା ମାରିଥିବା ଖୁଶୀରାମ ଲିଖିତ ଅଭିଯୋଗ କରିଛନ୍ତି । ପେକ୍ସ୍ ସମ୍ପାଦକ ଙ୍କ ଏଭଳି ବ୍ୟବହାର ରେ ଚାଷୀ ଅତିଷ୍ଟ ହୋଇଥିଲେ । ଏଭଳି ଦୁର୍ନୀତି ଯୋଗୁଁ ବିଗତ ଦିନରେ ପେକ୍ସ୍ ସମ୍ପାଦକ ମାନଙ୍କୁ ଚାକିରିରୁ ବହିଷ୍କୃତ କରାଯାଇଥିବା ନଜିର୍ ରହିଛି । ତେବେ ଉପରୋକ୍ତ ସମ୍ବେଦନଶୀଳ ଘଟଣା ପାଇଁ ଚାଷୀ ଖୁଶୀରାମ୍ ସମ୍ପାଦକ ମହେଶ ଙ୍କୁ ଚାକିରିରୁ ବହିଷ୍କାର କରିବା ପାଇଁ ଡି ଆର ସି ଏସ ଙ୍କୁ ଲିଖିତ ଅଭିଯୋଗ କରିଛନ୍ତି।