26-Dec-2022

କଟକ (ପ୍ରେରଣା ଖବର)
କାଳୀଗଳିସ୍ଥିତ ସରସ୍ବତୀ ଶିଶୁ ମନ୍ଦିରର ବାର୍ଷିକ କ୍ରୀଡ଼ା ପ୍ରତିଯୋଗିତା  ଦୁଇ ଦିନ ଧରି ଅନୁଷ୍ଠିତ ହୋଇଯାଇଛି। ଏହି ପ୍ରତିଯୋଗିତାରେ ଅରୁଣ ରୁ ଦଶମ ଶ୍ରେଣୀ ପର୍ଯ୍ୟନ୍ତ ସମସ୍ତ ଛାତ୍ରଛାତ୍ରୀ ଅଂଶ ଗ୍ରହଣ କରିଥିଲେ। ୫୦ ମିଟର,୧୦୦ ମିଟର,୨୦୦ ମିଟର,୪୦୦ ମିଟର,ଗୋଳା ଫିଙ୍ଗା, ଥାଳିଆ ଫିଙ୍ଗା, ଗଣିତ କସା, ରଙ୍ଗ ଖେଳ, ସଙ୍ଗୀତ ଚୌକି,ଆଳୁ ଚାମୁଚ, ଅଖା ଡିଆଁ,ମିଠେଇ ଦୌଡ଼ ଆଦି ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହୋଇଥିଲା।ଶେଷରେ ରିଲେ ରେସରେ ନବମ ଶ୍ରେଣୀର ଛାତ୍ରଛାତ୍ରୀ ଚମ୍ପିୟାନ ହୋଇଥିଲା। ପ୍ରଧାନ ଆଚାର୍ଯ୍ୟ ପ୍ରଭାତ କୁମାର ବେହେରା ସଭାପତିତ୍ୱରେ ଆୟୋଜିତ ଉଦଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ଅବସର ପ୍ରାପ୍ତ ପ୍ରିନ୍ସିପାଲ୍ ତଥା କ୍ରୀଡ଼ା ଭାରତୀ ରାଜ୍ୟ ଉପସଭାପତି ଡ଼ଃ ଅଶୋକ କୁମାର ନାୟକ, ସଂମାନୀୟ ଅତିଥି କ୍ରୀଡ଼ାବିତ ତଥା ସାମ୍ବାଦିକ ଲିଙ୍ଗରାଜ ପୃଷ୍ଟି ଯୋଗ ଦେଇ କୃତୀ ପ୍ରତିଯୋଗୀମାନଙ୍କୁ ମାନପତ୍ର ଓ ପଦକ ପ୍ରଦାନ କରିଥିଲେ।କ୍ରୀଡ଼ା ଶିକ୍ଷକ ଅଜୟ କୁମାର ସାହୁ ପ୍ରତିଯୋଗିତା ପରିଚାଳନା କରିଥିବା ବେଳେ ବିଦ୍ୟାଳୟର ସମସ୍ତ ଗୁରୁମା ଗୁରୁଜୀ ସହଯୋଗ କରିଥିଲେ।