26-Dec-2022

ବଲାଙ୍ଗୀର(ପ୍ରେରଣା ଖବର) ପୁଇନ୍ତଲା ବ୍ଲକ୍ ଅନ୍ତର୍ଗତ ବହଲ ପଦର୍ ଗ୍ରାମ ପଞ୍ଚାୟତ ର ପଙ୍କେଲ ବାହାଲ ଗ୍ରାମ ନିକଟରେ ଥିବା ସାପ୍ତାହିକ ବଜାର କୁ ଗତକାଲି ତା ୨୫.୧୨.୨୦୨୨ ରିଖ ବିଳମ୍ବିତ ରାତ୍ରରେ କେହି ଦୁର୍ବୃତ୍ତ ସେଠାରେ ଦୋକାନ ପାଇଁ ରଖାଯାଇଥିବା ବାଉଁଶ ମାନଙ୍କୁ ନେଇ ଯାଇଥିବା ବେଳେ କିଛି  ବାଉଁଶ କୁ ଜାଳି ଦେଇଥିବା ଚର୍ଚ୍ଚା ହେଉଛି । ସ୍ବର୍ଗତ ରମେଶ ଚନ୍ଦ୍ର ବାଗ ଲୋକଙ୍କ ସୁବିଧା ପାଇଁ ଏହି ବଜାର ବସାଇଥିବା ତଥା ଅଞ୍ଚଳରେ ବସବାସ କରୁଥିବା ବାସିନ୍ଦା ମାନଙ୍କ ମନୋରଞ୍ଜନ ପାଇଁ ୨୦୧୭ ରେ ଧନୁଯାତ୍ରା ଆରମ୍ଭ କରିଥିବା ସ୍ଥାନୀୟ ଜନସାଧାରଣ ଚର୍ଚ୍ଚା କରନ୍ତି ।ଏହି ବଜାର ଉପରେ ଆଖପାଖ ଅଞ୍ଚଳର ଲୋକେ ନିର୍ଭର କରନ୍ତି। ଚାଷୀ ମାନେ ନିଜ ଉତ୍ପାଦିତ ଦ୍ରବ୍ୟ ଆଣି ଏଠାରେ ବିକ୍ରି କରି ସ୍ବାବଲମ୍ବୀ ହେବା ସହ ତାଜା ପନିପରିବା ଯୋଗାଇ ଦେଇଥାନ୍ତି । କରୋନା ପାଇଁ ୨୦୧୯ ରୁ ୨୦୨୧ ପର୍ଯ୍ୟନ୍ତ ଧନୁଯାତ୍ରା ବନ୍ଦ ରହିଲା ।ଚଳିତବର୍ଷ ନିଜ ସ୍ବାର୍ଥ ପାଇଁ କିଛି ବ୍ୟକ୍ତି ବିଶେଷ ଧନୁଯାତ୍ରା କରିବାପାଇଁ ସଜବାଜ ହେଉଥିବା ସହ ସାପ୍ତାହିକ ବଜାରରୁ ବେଆଇନ ଭାବେ ଚାନ୍ଦା ଅସୁଲି କରୁଥିବା ଚର୍ଚ୍ଚା ହେଉଛି ।ଧନୁଯାତ୍ରା ରେ ଘୁଡୁ ଘୁଡୁ ପଟି ପଡ଼ୁଥିବା ଏବଂ ଅନେକ ଲୋକ ଅର୍ଥ ଲାଭ ଏବଂ ମନୋରଞ୍ଜନ ନିଶାରେ ସର୍ବସ୍ବାନ୍ତ ହେଉଥିବା ଯୋଗୁଁ ଧନୁଯାତ୍ରା କୁ ବିରୋଧ କରୁଥିବା ପ୍ରତିତ ହୁଏ । ବିରୋଧ ଯୋଗୁଁ ବଜାର କୁ ଭାଙ୍ଗି ନଷ୍ଟ କରି ଦିଆଯାଇଛି ବୋଲି ସ୍ଥାନୀୟ ଲୋକଙ୍କ ମଧ୍ୟରେ ଚର୍ଚ୍ଚା ହୁଏ ।ଆସନ୍ତା ଶୁକ୍ରବାର ଦିନ ବଜାର ବସିବ ।ବେପାରୀ ମାନେ କିଭଳି ବ୍ୟବସାୟ କରିବେ ବୋଲି ଚିନ୍ତାରେ ।ଏହି ବିଷୟ କୁ ନେଇ ଗ୍ରାମର କିଛି ଯୁବକ ସରପଞ୍ଚ,ବିଡ଼ିଓ ତଥା ପୋଲିସ କୁ ଲିଖିତ ଅଭିଯୋଗ ଦେବେ ବୋଲି ପ୍ରସ୍ତୁତ ହେଉଥିବା ଚର୍ଚ୍ଚା ହେଉଛି।