23-Dec-2022

ପାଟଣାଗଡ଼ ବିଧାୟକ ସରୋଜ ମେହେର ଆଜି ପାଟଣାଗଡ଼ ବିଜ୍ଞାପିତ ଅଂଚଳ ଅଧୀନରେ ଥିବା  ବିଭିନ୍ନ ଉନ୍ନୟନମୂଳକ କାମ ଓ ନୂତନ ପ୍ରକଳ୍ପ  ଉଦ୍‌ଘାଟନ କରିବାର କାର୍ଯ୍ୟକ୍ରମ ରହିଛି । ଦିନ ୧୧ ଟା ସମୟରେ ପାଟଣାଗଡ଼ ଏନ୍‌ଏସି ଅନ୍ତର୍ଗତ ବଥର୍ଲା ଛକ ଠାରେ ବୁଦ୍ଧ ପ୍ରତିମୂର୍ତ୍ତି ସ୍ଥାପନ ଓ ସୌନ୍ଦର୍ଯ୍ୟକରଣ କାମକୁ ବିଧାୟକ ଶ୍ରୀ ମେହେର ଉଦ୍‌ଘାଟନ କରିବେ । ପାଟଣାଗଡ଼ ଏନ୍‌ଏସି ର ୱାର୍ଡ ନମ୍ବର ୯ ରମାଇ ହାଇସ୍କୁଲର ଆଲୋକୀକରଣ କାର୍ଯ୍ୟକ୍ରମ ଓ ୱାର୍ଡ ନମ୍ବର ୧ ଗଡଭିତର ଠାରେ ଥିବା ଅଙ୍ଗନବାଡି ସେଣ୍ଟର  ଶୁଭଉଦ୍‌ଘାଟନ କରିବେ ପାଟଣାଗଡ ବିଧାୟକ ଶ୍ରୀ ମେହେର । ଏଥିସହ ଉପଖଣ୍ଡସ୍ତରୀୟ ଡାକ୍ତରଖାନା ପାଖରେ ଥିବା ନବନିର୍ମିତ ଭେଣ୍ଡିଂ ଜୋନ୍ କୁ ଶୁଭଉଦ୍‌ଘାଟନ କରିବେ ବିଧାୟକ ଶ୍ରୀ ମେହେର । ଅପରାହ୍ନ ୧ ଟା ମାନ୍ୟବର ବିଧାୟକ ଶ୍ରୀ ମେହେରଙ୍କ କରକମଳରେ ଉଦ୍‌ଘାଟିତ ହେବ  ରାମପୁର ଠାରେ ଥିବା ଆଦର୍ଶ ଶବଦାହ ଗୃହ । ପାଟଣାଗଡ଼ ଏନ୍‌ଏସିର ସୌନ୍ଦର୍ଯ୍ୟକରଣ କାମକୁ ବିଜୁ ଜନତା ଦଳ ସବୁବେଳେ ପ୍ରାଥମିକତା ଦେଇ ଆସିଛି ବୋଲି ପାଟଣାଗଡ଼ ବିଧାୟକ ସରୋଜ ମେହେର କହିଛନ୍ତି । ଦିବସବ୍ୟାପି ଏହିସବୁ କାର୍ଯ୍ୟକ୍ରମରେ ବିଜୁ ଜନତା ଦଳର କର୍ମୀ ଓ କର୍ମକର୍ତ୍ତମାନେ ତଥା ପାଟଣାଗଡ଼ବାସୀ ବହୁସଂଖ୍ୟାରେ ଯୋଗ ଦେବାକୁ ଅନୁରୋଧ କରାଯାଇଛି ।