26-Nov-2022

ଆଜି ଭାରତ ମାତା କି ଜୟ ଓ ବିଜେପି ଜିନ୍ଦାବାଦ ଧ୍ନୀରେ ପ୍ରକମ୍ପିତ ହେଉଥିଲା ପଦ୍‌ମପୁର ସହର । ବରଗଡ ଜିଲ୍ଲା ପଦ୍‌ମପୁର ଉପନିର୍ବାଚନ ପାଇଁ ପାଇଁ ଏବେ ବପଦ୍‌ମପୁର ରେ ବିଭିନ୍ନ ରାଜନୈତିକ ଦଳର ନେତା ମାନଙ୍କ ଭିଡ ଲାଗିଛି । ତିନି ପ୍ରମୁଖ ଦଳ ବିଜେଡି, ବିଜେପି ଓ କଂଗ୍ରେସ ମଧ୍ୟରେ ଏଠାରେ କଡା ମୁକାବିଲା ହେବ । ପଦ୍‌ମପୁର ଉପନିର୍ବାଚନର ଫଳାଫଳ ତିନି ଦଳ ପାଇଁ ସମ୍ମାନର ପ୍ରଶ୍ନ ହୋଇଛି । ଆଜି  ପଦ୍‌ମପୁର ନିର୍ବାଚନ ମଣ୍ଡଳୀ ଝାରବନ୍ଧ ବ୍ଲକ ବିଳାସପୁର ଠାରେ ଭାରତୀୟ ଜନତା ଦଳ ପକ୍ଷରୁ ଜୋରଦାର ନିର୍ବାଚନୀ ପ୍ରଚାର ରାଜନୈତିକ ପାଣିପାଗକୁ ସରଗରମ କରିଛି । ଆଜି ବିଳାଶପୁର ଠାରେ  ବିଜେପି ରଷ୍ଟ୍ରୀୟ ଉପାଧ୍ୟକ୍ଷ ବୈଜନ୍ତ ପାଣ୍ଡା, ବିଜେପି ନେତ୍ରୀ ଛତିଶଗଡ଼ର ସାଂସଦ ରାଜକୁମାରୀ ଚୌଧୁରୀ, ବିଜେପି ନେତା ଚୁନ୍ନିଲାଲ ସାହୁ, ରାଷ୍ଟ୍ରୀୟ ପ୍ରବକ୍ତା ସମ୍ବିତ ପାତ୍ର, ବରଗଡ଼ ଏମ୍‌ପି ସୁରେଶ ପୁଜାରୀ, ବିଜେପି ବିଧାୟକ ପ୍ରାର୍ଥୀ ପ୍ରଦୀପ ପୁରୋହିତ ବିଶାଳ ଜନସମାବେଶକୁ ସମ୍ବୋଧନ କରି ଦଳ ସପକ୍ଷରେ ପ୍ରଚାର କରିଥିଲେ । କେନ୍ଦ୍ରରେ ନରେନ୍ଦ୍ର ମୋଦୀ ସରକାର ଲୋକଙ୍କ ପାଇଁ ଅନେକ ଯୋଜନା କରୁଛନ୍ତି କିନ୍ତୁ ରାଜ୍ୟ ସରକାର ଏହି ଯୋଜନାର  ରୂପାୟନ ଦିଗରେ ବିଫଳ ହୋଇଛନ୍ତି ବୋଲି ବିଜେପି ନେତା ମାନେ ଅଭିଯୋଗ କରିଛନ୍ତି । ନିର୍ବାଚନୀ ବୈତରଣୀ ପାର ହେବା ଲାଗି ନବୀନ ସରକାର ଜିଲ୍ଲା ଗଠନର ପ୍ରତିଶୃତି ଦେଇଛନ୍ତି । ଏହା ଏକ ରାଜନୈତିକ ଧୂଆଁବାଣ ବୋଲି ବିଜେପି ନେତା ମାନେ ଆଜିର ସମାବେଶ ମାଧ୍ୟମରେ ଲୋକଙ୍କୁ ବୁଝାଇଛନ୍ତି । ଧାମନଗର ଉପନିର୍ବାଚନରେ ବିଜେପିର ବିଜୟ ପରେ ପଦ୍‌ମପୁରରେ ମଧ୍ୟ ଏହି ବିଜୟଧାରା ଅବ୍ୟାହତ ରହିବ ବୋଲି ବିଜେପି ପକ୍ଷରୁ ଦୃଢ଼ୋକ୍ତି ପ୍ରକାଶ କରାଯାଇଛି ।