21-Nov-2022

ନାକଟିଦେଉଳ(କନ୍ଦର୍ପ ବେହେରା) ନାକଟିଦେଉଳ ବ୍ଲକ୍ ଲାଣ୍ଡିମାଳ ବିଦ୍ୟାଳୟରେ ଶିକ୍ଷକ ଅଭାବରୁ ତାଲା ମାରି ଧାରଣାରେ ବସିଲେ ଗ୍ରାମବାସୀ l ପ୍ରକାଶ ଯେ ଲାଣ୍ଡିମାଳ ପ୍ରକଳ୍ପ ଉପ୍ରାବିଦ୍ୟାଳୟରେ ୧୧୧ ଜଣ ଛାତ୍ରଛାତ୍ରୀ ପାଠ ପଢ଼ୁଛନ୍ତି ା ବର୍ତ୍ତମାନ ବିଦ୍ୟାଳୟରେ ୩ ଜଣ ଶିକ୍ଷକ ଓ ଶିକ୍ଷୟତ୍ରୀପାଠ ପଢ଼ାଉଛନ୍ତି ଯା ଫଳରେ ଶିକ୍ଷାଦାନରେ ବାଧାପ୍ରାପ୍ତ ହେଉଛି l ଏ ନେଇ ଗ୍ରାମବାସୀ ଗତ ଅଗଷ୍ଟ ମାସ ୧୨ ତାରିଖରେ ବ୍ଲକ୍ ଶିକ୍ଷା ଅଧିକାରୀଙ୍କୁ ଲିଖିତାକାରରେ ଜଣାଇଥିଲେ l ପୁନର୍ବାର ତା ୫/୯ ରେ ଉପଜିଲାପାଳ ଙ୍କୁ ମଧ୍ୟ ଲିଖିତାକାରରେ ଜଣାଇଥିଲେ ା କୌଣସି ସୁଫଳ ନ ମିଳିବାରୁ ଆଜି ଗ୍ରାମବାସୀ ,ଛାତ୍ରଛାତ୍ରୀ ବିଦ୍ୟାଳୟରେ ତାଲା ପକାଇ ଧାରଣାରେ ବସିଥିଲେ ା ଘଟଣା ସ୍ଥଳକୁ ନାକଟିଦେଉଳ ଶିକ୍ଷା ଅଧିକାରୀ ବିଜୟ ପାତ୍ର ପହଞ୍ଚି ଆନ୍ଦୋଳନ କାରୀମାନଙ୍କୁ ଖୁବ୍ ଶିଘ୍ର ଆଉ ୨ ଜଣ ଶିକ୍ଷକ ନିଯୁକ୍ତି ଦିଆଯିବ ବୋଲି ପ୍ରତିଶ୍ରୁତି ଦେବାରୁ ଆନ୍ଦୋଳନ ସ୍ଥଗିତ ହୋଇଥିଲା ା