22-Nov-2020

 ଉଲୁଣ୍ଡା,(ଗୌରଚନ୍ଦ୍ର ପରିଛା)- ଉଲୁଣ୍ଡା ତହସିଲ କାର୍ଯ୍ୟାଳୟ ପରିଶରରେ ସବରେଜିଷ୍ଟର କାର୍ଯ୍ୟାଳୟ ଦାବି ନେଇ ଚାଲିଥିବା ଗଣାଧାରଣା ଆଜି ଚତୁର୍ଥ ଦିନରେ ପହଂଚିଛି । ଆଜି ଧାରଣା ସ୍ଥଳକୁ ବୀରମହାରାଜପୁର ବାର ଏସୋସିଏସନର ସଭାପତି ରାଧାକାନ୍ତ ମହାକୁରଙ୍କ ସମେତ ବହୁ ଜନସାଧାରଣ ଯୋଗଦେଇ ସମର୍ଥନ ଜଣାଇ ଧାରଣାରେ ସାମିଲ ହୋଇଥିଲେ । ଖବର ପାଇଁ ଉପଜିଲ୍ଲାପାଲ ଅଶୋକ ଭୋଇ , ବିଡିଓ ହେମସାଗର ଭୋଇ, ଡିଏସପି ଆନନ୍ଦ ବର୍ଦ୍ଧନ ଗୁରୁ, ତହସିଲଦାର ପୁର୍ଣ୍ଣଚନ୍ଦ୍ର ନାଏକ, ଆଇଆଇସି ଚନ୍ଦ୍ର ମୋହନ ସିଂ ଧାରଣା ସ୍ଥଳରେ ପହଂଚି ଆନ୍ଦୋଳନକାରୀଙ୍କ ସହ ଆଲୋଚନା କରିଥିଲେ । ପ୍ରଶାସନିକ ସ୍ତରରେ ସବେରଜିଷ୍ଟର ଅଫିସ ସ୍ଥାପନ ପାଇଁ ଚେଷ୍ଟା ଜାରି ରହିଛି ବୋଲି ପ୍ରତିଶୃତି ଦେଇଥିଲେ । ଏହା ପୁର୍ବରୁ ଦିଆଯାଇଥିବା ଧାରଣାରେ ପ୍ରଶାସନ ତିନି ମାସ ଭିତରେ ସମାଧନ କରିବା ପାଇଁ ପ୍ରତିସୃତି ଦେଇଥିଲେ ମଧ୍ୟ ୯ ମାସବିତି ଯାଇଥିଲେ ମଧ୍ୟ ପ୍ରଶାସନ ତାର ପ୍ରତିଶୃତି ପାଳନ ନକିବାରୁ ଆନ୍ଦୋଳନ କାରୀ ତାଙ୍କ ଜିଦରେ ଅଟଲ ରହିଥିଲେ । ଅନ୍ୟପକ୍ଷରେ ଆସନ୍ତା ସୋମବାର ଦିନ ଉଲୁଣ୍ଡା କୁ ବନ୍ଦ କରିବା ସହ ସମସ୍ତ  ସରକାରୀ, ବେଶରାକାରୀ କାର୍ଯ୍ୟାଳୟ, ଦୋକାନ, ବଜାର, ଜାନାବାହାନ ଚଲାଚଲ ବନ୍ଦ ରହିବ ବୋଲି ଡାକବାଜି ଯନ୍ତ୍ର ଦ୍ୱରା ଆନ୍ଦୋଳନକାରୀଙ୍କ ତରଫରୁ ଘୋଷଣା କରାଯାଇଛି ।