30-Apr-2022

ବଲାଙ୍ଗୀର(ପ୍ରେରଣା ଖବର) - ବଲାଙ୍ଗିର ଜିଲା ତୁଷୁରା କେନ୍ଦ୍ର ସମବାୟ ବ୍ୟାଙ୍କ ପରିଷରରେ ବ୍ୟାଙ୍କ ପରିଚାଳକ କିଶୋର କୁମାର ରାଜପୁତଙ୍କ ସଭାପତିତ୍ୱରେ ଶନିବାର ଅବସର କାଳୀନ ସମ୍ବର୍ଦ୍ଧନା କାର୍ଯ୍ୟକ୍ରମ ଅନୁଷ୍ଟିତ ହୋଇଯାଇଛି । ବ୍ୟାଙ୍କର କୋଷାଧ୍ୟକ୍ଷ ସତ୍ୟ ନାରାୟଣ ଛତରଙ୍କୁ ଅବସର କାଳୀନ ବିଦାୟ ସମ୍ବର୍ଦ୍ଧନା ଦିଆଯାଇଥିବା ବେଳେ ତୁଷୁରା ବ୍ୟାଙ୍କରେ ପ୍ରାୟ ୪ ବର୍ଷ ଧରି କାର୍ଯ୍ୟ କରୁଥିବା ବେଳେ ସମସ୍ତଙ୍କର ପ୍ରିୟ ପାତ୍ର ହୋଇ ନିଜ କାର୍ଯ୍ୟ ତୁଲାଇଥିବା ବ୍ୟାଙ୍କର କର୍ମକର୍ତ୍ତା ମାନେ ମତ ପ୍ରକାଶ କରିବା ସହ ଆଗାମୀ ଜୀବନ ସୁଖଶାନ୍ତିରେ ବିତିଯାଉ ବୋଳି ଭଗବାନଙ୍କ ଠାରେ ପ୍ରାର୍ଥନା କରିଥିଲେ । ଏହି ଅବସରରେ ଗୁଡଭେଲା ବ୍ଳକର ତୁଷୁରା ପେକ୍ସ ସଂପାଦକ ଶୁଭେନ୍ଦୁ ପ୍ରକାଶ ଭୋଇ, ସୁପରଭାଇଜର ରଶ୍ମିରଞ୍ଜନ ଯୋଷୀ, ତେନ୍ତୁଳିଖୁଣ୍ଟି ପେକ୍ସ ସଂପାଦକ ବିକାଶ କୁମାର ପ୍ରଧାନ, ରୁଷୁଡା ପେକ୍ସ ସଂପାଦକ କାତ୍ତିକ ମଲ୍ଳିକ, ଘୂନା ପେକ୍ସ ସଂପାଦକ ରଶ୍ମିରଞ୍ଜନ ବେହେରା, ରିତା ବାରିକ ଆଦି ସମସ୍ତ ବ୍ୟାଙ୍କ ଓ  ପେକ୍ସ କର୍ମଚାରୀ ଉପସ୍ଥିତ ଥିବା ବେଳେ ଗୁଡଭେଲା ପେକ୍ସ ସଂପାଦକ ହିମାଶୁଂ ଶେଖର ଥନାପତି ଧନ୍ୟବାଦ ଅର୍ପଣ କରିଥିଲେ ।