13-Nov-2020

ବରଗଡ଼, (ମୁକୁନ୍ଦ ଦାସ) - ବରଗଡ଼ ତହସିଲଦାରଙ୍କ ମନମୁଖି କାରବାର ବିରୁଦ୍ଧରେ ବରଗଡ଼ ଓକିଲ ସଂଘର ସଦସ୍ୟଗଣ ଯୁଦ୍ଧଂଦେହୀ ଡ଼ାକରା ଦେଇଛନ୍ତି । ଆଜି ବହୁ ସଂଖ୍ୟକ ଓକିିଲଙ୍କ ସମେତ ମୋହରୀରଗଣ ତହସିଲ ଅଫିସ ସମ୍ମୁଖରେ ଧାରଣାରେ ବସିଛନ୍ତି । ବରଗଡ଼ ତହସିଲରେ ବ୍ୟାପକ ଅନୈତିକ କାର୍ଯ୍ୟ ଏବଂ ଦୁର୍ନିତି ଚାଲିଥିବା ଓକିିଲମାନେ ଅଭିଯୋଗ କରିଛନ୍ତି । ତହସିଲରେ ଅନେକ କର୍ମଚାରୀ ଦୀର୍ଘ ଦିନ ହେବ ରହିଛନ୍ତିତ ଏବଂ ସେମାନେ ଦୁର୍ନିତିରେ ଲିପ୍ତ ରହିଛନ୍ତି ।ଖୋଦ ତହସିଲଦାର ମଧ୍ୟ ବିଭିନ୍ନ ଦୁର୍ନିତିରେ ସାମିଲ ରହିଛନ୍ତି । ମ୍ୟୁଟେସନ କେଶ ମାନଙ୍କରେ ନୋଟିସ ହେବା ପୂର୍ବରୁ ଲାଞ୍ଚ ଦେଲେ ପଟ୍ଟା ଇସ୍ୟୁୁ ହୋଇଯାଉଛି । ସେହିପରି ବାଲି ଶଯ୍ୟା ନିଲାମରେ ମଧ୍ୟ ବ୍ୟାପକ ଦୁର୍ନିତି ହୋଇଛି । ତହସିଲଦାରଙ୍କ ଜଣତରେ ବିଭିନ୍ନ ନଦୀରୁ ବେଆଇନ ଭାବରେ ବାଲି ଉଠାଣ ହେଉଛି । ତହସିଲଦାର ବିଭିନ୍ନ ଦୁର୍ନିତିରେ ଛନ୍ଦି ହୋଇଥିବାରୁ ତାଙ୍କୁ ବଦଳି କରାଯିବା ସହ ତାଙ୍କ ବିରୁଦ୍ଧରେ ଭିଜିଲାନ୍ସ ତଦନ୍ତ କରାଯିବାକୁ ଦାବି ହୋଇଛି । ସେହିପରି ତହସିଲର ସମସ୍ତ କର୍ମଚାରୀଙ୍କୁ ତୁରନ୍ତ ଏଙ୍ଖାରୁ ବଦଳି କରାଯିବାକୁ ମଧ୍ୟ ଆନ୍ଦୋଳନକାରୀମାନେ ଦାବି କରିଛନ୍ତି । ଏହି ଆନ୍ଦୋଳନରେ ଏଡ଼଼ଭୋକେଟ ସୁଶିଲ ଶତପଥି, ସରୋଜ ତ୍ରିପାଠୀ, ରାଜେଶ ଭୋଇ, ଧନେଶ୍ୱର ଭୋଇ, କୁଶ ପ୍ରଧାନ, ମୋହରୀର ସଂଘର ସଂପାଦକ ପ୍ରକାଶ ନାଗ, ସଭାପତି ପ୍ରହଲ୍ଲାଦ ସାହୁଙ୍କ ସମେତ ବହୁ ଲୋକ ସାମିଲ ହୋଇଛନ୍ତି ।