15-Jul-2021

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ) : ପଶ୍ଚିମ ଓଡ଼ିଶା ବିକାଶ ପରିଷଦର ମୁଖ୍ୟ କାର୍ଯ୍ୟ ନିର୍ବାହୀ ଅଧିକାରୀ ଶ୍ରୀଯୁକ୍ତ ପ୍ରେମଚନ୍ଦ୍ର ଚୌଧୁରୀ ସୁବର୍ଣ୍ଣପୁର ଜିଲ୍ଲା  ଗସ୍ତରେ ଆସି ବିଭିନ୍ନ ବିଭାଗ ଦ୍ବାରା ପଶ୍ଚିମ ଓଡ଼ିଶା ବିକାଶ ପରିଷଦ ଅନୁଦାନରେ ଚାଲିଥିବା ଉନ୍ନୟନ କାର୍ଯ୍ୟ ତଦାରଖ କରିଥିଲେ । ଶ୍ରୀ ଚୌଧୁରୀ ସୁବର୍ଣ୍ଣପୁର ଜିଲ୍ଲାର ସୋନପୁର ବ୍ଲକ ଅନ୍ତର୍ଗତ ପିପିଲିପାଲି ଠାରେ ସ୍ଥିତ ଓଡିଶା ଆଦର୍ଶ ବିଦ୍ୟାଳୟ ପରିଦର୍ଶନ କରି ପରିସରରେ ବୃକ୍ଷ ରୋପଣ କରିଥିଲେ l ପରେ ପରେ ଲକର୍ମl ଗ୍ରାମରେ ଗୋଟେରୀ ହିତାଧିକାରୀଙ୍କୁ ଭେଟିବା ସହିତ ଜୀବନ ଜୀବିକା ଉପରେ ପଚାରି ବୁଝି ଖୁସିବ୍ୟକ୍ତ କରିଥିଲେ l ସେ ଗସ୍ତ ଅବସରରେ ଲକର୍ମା ଠାରେ ଲେମୋନ ପ୍ରୋସେସିଂ ପ୍ଲାଣ୍ଟ,ସରକାରୀ ପଲିଟେକ୍ନିକ, ସାମ୍ବାଦିକ ଭବନ,ଫିସେରୀ ଫାର୍ମ ପ୍ରଭୁତି  ବିଭିନ୍ନ ପ୍ରକଳ୍ପ ଦେଖିଥିଲେ । କ୍ଷେତ୍ର ପରିଦର୍ଶନ ପରେ ଜିଲ୍ଲା କିଲିଟାରି ସମ୍ମିଳନୀକକ୍ଷ ରେ ଉନ୍ନୟନ କାର୍ଯ୍ୟକ୍ରମର ସମୀକ୍ଷା କରିଥିଲେ l 

ବୈଠକରେ ଜିଲାପାଳ ଶ୍ରୀମତୀ ଅଵୋଲୀ ସୁନିଲ ନରୱଣେ, ସ୍ୱାଗତ ବକ୍ତବ୍ୟ ରଖିବା ସହ ଗସ୍ତ  କାର୍ଯ୍ୟକ୍ରମର ଉଦ୍ଦେଶ୍ୟ ବୈଠକରେ ଉପସ୍ଥାପନା କରିଥିଲେ l ଏହା ସହିତ ସେ ଜିଲ୍ଲାର ସମସ୍ତ ଅଧିକାରୀଙ୍କୁ ଜନସାଧାରଣ ଙ୍କ ଜୀବନ ଜୀବିକା କୁ ସମୃଦ୍ଧ କରିବା ନିମନ୍ତେ ଯତ୍ନବାନ ହେବାକୁ ପରାମର୍ଶ ଦେଇଛନ୍ତି l  ବୈଠକରେ କୃଷି, ଉଦ୍ୟାନ କୃଷି,ପ୍ରାଣୀ ଧନ, ଜିଲ୍ଲା ଶିଳ୍ପ ବିଭାଗ, ବୟନ ଶିଳ୍ପ, ଜାତୀୟ ଜୀବିକା ମିଶନ ର କାର୍ଯ୍ୟକ୍ରମ,ମତ୍ସ୍ୟ  ଓ ପଶୁ ପାଳନ ପ୍ରଭୁତି ବିଭାଗ ର ବିଭିନ୍ନ ପ୍ରକଳ୍ପର  କାର୍ଯ୍ୟ କାରିତା ଉପରେ ବିଭାଗୀୟ ଅଧିକାରୀଙ୍କୁ ପଚାରି ବୁଝିଥିଲେ l ଶ୍ରୀ ଚୌଧୁରୀ  ସମୀକ୍ଷା ବୈଠକରେ ଉପସ୍ଥିତ ଅଧିକାରୀଙ୍କୁ ଜିଲ୍ଲାର ଜୀବନ ଜୀବିକା କୁ ବିଶେଷ ଧ୍ୟାନ ଦେଇ କାର୍ଯ୍ୟକ୍ରମ କରିବାକୁ ପରାମର୍ଶ ଦେଇଛନ୍ତି l  ସ୍ଥାନୀୟ ଯୁବକଯୁବତୀ ଙ୍କୁ କୁଶଳୀ ତଥା ଦକ୍ଷ କରିବା ପାଇଁ ତଥା ବ୍ୟାଙ୍କ ଋଣ ସହୟତା ଲକ୍ଷ୍ୟ ବୃଦ୍ଧି କରିବା ସହ ଟର୍ମ ଲୋନ ଉପରେ ଅଧିକ ଧ୍ୟାନ ଦେବାକୁ ଏ ଜି ଏମ ନାବାର୍ଡ ଙ୍କୁ ପରାମର୍ଶ ଦେଇଥିଲେ l  ପୁନଶ୍ଚ କାର୍ଯ୍ୟ ନିର୍ବାହୀ ଯନ୍ତ୍ରୀ ପିଡବ୍ଲୁଡ଼ି, ଆରଡ଼ି,ଓ ଏମଆଇ  ଙ୍କୁ ଜିଲ୍ଲାର ଶିକ୍ଷିତ ବୈଷୟିକ ଡିପ୍ଲୋମାଧାରୀ ଙ୍କୁ ଅଧିକ ଦକ୍ଷ ଓ କୁଶଳୀ କରିବା ନିମନ୍ତେ ପଦକ୍ଷେପ ନେବାକୁ ପରାମର୍ଶ ଦେଇଛନ୍ତି l ଏହି ବୈଠକରେ ପି ଡ଼ି ଡ଼ି ଆର ଡ଼ି ଏ ଡୋଳାମଣି ପଟେଲ,ଉପନିର୍ଦେଶକ ଜିଲ୍ଲା ଯୋଜନା ଓ ପରିସଂଖ୍ୟନ ଶ୍ରୀ ସୁକାନ୍ତ କୁମାର ଜେନା, ଜିଲା ମୁଖ୍ୟ ଚିକିତ୍ସା ଅଧିକାରୀ, ଜିଏମ ଡ଼ିଆଇସି, ଏ ଡ଼ି ଟି, ସିଡ଼ିଏଓ, ତଥା ବିଭିନ୍ନ ବିଭାଗର ଜିଲ୍ଲା ସ୍ତରୀୟ ଅଧିକାରୀମାନେ ଯୋଗ ଦେଇଥିଲେ l  ଅପରାହ୍ନ ରେ  ଶ୍ରୀଯୁକ୍ତ ଚୌଧୁରୀ ସୁରେଶ୍ୱରୀ ମନ୍ଦିର ଶମ୍ବୁଖରେ ଥିବା ଓର୍ମାସ ର ସିଲେଇ ସେଣ୍ଟର ଓ  ପଏଁ ରୀ ଅନୁଷ୍ଠାନ କୁ ପରିଦର୍ଶନ କରି ଏହାର ଭିତ୍ତି ଭୂମି ର ବିକାଶ  ଓ  କାର୍ଯ୍ୟଶୈଳୀ  ଉପରେ  କର୍ମକର୍ତ୍ତା ଙ୍କ ସହ  ଆଲୋଚନା କରି  ସବୁ ଦିଗ ର ତର୍ଜମା କରିଥିଲେ l  ସ୍ଥାନୀୟ ସର୍କିଟ ହାଉସ ଠାରେ  ସାମ୍ବାଦିକ ଙ୍କୁ ଆଜିର ଗସ୍ତ କାର୍ଯ୍ୟକ୍ରମ ର ସୂଚନା ଦେଇଥିଲେ  lଏହାପରେ ପାତାଳି ଶ୍ରୀକ୍ଷେତ୍ର ପରିଦର୍ଶନ ରେ ଯାଇ ପାତାଳି ଶ୍ରୀକ୍ଷେତ୍ର ର ଟ୍ରଷ୍ଟ ର କର୍ମ କର୍ତ୍ତା ଙ୍କ ସହ ବିଭିନ୍ନ ଉନ୍ନୟନ କାର୍ଯ୍ୟର ଅଗ୍ରଗତି ସମ୍ୱନ୍ଧରେ ଆଲୋଚନା କରିଥିଲେ l