11-Apr-2021

ଭୁବନେଶ୍ୱର:(ଶୁଭାଶିଷ ନାୟକ) ଭାରତରେ କରୋନା ସଂକ୍ରମଣ ଦ୍ରୁତ ଗତିରେ ବଢିବାକୁ ଲାଗିଛି । ଏହାକୁ ନଜରରେ ରଖି ସମସ୍ତ ରାଜ୍ୟ ଦ୍ରୁତ ଗତିରେ ଟିକାକରଣ ଅଭିଯାନ ଚଳାଇଛନ୍ତି । କିନ୍ତୁ କରୋନା ବିରୁଦ୍ଧରେ ଚାଲିଥିବା ଏହି ନିର୍ଣ୍ଣାୟକ ଲଢାଇରେ ପ୍ରତିବନ୍ଧକ ସାଜିଛି ଟିକାର ଅଭାବ । ପୂର୍ବରୁ ଅନେକ ରାଜ୍ୟ ପର୍ଯ୍ୟାପ୍ତ ପରିମାଣରେ ଟିକା ନ ମିଳିବା ନେଇ କେନ୍ଦ୍ର ସରକାରଙ୍କୁ ସମାଲୋଚନା କରି ଆସୁଛନ୍ତି । ହେଲେ ଦେଶରେ ପର୍ଯ୍ୟାପ୍ତ ପରିମାଣର ଟିକା ଷ୍ଟକ୍ ରହିଛି ବୋଲି କହୁଛନ୍ତି ସରକାର । ଗତ କଛିିଦିନ ତଳେ କେନ୍ଦ୍ର ସ୍ୱସ୍ଥ୍ୟ ମନ୍ତ୍ରୀ ଡକ୍ଟର ହର୍ଷବର୍ଦ୍ଧନ କହିଥିଲେ,କେତକ ରାଜ୍ୟ ଟିକା ଆବଣ୍ଟନରେ ପକ୍ଷପାତିତା ନେଇ କେନ୍ଦ୍ର ସରକାରଙ୍କ ଉପରେ ଆରୋପ ଲଗାଉଛନ୍ତି । କିନ୍ତୁ ଏହି କଥାରେ କୌଣସି ସତ୍ୟତା ନାହଁ ।ରାଜ୍ୟମାନେ ନିଜର ଦୁର୍ବଳତା ଲୁଚାଇବାକୁ ଏପରି କହୁଛନ୍ତି । ହେଲେ ଗୁରୁବାର ବିହାରର ଦରଭଙ୍ଗା ଜିଲାରେ ଘଟିଥିବା ଘଟଣା ସରକାରଙ୍କ ଏହି ଦାବି ଉପରେ ଲଗାଇଛି ପ୍ରଶ୍ନବାଚୀ । ଟିକାକରଣ କେନ୍ଦ୍ରରେ କରୋନା ଟିକା ଉପଲବ୍ଧ ନ ଥିବାରୁ ନିରାଶ ହୋଇ ଫେରିଛନ୍ତି ଟିକାନେବାକୁ ଆସିଥିବା ଲୋକେ । ପୂର୍ବରୁ ଦିଲ୍ଲୀର କେତକ ସ୍ଥାନରେ ମଧ୍ୟ ସମାନ ଘଟଣା ଦେଖିବାକୁ ମିଳିଥିଲା ।