10-Apr-2021

ଟିଟିଲାଗଡ,(ପ୍ରେରଣା ଖବର): ଗ୍ରୀଷ୍ମ ଋତୁର  ଆରମ୍ଭରୁ ପ୍ରଚଣ୍ଡ ଗ୍ରୀଷ୍ମପ୍ରବାହ ଲାଗି ରହିଥିବା ବେଳେ ଟିଟିଲାଗଡ ଉପଖଣ୍ଡ ଅଞ୍ଚଳରେ ଏ ସମସ୍ୟାର ସମାଧାନ କରିବା ନିମନ୍ତେ ବାରମ୍ବାର ଦାବି ହୋଇ ଆସୁଛି । ଏପରି କି ତତଲାଗଡ଼ ବୋଲା ଯାଉଥିବା ଟିଟିଲାଗଡରେ ଜଳଛତ୍ର ଟିଏ  ବି ହୋଇଅପାରିନି । ଅପରପକ୍ଷରେ ଅଂଶୁଘାତର ଶିକାର ସାଧାରଣ ହେବା ଦେଖାଯାଉଛି । ଏଭଳି ସ୍ଥିତିରେ ଟିଟିଲାଗଡ ଉପଖଣ୍ଡ ନିକଟସ୍ଥ ବିଭିନ୍ନ ଗ୍ରାମାଞ୍ଚଳରେ ପରିସ୍ଥିତି  ମାତ୍ରାଧିକ ଭାବେ ଅଣାୟତ  ହୋଇ ପଡିଛି । ସେହିପରି ଏହି ପାନୀୟ ଜଳ ସମସ୍ୟା ନେଇ ଟିଟିଲାଗଡ ଥାନା ଅନ୍ତର୍ଗତ ସିରୁଲ ଗ୍ରାମରେ ପାନୀୟଜଳ ପାଇଁ ଗ୍ରାମବାସୀଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖାଯିବା

ସହ ଗ୍ରାମବାସୀ ସରପଞ୍ଚଙ୍କ ସହ ଅନ୍ୟ ସରକାରୀ କର୍ମଚାରୀ ଙ୍କ ମଧ୍ୟରେ ବେଶ ପାଟିତୁଣ୍ଡ ହେବା ସହ ପରିସ୍ଥିତି ଅଣାୟତ ହୋଇ ପଡ଼ିଥିଲା । ସୂଚନା ଅନୁଯାୟୀ ଏହି ସିରୁଲ ଗ୍ରାମ ପଞ୍ଚାୟତରେ ଦୁଇଗୋଟି ନଳକୂପ ଉପରେ ନିର୍ଭର କରୁଥିବା ୱାର୍ଡବାସି ଘଣ୍ଟାଘଣ୍ଟା ଧରି ଅପେକ୍ଷା କରିବା ସହ ଖରାରେ ପାନୀୟଜଳ ପାଇଁ ନିର୍ଭର କରୁଥିବା ବେଳେ ଏ ନେଇ ପାନୀୟଜଳ ପାଇଁ ଥିବା ନଳକୂପ  ନିକଟରେ ସୋପକୀଟ କିମ୍ବା ପାଇପଲାଇନ ବ୍ୟବସ୍ଥା ନ ଥିବାରୁ ଲୋକେ ଅଳିଆ, ଆବର୍ଜନାମୟ ପରିବେଶରେ ଅଧିକ ଦୁର୍ଦ୍ଦଶାର ସମ୍ମୁଖିନ ହେଉଛନ୍ତି । ଏ ନେଇ ଏହି ପାଇପ ଲାଇନ ଯୋଗେ ଅବା ସୋପକୀଟ ବ୍ୟବସ୍ଥା ପାଇଁ ବାରମ୍ବାର

ସରପଞ୍ଚ, ବିଡ଼ିଓ,ତଥା ସମସ୍ତ ଅଧିକାରୀ ଙ୍କୁ ଗୁହାରି କରି ନିରାଶ ହୋଇ ଟିଟିଲାଗଡ ଉପଜିଲ୍ଲାପାଳ ସୋମେସ ଉପାଧ୍ୟାୟଙ୍କୁ ଗୁହାରି କରି ଥିଲେ । ଉପଜିଲ୍ଲାପାଳ ଏ ନେଇ ତୁରନ୍ତ ଉକ୍ତ ପାଇପଲାଇନ କିମ୍ବା ସୋପକୀଟ ନିର୍ମାଣ କାର୍ଯ୍ୟ ଆରମ୍ଭ କରିବାକୁ କହିଥିଲେ । ହେଲେ ଉକ୍ତ  ଗ୍ରାମର ହରିଜନ ପଡା ନିବାସୀ ଏହାର ବିରୋଧ କରି ଥିଲେ । ସେମାନେ ଉକ୍ତ ନଳ କୂଅ ରୁ ସେମାନେ ପାଣି ନେବା ସହ ଡ୍ରେନ ବା ନାଳ ନିର୍ମାଣ ପାଇଁ ଦାବି କରିଥିଲେ  । ତେବେ ଉକ୍ତ ନିର୍ମାଣ କାର୍ଯ୍ୟ କୁ ବିରୋଧ କରି ଆଜି ଗ୍ରାମର ଉଭୟ ପକ୍ଷ ରୁ ତୀବ୍ର ଉତେଜନା ପ୍ରକାଶ ପାଇଥିଲା । ଏପରି କି ସରପଞ୍ଚ ଓ ଅନ୍ୟ ସରକାରୀ ଅଧିକାରୀଙ୍କ ସହ ବେଶ ଧସ୍ତାଧସ୍ତି ପରିସ୍ଥିତି ସୃଷ୍ଟି ହୋଇଥିଲା ।   ଏ ନେଇ ଟିଟିଲାଗଡ ଥାନା ଏ ଏସ ଆଇ ଖେମସିଙ୍ଗ ମାଝୀ ସୂଚନା ପାଇ ଘଟଣାସ୍ଥଳରେ ପହଞ୍ଚି ସମସ୍ୟା ଅନୁଧ୍ୟାନ କରିଥିବା ବେଳେ ତୁରନ୍ତ ଏ ନେଇ ବିଭାଗୀୟ ଉଚ୍ଚ ଅଧିକାରୀ ଦୃଷ୍ଟି ଦେଇ ଏହି ପାନୀୟଜଳ ସମସ୍ୟା ଦୂର କରନ୍ତୁ ବୋଲି ଗ୍ରାମବାସୀ ଦାବି କରିଛନ୍ତି । ସେହିପରି ପାନୀୟଜଳ ସାଧାରଣ କିପରି ସଠିକ ଭାବେ ପାଇପାରିବେ ସେ ନେଇ ଆବଶ୍ୟକ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି ହେଉଛି ।