07-Feb-2021

ପାଟଣାଗଡ଼ (ଗୋରେଖନାଥ ବରିହା):  ବିଶ୍ବପ୍ରେମୀ ବଳିଆଙ୍କ ସେବକ  ଗୋପାଳ ଦାସ  ତ୍ରିଦିନାତ୍ମକ ଶ୍ରୀମଦ ଭାଗବତ କଥାମୃତ ଆଲୋଚନା କରୁଛନ୍ତି  ।  ସରକାରଙ୍କ ସମସ୍ତ ନିୟମ ଅନୁସାରେ  ଏହି କାର୍ଯ୍ୟକ୍ରମ ପାଟଣାଗଡରେ ଅନୁଷ୍ଠିତ  ହୋଇଛି । ଏଥିରେ ଭଗବତ୍ ପ୍ରେମୀ  ଏକତ୍ରିତ ହୋଇଥିଲେ  ଅଳ୍ପ ବୟସ ହୋଇଥିଲେବି   ଗୋପାଳ ଦାସ  ସୁଦୂର ଜଗତସିଂହପୁର ଜିଲ୍ଲା ତିର୍ତୋଲ ଅରିଲୋ  ଶିଶୁ ଅନନ୍ତ ଆଶ୍ରମରୁ ଆଶିଛନ୍ତି  । ଭାଗବତ କଥାମୃତ ରେ ସମସ୍ତ ଭକ୍ତଙ୍କ  ମନକୁ  କିଣି ନେଇଥିଲେ ଓ ଗୁରୁଦେବଙ୍କ ବାର୍ତ୍ତା  ଦେଇଥିଲେ  ଗଛ ଲଗାଅ ଓ ବଞ୍ଚାଅ , ମନ୍ଦିର ଗଢିପାର କିନ୍ତୁ ପ୍ରଥମେ ପରିବାର ମନ୍ଦିର ସୁନ୍ଦର କରି ଗଢ , ପତିହରା ମା ଙ୍କୁ  ସମସ୍ତ ଦେବ କାର୍ଯ୍ୟରେ  ଯୋଗ ଦେଲେ  ସେ କାର୍ଯ୍ୟ  ଶୁଭ ହେବ , ଦେଶର ଯୁବପିଢି  ତେଣୁ  ଯୁବପିଢି ଦେଶକୁ ଓ ଗାଁ କୁ ଗଢିବାର ଦାଇତ୍ବ  ନିଅନ୍ତୁ  ।

ଜଗନ୍ନାଥ ଦାସଙ୍କ କୃତ ଓଡ଼ିଆ ଭାଗବତ ବାର ସ୍କନ୍ଧରେ ବିଭକ୍ତ ଏବଂ ପ୍ରତି ସ୍କନ୍ଧ ଦଶରୁ ତିରିଶଟି ଅଧ୍ୟାୟ ବିଭକ୍ତ ହୋଇ ଏଭଳି ରଚିତ ଯେ, ପ୍ରତିଦିନ ଗୋଟିଏ ଗୋଟିଏ ଅଧ୍ୟାୟ ପାଠ କଲେ ଏହା ଠିକ ଏକ ବର୍ଷ ବା ୩୬୫ ଦିନରେ ସମାପ୍ତ ହେବ   । ବିଶ୍ବପ୍ରେମୀ ବଳିଆଙ୍କ  ଶିଷ୍ୟ  ସେବକ ଗୋପାଳ ଦାସ କହିଥିଲେ ଯଦି ପ୍ରତିଟି ଯୁବପିଢି  ଓ ଗୁରୁଜନ ପ୍ରତିଦିନ  ଭାଗବତ ପଢାରେ  କିଛି ସମୟ ଦିଅନ୍ତି ତେବେ  ଯୁବପିଢି ମାନଙ୍କ ଭିତରେ ସୁଚିନ୍ତା ସୁଭାବନା ସୃଷ୍ଟି ହେବ  ।  ଶ୍ରୀମଦ ଭାଗବତ ଶାସ୍ତ୍ର ଭିତରେ ରହିଛି ପରିବାର,ପରିବେଶ ଓ  ପରିଚୟ  ଗଢିବାର କଥା  ।  ଯେଉଁ  କଥା ଜଣେ ସନ୍ୟାସୀ ,ସାଧୁ ,ସନ୍ଥ ଓ ଜଣେ ସଂସାରୀ ଶୁଣି ନିଜ ଜୀବନ ଗଢିପାରିବ  ।   

ସେବକ  ଗୋପାଳ ଦାସ  କହିଥିଲେ ବର୍ତ୍ତମାନର ଯୁବପିଢି ପଥଭ୍ରଷ୍ଟ ନୁହଁନ୍ତି  ପଥଭ୍ରଷ୍ଟ ମଦ୍ୟ ମାଦକ କରାଉଛି ।  ଯେତେବେଳେ ପର୍ଯ୍ୟନ୍ତ  ଯୁବପିଢି  ଓ ସେମାନଙ୍କର ପିତାମାତାଙ୍କ  ଧର୍ମ ଓ ସଂସ୍କାରକୁ ଅନୁଭବ ନକରିବେ  ସମାଜରେ ବଢି ବଢି ଚାଲିବ ତେଣୁ  ଏବେଠାରୁ  ସଂକଳ୍ପ ନିଅ  ନିଜ  ଜୀବନ  ଗଢିବା ପାଇଁ    । ମନ ମଧ୍ୟରେ ଥିବା ନକରାତ୍ମକ ଭାବନା କୁ ସକରାତ୍ମକ ଚିନ୍ତାଧାରା ରେ ପରିଣତ କରେ ଭାଗବତ ପଠନ ।।  ତେଣୁ କୋରୋନା ସମୟ  ଯାଇଛି କିନ୍ତୁ  ଏବେବି  ଭୟ ରହିଛି  ତେଣୁ  ଆମକୁ ସଚେତନ ର ସହିତ  ରହିବାକୁ ପଡିବ ।  

ଷୋଡ଼ଶ ଶତାବ୍ଦୀରେ ରଚିତ ଏହି ଭାଗବତ ସାଧାରଣ ଜନତାଙ୍କ ପାଇଁ ନିଶ୍ଚିତରୂପେ ବ୍ୟାସଦେବକୃତ ଭାଗବତର ଅମର ସନ୍ଦେଶ ବହନ କରିଛି । ଭକ୍ତ ଜଗନ୍ନାଥଙ୍କ ଲେଖନୀରୁ ନିସୃତ ଏହି ଭାଗବତ ଓଡ଼ିଶାର ଆଧ୍ୟାମିକ ଜାଗରଣର ଯେ ପ୍ରାଣକେନ୍ଦ୍ର, ଏହା ଅସ୍ୱୀକାର କରାଯାଇ ପାରିବ ନାହିଁ । ବିଶେଷ କରି ଏହାର ସୁଖପାଠ୍ୟତା, ଲଳିତ ଓ କୋମଳ ପଦାବଳୀ ତଥା ସହଜ ଗାନଯୋଗ୍ୟ ନବାକ୍ଷରୀ ଛନ୍ଦ ଶ୍ରୋତା ନିକଟରେ ଏକ ସାଙ୍ଗୀତିକ ପରିବେଶ ସୃଷ୍ଟି କରି ପାରୁଥିବାରୁ ଓଡ଼ିଶାର ଘରେ ଘରେ ଏହା ପଠିତ ହୁଏ ।
ସାଧାରଣତଃ ଶ୍ରୀମଦ୍ଭାଗବତ କହିଲେ ଉତ୍କଳୀୟ ଜନସାଧାରଣଙ୍କ ମଧ୍ୟରୁ ଅଧିକାଂଶ କେବଳ ଜଗନ୍ନାଥଦାସଙ୍କ ପ୍ରଣୀତ ଭାଗବତକୁ ହିଁ ବୁଝନ୍ତି । ମୂଳ ଭାଗବତ ଯେ ସଂସ୍କୃତରେ ରଚିତ ଓ ଏହାର ସ୍ରଷ୍ଟା ବ୍ୟାସଦେବ, ଏ କଥା କମ ଲୋକ ଜାଣନ୍ତି । ଭାଗବତ ପ୍ରତି ଲୋକମାନଙ୍କର ଏହି ଆତ୍ମୀୟତା ସ୍ପଷ୍ଟ କରିଦିଏ ଯେ ଜଗନ୍ନାଥଦାସଙ୍କ ଭାଗବତ ସହ ଜନସାଧାରଣ କେତେ ପରିମାଣରେ ପରିଚିତ ।  
    ଏହି  କାର୍ଯ୍ୟକ୍ରମକୁ ମା ପାଟଣେଶ୍ବରୀ ସେନା  ସୁଚାରୁରୂପେ ସମ୍ପାଦନ କରିବାକୁ   ପ୍ରଚେଷ୍ଟା  ଜାରି ରଖିଛି  ।