10-May-2026

ଲୋଇସିଂହା, (ପ୍ରେରଣା ଖବର) ବଲାଙ୍ଗୀର ଜିଲ୍ଲା ଲୋଇସିଂହା ବ୍ଲକ ଅନ୍ତର୍ଗତ ଗୁର୍ଜିଭଟା ଚ୍ଛକ ଠାରେ କାର ଓ ବାଇକ ମଧ୍ୟରେ ମୁହଁମୁହିଁ ହେବା ଫଳରେ ଅଳ୍ପକେ ବାର୍ତିଲେ ବାଇକ୍ ଆରୋହୀ, ବିପରୀତ ଦିଗରୁ ଆସୁଥିବା କାର ଭାରସାମ୍ୟ ହରାଇ ଅନ୍ୟ ଜଣକୁ ଧକ୍କାଦେଇ ନିକଟରେ ଥିବା ଏକ ଦୁକାନ ରେ ପିଟି ହୋଇଥିଲା l କାର ରେ ପିଟି ହୋଇ ଥିବା ବ୍ୟକ୍ତି ଗୁରୁତର ଓ କାର୍ ରେ ବସିଥିବା  ତିନି ଜଣ ଙ୍କ ମଧ୍ୟରୁ ମହିଳା ଜଣକ ଆହତ , ଛୋଟ ଶିଶୁ ଓ ଚାଳକ ସାମାନ୍ୟ ଗୁରୁତର l ସୂଚନା ରୁ ପ୍ରକାଶ ଯେ ଆହତ ବ୍ୟକ୍ତି ଜଣକ ହେଲେ ନିକଟସ୍ଥ କେଉଁଟିପାଲି ଗ୍ରାମର ଦିଲୀପ ନନ୍ଦ ଓ କାର ଚାଳକ କଣ୍ଟାମାଳ ର ନାରାୟଣ ବଘାର ଓ   ଆହତ ହୋଇଥିବା ମହିଳା ଓ ଛୋଟ ଶିଶୁ , କାର ରେ ପିଟି ହୋଇଥିବା ବ୍ୟକ୍ତି ଙ୍କୁ ଲୋଇସିଂହା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ରେ ପ୍ରାଥମିକ ଚିକିତ୍ସା ପରେ ଗୁରୁତର ହେବାରୁ ବଲାଙ୍ଗୀର ଭୀମଭୋଇ ମେଡିକାଲ୍ କୁ ସ୍ଥାନାନ୍ତର । ସଡ଼କ ଦୁର୍ଘଟଣାରେ ପୀଡ଼ିତ ବ୍ୟକ୍ତିଙ୍କ ପାଇଁ ଦେବଦୂତ ସାଜିଲେ ମାନ୍ୟବର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଡ଼. ମୁକେଶ ମହାଲିଙ୍ଗ। ଗୁର୍ଜିଭଟା ଛକ ନିକଟରେ ଦୁର୍ଘଟଣାର ଶିକାର ହୋଇଥିବା ଜଣେ ବ୍ୟକ୍ତିଙ୍କୁ  ସ୍ଥାନୀୟ ଲୋକ ଙ୍କ ସହଯୋଗ ସହ ମନ୍ତ୍ରୀ ନିଜେ ଉପସ୍ଥିତ ରହି ଆମ୍ବୁଲାନ୍ସ ଯୋଗେ ଡାକ୍ତରଖାନା ପଠାଇବା ସହ ତାଙ୍କର ଜୀବନ ରକ୍ଷା ପାଇଁ ଉଦାହରଣ ସୃଷ୍ଟି କରିଛନ୍ତି l ଆଜି ଭୁବନେଶ୍ୱର ରୁ ଫେରିବା ସମୟରେ ଗୁର୍ଜିଭଟା ଛକ ନିକଟରେ ଏକ ସଡ଼କ ଦୁର୍ଘଟଣା ଘଟିଥିବା ମାନ୍ୟବର ମନ୍ତ୍ରୀ ଦେଖିବାକୁ ପାଇଥିଲେ। ସେଠାରେ ଜଣେ ବ୍ୟକ୍ତି ଗୁରୁତର ଅବସ୍ଥାରେ ପଡ଼ିରହିଥିବା ଦେଖି ମନ୍ତ୍ରୀ ମହୋଦୟ ତୁରନ୍ତ ନିଜେ ଗାଡ଼ିକୁ ଅଟକାଇଥିଲେ।

ବିଳମ୍ବ ନକରି ସେ ନିଜେ ଆମ୍ବୁଲାନ୍ସ ପାଇଁ ଯୋଗାଯୋଗ କରିଥିଲେ ଏବଂ ଆହତ ବ୍ୟକ୍ତିଙ୍କୁ ସୁରକ୍ଷିତ ଭାବେ ମେଡିକାଲରେ ପହଞ୍ଚାଇବା ପାଇଁ ସମସ୍ତ ବ୍ୟବସ୍ଥା କରିଥିଲେ। ଏହି ଘଟଣା ପରେ ମନ୍ତ୍ରୀ ଡ. ମହାଲିଙ୍ଗ ଜନସାଧାରଣଙ୍କୁ ଏକ ନିବେଦନ କରିଛନ୍ତି ଯେ ଦୁର୍ଘଟଣା ସମୟରେ ପୀଡ଼ିତଙ୍କୁ ସହଯୋଗ କରିବା ଆମ ସମସ୍ତଙ୍କର ସାମାଜିକ ଓ ନୈତିକ ଦାୟିତ୍ୱ। କୌଣସି ପ୍ରକାର ଭୟ ନକରି ସଠିକ୍ ସମୟରେ ଆହତଙ୍କୁ ମେଡିକାଲରେ ପହଞ୍ଚାଇବା ପାଇଁ ଆମେ ସମସ୍ତେ ଆଗେଇ ଆସିବା ଆବଶ୍ୟକ। ଜଣଙ୍କର ଅମୂଲ୍ୟ ଜୀବନ ବଞ୍ଚାଇବା ଠାରୁ ବଡ଼ପୁଣ୍ୟ କାର୍ଯ୍ୟ ଆଉ କିଛି ନାହିଁ l ମନ୍ତ୍ରୀ ମହୋଦୟ ମହାପ୍ରଭୁ ଶ୍ରୀଜଗନ୍ନାଥଙ୍କ ନିକଟରେ ଆହତ ବ୍ୟକ୍ତିଙ୍କର ଆଶୁ ଆରୋଗ୍ୟ କାମନା କରିବା ସହ ରାଜ୍ୟବାସୀଙ୍କୁ ସଚେତନ ରହିବାକୁ ପରାମର୍ଶ ଦେଇଛନ୍ତି l