10-May-2026

ଡୁଙ୍ଗୁରିପାଲି(ଆରବିନ୍ଦ ମିଶ୍ର): ସୋନପୁର ଜିଲା ଡୁଙ୍ଗୁରିପାଲି ଥାନା ବେହେରାମାଳ ଗ୍ରାମପଞ୍ଚାୟତ ଲଙ୍ଗଳକଟା ଗ୍ରାମ ଚାଷଜମି ରାସ୍ତାରୁ ଶନିବାର ସକାଳ  ୭ ଟାସମୟରେ  ୨ କ୍ୟୁଣ୍ଟାଲ ୭୨ କିଲୋ  ୨୦୦ ଗ୍ରାମ ଗଂଜେଇ ଜବତ କରି ଗଂଜେଇ ବୋଝେଇ ଏକ କେଟ୍ରା କାର ଗାଡି ନମ୍ବର OD ୧୭X ୭୧୨୭କୁ ଜବତ କରିଛି ଡୁଙ୍ଗୁରିପାଲି ପୋଲିସ।ଗଂଜେଇ ମାଫିଆମାନେ ଗାଡି ଛାଡି ଫେରାର ହୋଇଯାଇଛନ୍ତି। ଓଡିଶାରୁ ଛତିଶଗଡ଼ ଗଂଜେଇ ଚାଲାଣ।

ପ୍ରାପ୍ତ ପୋଲିସ ସୁତ୍ର ରୁ ପ୍ରକାଶ ଯେ ଶନିବାର ବୌଦ୍ଧ ପଟରୁ  ଛତିଶଗଡ କୁ ଗଂଜେଇ ଚାଲାଣ ହେଉ ଥିବା ବେଳେ ଏକ ଧଳା ରଙ୍ଗର ଏକ କାର ଗଂଜେଇ ବୋଝେଇ ଭର୍ତ୍ତି ଆସୁଥିବା ଦେଖି କୌଣସି ସୁତ୍ର ରୁ ଖବର ପାଇଁ ସୋନପୁର ପୋଲିସ ଟିମ କାରକୁ ପିଛା କରି ବିନିକା ଓ ରାମପୁର ପୋଲିସ କୁ ଖବର ଦେଇଥିଲା |ସୋନପୁର, ବିନିକା ଓ ରାମପୁର ଥାନା ପୋଲିସ ଟିମ ମିଳିତ ହୋଇ ଭୋର ୫ ଟା ସମୟରେ  କାର କୁ ପିଛା କରିଥିଲେ |ହେଲେ ଗଂଜେଇ ମାଫିଆ ମାନେ ଗଂଜେଇ ପାର କରି ନ ପାରି  ଡୁଙ୍ଗୁରିପାଲି ଥାନା ବେହେରାମାଲ ଗ୍ରାମପଞ୍ଚାୟତ  ଲଙ୍ଗଳକଟା ଗ୍ରାମ ନିକଟ ଚାଷ ଜମି ରାସ୍ତାରେ ଗଂଜେଇ ଭର୍ତ୍ତି ଏକ ଧଳା କାର କୁ ଛାଡି ଗଂଜେଇ ମାଫିଆ ମାନେ ଫେରାର ହୋଇଯାଇଥିଲେ |ଚାଷଜମି ରାସ୍ତାରେ ସକାଳ ୭ ଟା ରେ ଏକ ଧଳା କାର ଥିବା ଦେଖି ଲଙ୍ଗଳକଟା ଗ୍ରାମର  ରବୀନ୍ଦ୍ର ତ୍ରିପାଠୀ ଡୁଙ୍ଗୁରିପାଲି ପୋଲିସ କୁ ଖବର ଦେଇଥିଲେ |ଡୁଙ୍ଗୁରିପାଲି ପୋଲିସ ଘଟଣା ସ୍ଥଳକୁ ସକାଳ ୭ ଟା ସମୟରେ ପହଂଚିଥିଲେ |ପରେ ଦିନ ୧୧ ଟା ସମୟରେ  ରାମପୁର ଅତିରିକ୍ତ ତହସିଲଦାର ରୋହିତ କୁମାର ବାଘ ମାଜିଷ୍ଟ୍ରେଟ ଦାଇତ୍ୱ ଉପସ୍ଥିତ ରହିଥିଲେ | ପୋଲିସ କାର ଭିତରୁ ଗଂଜେଇସବୁ କୁ  ବାହାର କରିଥିଲେ |କାର ଭିତରୁ ମୋଟ ୨୭୦ ପକେଟ ଗଂଜେଇ ବାହାରି ଥିଲା |ମାଜିଷ୍ଟ୍ରେଟ ବାଘଙ୍କ ଉପସ୍ଥିତ ରେ ଓଜନ କରାଯାଇଥିଲା |ଗଂଜେଇ କୁ

ଓଜନ କଲା ପରେ ୨କ୍ୟୁଣ୍ଟାଲ ୭୨କିଲୋ ୨୦୦ଗ୍ରାମ ହୋଇଥିଲା |ଓଜନ ଗଂଜେଇ ସବୁ ୧୨ ଗୋଟି  ବଡ଼ ବୁରା ପକେଟ ରେ ଭର୍ତ୍ତି କରି ସିଲ କରାଯାଇ ପୋଲିସ ଜବତ କରିରଖିଛି |ଗଂଜେଇ ମାଫିଆ ମାନେ ଗଂଜେଇ ଚାଲାଣ କରୁଥିବା ବେଳେ ଦୁଇଟି ନମ୍ବର ପ୍ଲେଟ ଓଡିଶା ଓ ଛତିଶଗଡ ନମ୍ବର ପ୍ଲେଟ ଓ କାରକୁ ପୋଲିସ ଜବତ କରିଛି |ଜବତ ହୋଇଥିବା ଗଂଜେଇର ସରକାରୀ ମୂଲ୍ୟ ୨୭ ଲକ୍ଷ ଟଙ୍କା ହେବା ପୋଲିସ କହିଛି। ଏ ନେଇ ଡୁଙ୍ଗୁରିପାଲି ପୋଲିସ କେଶ ନଂ -୧୧୫ /୨୬ ରେ ଅବକାରୀ ଆକ୍ଟ ୩୧୮/(୪)ଭାରତୀୟ ନ୍ୟାୟ ସହିତା ଅନୁଯାୟୀ ୨୦ (b)c ୨୫/୨୯ ,୨୦(b)(ii)c ୨୫/୨୯ ମାମଲା ୠଜୁ ହୋଇ ଥିବା ତଦନ୍ତ ଅଧିକାରୀ ଏସଆଇ ଅମିତ କୁମାର ଧଳ କହିଛନ୍ତି |