06-Mar-2026

ବଲାଙ୍ଗୀର (ପ୍ରେରଣା ଖବର): ଆସନ୍ତାକାଲି ପୂର୍ବାହ୍ନ ୧୦ଟା ସମୟରେ ବଲାଙ୍ଗୀର ସରକାରୀ ମହିଳା ମହାବିଦ୍ୟାଳୟ ପୋଷ୍ଟ ଗ୍ରାଜୁଏସନ ଇତିହାସ ବିଭାଗ ତରଫରୁ ଏକ ଦିବସୀୟ ନେସନାଲ ସେମିନାର ଅନୁଷ୍ଠିତ ହେବାକୁ ଯାଉଛି। କଲେଜର ପୋଷ୍ଟ ଗ୍ରାଜୁଏସନ ଇତିହାସ ବିଭାଗ ମୁଖ୍ୟ ଏସିଷ୍ଟାଣ୍ଡ ପ୍ରଫେସର ଡ. ମିନତୀ ଦେବତା, ଡ. ଅର୍ପିତା ବେହେରା ଏବଂ ଡ. ସିଦ୍ଧେଶ୍ୱର ପ୍ରଧାନଙ୍କ ଆବାହକତ୍ୱରେ ଅନୁଷ୍ଠିତ ଏହି ସେମିନାରରେ ଚିଫ୍ ପେଟ୍ରୋନ ଭାବରେ କଲେଜର ଅଧ୍ୟକ୍ଷ ଡ. ଆରବିନ୍ଦ ଓଝା ଦାୟିତ୍ୱ ତୁଲାଇବେ। ସେମିନାର ସେକ୍ରେଟେରୀ ଭାବରେ ଇତିହାସ ବିଭାଗର ଅଧ୍ୟାପକ ଦୀନେଶ ସିଂହ ଓ ଅର୍ପିତା ପରିଛା ସେମିନାର କୁ ପରିଚାଳନାରେ କରିବେ। ସେମିନାରରେ ଇତିହାସ ବିଭାଗ ସମେତ ରାଜନୀତି ବିଜ୍ଞାନ, ଓଡ଼ିଆ, ଇଂରାଜୀ ଏଜୁକେସନ, ବୋଟାନି, ଫିଲୋଶଫି, ସାଇକୋଲୋଜି, ସଂସ୍କୃତ ଓ ଜର୍ଣ୍ଣାଲିଜମ ଆଦି ବିଭାଗର ଅଧ୍ୟାପକ ମାନେ ଅଂଶଗ୍ରହଣ କରିବେ। ଏହି ସେମିନାର କାର୍ଯ୍ୟକ୍ରମରେ ବହୁ ସଂଖ୍ୟାରେ ଯୋଗ ଦେଇ କାର୍ଯ୍ୟକ୍ରମକୁ ସଫଳ କରିବା ପାଇଁ କଲେଜ ର ହିଷ୍ଟ୍ରି ଡିପାର୍ଟମେଣ୍ଟ ତରଫରୁ ନିବେଦନ କରାଯାଇଛି।