19-Jan-2026

ରେଢ଼ାଖୋଲ (ଅନିଲ ପୃଷ୍ଟି ) ରେଢ଼ାଖୋଲ ଠିକାଦାର ସଙ୍ଘର ଏକ ବୈଠକ ସ୍ଥାନୀୟ ବିଜୁ ପଟ୍ଟନାୟକ କଲ୍ୟାଣ ମଣ୍ଡପ ଠାରେ ଅନୁଷ୍ଠିତ ହୋଇଯାଇଛି।ଠିକାଦାର ସଙ୍ଘର ଉପଦେଷ୍ଟା ସନ୍ୟାସୀ ନାଏକଙ୍କ ସଭାପତିତ୍ୱରେ ଅନୁଷ୍ଠିତ ବୈଠକରେ ବିଭିନ୍ନ ପ୍ରସଙ୍ଗ ଉପରେ ଆଲୋଚନା ହେବା ସହ ନୂତନ କର୍ମକର୍ତା ଚୟନ କରାଯାଇଥିଲା। ସର୍ବ ସଂମ୍ମତି କ୍ରମେ ସଭାପତି ଭାବେ ରାଜୀବ ଲୋଚନ ପ୍ରଧାନ, ଉପ ସଭାପତି ଭାବେ ଶିବ ଶମ୍ଭୁ ନନ୍ଦ, ସମ୍ପାଦକ ବିକାଶ ଚନ୍ଦ୍ର ଦାଶ, ସହ ସମ୍ପାଦକ ଉଦୟ ପ୍ରତାପ ସିଂ ଦେଓ, କୋଷାଧ୍ୟକ୍ଷ ଶିବ ପ୍ରସାଦ ପାଣିକର ଏବଂ ଉପଦେଷ୍ଠା ମଣ୍ଡଳୀ ଚୟନ କରାଯାଇଥିଲା। ଏଥିରେ ନିଷ୍ପତି କରାଯାଇଛି ଯେ ଆଗାମୀ ଦିନରେ ରେଢ଼ାଖୋଲ ଓ ନାକଟିଦେଉଳ ବ୍ଲକ, ରେଢ଼ାଖୋଲ ଏନଏସିର ଉନ୍ନତି ମୂଳକ ସମସ୍ତ ଠିକା(ନିର୍ମାଣ କାର୍ଯ୍ୟ )ଯାହାକି 40ଲକ୍ଷ ପର୍ଯ୍ୟନ୍ତ ସରକାରଙ୍କ ନିର୍ଧାରିତ ଦର (ଶିଡୁଲ ରେଟ୍)ମୁତାବକ ପକାଇବେ ଏବଂଏହି ଅଂଚଳ ର ନିର୍ମାଣ କାର୍ଯ୍ୟ ଗୁଡିକୁ କେବଳ ସମ୍ବଲପୁର ଜିଲ୍ଲାର ଠିକାଦାର ଭାଇ ମାନେ ପକାଇବା ପାଇଁ ରେଢ଼ାଖୋଲ ଠିକାଦାର ସଙ୍ଘ ଅନୁରୋଧ କରିଛି।ଏପରିକି ଯେକୌଣସି ନିମ୍ନମାନର ନିର୍ମାଣ କାର୍ଯ୍ୟ ପାଇଁ ସଙ୍ଘ ପ୍ରଶୟ ଦେବ ନାହିଁ।ବୈଠକରେ ଅନ୍ୟମାନଙ୍କ ମଧ୍ୟରେ ସଞ୍ଜୟ ମିଶ୍ର, ଖଗେଶ୍ୱର ବେହେରା, ମନୋଜ ରାଏ, ରାଜୁ ମୁଖି, ଖେଳନିଧି ପ୍ରଧାନ, ବ୍ରଜେଶ ବିଶ୍ୱାଳ, ସୁବ୍ରତ ରାଉତ, ନରେନ୍ଦ୍ର ପ୍ରଧାନ, ଦେବାଶିଷ ଷଡ଼ଙ୍ଗୀ, ବିଜୟ ପ୍ରଧାନ, ଦିଲ୍ଲୀପ ଦେହୁରୀ, ନିବାସୀ ବେହେରା, ଆନନ୍ଦ ମାଝୀ, ତୁଷାରକାନ୍ତ ରାଉଳ, ହରେକୃଷ୍ଣ ପ୍ରଧାନଙ୍କ ସମେତ ସମସ୍ତ ସଭ୍ୟ ଉପସ୍ଥିତ ମତାମତ ଦେଇଥିଲେ।