01-Feb-2021

ସମ୍ବଲପୁର,(ସଞ୍ଜିବ ପାଣିଗ୍ରାହୀଙ୍କ ରିପୋର୍ଟ): ଓଡିଶା ସାମ୍ବାଦିକ ସଂଘ ସମ୍ବଲପୁର ଜିଲ୍ଲା ଶାଖାର ବାର୍ଷିକ ସାଧାରଣ ପରିଷଦ ଵୈଠକ ଓ ବାର୍ଷିକ ପାରିବାରିକ ବନ୍ଧୁମିଳନ ରବିବାର କେନଘାଟି ଶ୍ରୀରାମ ବାଟିକା ଠାରେ  ଅନୁଷ୍ଠିତ ହୋଇଯାଇଛି । ଏଥିରେ ସଂଘର ସମ୍ବଲପୁର ଜିଲ୍ଲା ଶାଖାର ସମସ୍ତ ସଭ୍ୟ ଙ୍କ ପରିବାର ର ସଦସ୍ୟ ମାନେ ଉପସ୍ଥିତ ରହିଥିଲେ । ଏହି ଅବସରରେ ଓଡିଶା ସାମ୍ବାଦିକ ସଂଘ ସମ୍ବଲପୁର ଜିଲ୍ଲା ଶାଖାର ସଭାପତି ଭାବେ ହିମାଂଶୁ ଶେଖର ମିଶ୍ର ମନୋନୀତ  ହୋଇଥିବା ବେଳେ ସାମ୍ବାଦିକ ସରୋଜ ସାହୁ ସାଧାରଣ ସମ୍ପାଦକ ଏବଂ ରବୀନ୍ଦ୍ର ପ୍ରସାଦ ଦାନୀ କାର୍ଯ୍ୟକାରୀ ସଭାପତି ଭାବେ ମନୋନୀତ ହୋଇଛନ୍ତି I ସଂଘର ବାର୍ଷିକ ସାଧାରଣ ପରିଷଦ ସଭାରେ ସାମ୍ବାଦିକ ମାନଙ୍କ ହିତ ଦୄଷ୍ଟିରୁ ଆଗାମି କାର୍ଯ୍ୟପନ୍ଥା ଉପରେ ଆଲୋଚନା କରାଯାଇଥିଲା । ଏଥିସହ ସମ୍ବଲପୁର ଜିଲ୍ଲା ର ୬ ଜଣ ଦିବଂଗତ  ସାମ୍ବାଦିକ ଙ୍କ ଵିଧବା ପତ୍ନୀ ଙ୍କୁ ମାସିକ ଭତ୍ତା ମଧ୍ୟ ପ୍ରଦାନ କରାଯାଇଥିଲା । ତେବେ ସଂଘର ଏହି ଵୈଠକରେ ରାଜ୍ୟ ସାଧାରଣ ସଂପାଦକ ଶଶିଭୁଷଣ ପ୍ରହରାଜ , ରାଜ୍ୟ ସାଂଗଠନିକ ସଂପାଦକ ସଞ୍ଜୀବ ନାୟକ , ପ୍ରାନ୍ତୀୟ ସଂପାଦକ ରମାକାନ୍ତ ବିଶ୍ୱ।ଳ, ରାଜ୍ୟ ସମ୍ପାଦକ  ସୁଶାନ୍ତ ମହାପାତ୍ର,  ସୋନପୁର ଜ଼ିଲ୍ଲା ସଭାପତି ମନୋରଞ୍ଜନ  ତ୍ରିପାଠୀ,  ସୁବାସ ନାୟକ ପ୍ରମୁଖ  ଅତିଥି ଭାବରେ ଯୋଗ ଦେଇଥିଲେ । ଏହି ଅବସରରେ ବରିଷ୍ଠ ସାମ୍ବାଦିକ ଜଗତ ପ୍ରସାଦ ଦାଶ ଙ୍କୁ ଅଭିନନ୍ଦନିକା ପ୍ରଦାନ କରାଯାଇ ସମ୍ବର୍ଦ୍ଧିତ କରାଯାଇ ଥିଲା I ଏହା ସହିତ ସର୍ବଶ୍ରୀ ଶିଶିର ସାହୁ, ପ୍ରଦୀପ ନାୟକ, ସୁକାନ୍ତ କର ଏବଂ ସନ୍ତୋଷ ସାହୁ ଉପସଭାପତି  ଭାବେ ମନୋନୀତ ହୋଇଥିବା ବେଳେ ସର୍ବଶ୍ରୀ ଆମଳେନ୍ଦୁ ନାୟକ, ନରେଶ ମାହାଣI, ବାଦଶାହା ଜୁସମାନ ରାଣI ଓ ସତ୍ୟ ପ୍ରିୟ ମହାପାତ୍ର ସହ  ସଂପାଦକ, ସୁଶାନ୍ତ ମହାପାତ୍ର କୋଷାଧ୍ୟକ୍ଷ  ଏବଂ ସର୍ବଶ୍ରୀ ସଞ୍ଜୟ ପାଗୋଡା, ଉପେନ୍ଦ୍ର ନାରାୟଣ ପଣ୍ଡା, ଡା. ରାଜାରାମ ଷଡ଼ଙ୍ଗୀ, ଅଙ୍କିତ ସାହୁ, ମହାବୀର ସିଂହ ଦେଓ, ରବୀନ୍ଦ୍ର ନାଥ ପ୍ରଧାନ, ନବୀନ ଦାଶ ଓ ହରି ଶଙ୍କର ମିଶ୍ର ଜ଼ିଲ୍ଲା କାର୍ଯ୍ୟକାରୀଣି କମିଟିକୁ ମନୋନିତ ହୋଇଛନ୍ତି I ସଭା ପ୍ରାରମ୍ଭ ରେ ମା' ସମଲେଶ୍ୱରୀ ଙ୍କ ଠାରେ ଦୀପ ପ୍ରଜ୍ୱଳନ ଏବଂ ଓଡିଶା ସାମ୍ବାଦିକ ସଂଘ ର ପ୍ରତିଷ୍ଠାତା ସଭାପତି ସ୍ୱର୍ଗତ ପ୍ରଭାତ ଦାଶ ଫଟୋ ଚିତ୍ର ରେ ଶ୍ରଦ୍ଧାସୁମନ ଅର୍ପଣ କରାଯାଇଥିଲା I