25-Nov-2025

କଣ୍ଟାମାଳ(ଜୟକୁମାର ମହାରଣା): କଣ୍ଟାମାଳ ଥାନା ପଛପଟ କଣ୍ଟାମାଳ ହାଇସ୍କୁଲ ପଡିଆରୁ ଏକ ଟାଟା ଏସିଇ ପିକଅପ ଗାଡି ସହ ୬୦ କେଜି ଗଞ୍ଜେଇ ଜବତ୍ କରିଛି କଣ୍ଟାମାଳ ପୁଲିସ  l ମାମଲାରେ ଗିରଫ ୨ଅଭିଯୁକ୍ତଙ୍କୁ ଆଜି କୋର୍ଟ ଚାଲାଣ କରାଯାଇଥିବା ପୁଲିସ ସୂତ୍ରରୁ ପ୍ରକାଶ | ମିଳିଥିବା ସୂଚନା ଅନୁଯାୟୀ  କଣ୍ଟାମାଳ ଥାନାଧିକାରୀ ରଞ୍ଜିତ କୁମାର ମୁନିଙ୍କ ନତୃତ୍ୱରେ ଏକ ପୋଲିସ ଟିମ ପେଟ୍ରୋଲିଙ୍ଗ କରୁଥିବା ସମୟରେ  ଥାନା ପଛପଟ ତଥା କଣ୍ଟାମାଳ ହାଇସ୍କୁଲ ସମ୍ମୁଖ ପଡିଆରୁ ଏକ ଟାଟା ଏସିଇ ପିକଅପ ଗାଡି ନମ୍ବର ଓଡ଼ି ୩୧ଏଲ -୬୯୩୬କୁ ସନ୍ଦେରେ ଅଟକାଇ ଯାଞ୍ଚ କରିଥିଲା  l   ଯାଞ୍ଚ ସମୟରେ ଗାଡି ଭିତରୁ  ଗଞ୍ଜେଇ ଜବତ୍ କରିଥିବାବେଳେ ଘଟଣାରେ ୨ଅଭିଯୁକ୍ତଙ୍କୁ ଗିରଫ କରିଥିଲା କଣ୍ଟାମାଳ ପୁଲିସ l ମାଜିଷ୍ଟ୍ରେଟ ଙ୍କ ଉପସ୍ଥିତିରେ ଜବତ ଗଞ୍ଜେଇ କୁ ଓଜନ କରିବାରୁ ତାହାର ଓଜନ ୬୦କେଜି ହୋଇଥିଲା  l  ଗିରଫ ଅଭିଯୁକ୍ତମାନେ ମନମୁଣ୍ଡା ଥାନା ପଲସାଗୋରା ଗ୍ରାମର  ଧ୍ରୁବ ଚରଣ ନାୟକ ଓ ଅର୍ଜୁନ ନାୟକ ବୋଲି ତଦନ୍ତରୁ ଜଣାପଡିଥିଲା  l   ଏ ସମ୍ପର୍କରେ କଣ୍ଟାମାଳ ଥାନାରେ  କେସ ନମ୍ବର ୨୪୭/୨୫ରେ ଏକ ମାମଲା ରୁଜୁ କରି ଦୁଇ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଥିବା ବେଳେ ଅଧିକ ତଦନ୍ତ ଜାରି ରହିଥିବା ନେଇ କଣ୍ଟାମାଳ ଥାନାଧିକାରୀ  ରଞ୍ଜିତ କୁମାର ମୁନି ସୂଚନା ଦେଇଛନ୍ତି  |