03-Nov-2025

ସୋନପୁର( ମନୋରଞ୍ଜନ ତ୍ରିପାଠୀ)
 ସୋନପୁର ସହର ସ୍ଥିତ ପଟାଭାଡ଼ି କମିଟିର ସଭାପତି  ନକୁଳ ମେହେର ଙ୍କ ନେତୃତ୍ୱରେ ସୋମବାର ୨୨ ତମ ଅଷ୍ଟ ପ୍ରହରୀର ନାମଯଜ୍ଞ ର କଳସ ଯାତ୍ରା ଶୁଭାରମ୍ଭ ହୋଇଯାଇଛି । ସହରର ଲୋକନାଥ ମନ୍ଦିର ପୋଖରୀରୁ କଳସରେ ଜଳ ଅଭିଷେକ କରି ଶତାଧିକ ମହିଳା ସହର ପରିକ୍ରମା କରି ପ୍ରହରୀ ମଣ୍ଡଳୀ ରେ କଳସ ସ୍ଥାପନ କରିଥିଲେ । ଚଳିତ ବର୍ଷ ଆଶିଷ ମେହେର ସହ ଧର୍ମିଣୀ କୁମାରୀ ମେହେର କର୍ତ୍ତା ଭାବେ ଦାୟିତ୍ଵ ତୁଲାଉ ଥିବା ବେଳେ ଡୁଗୁ ମିଶ୍ର ପୁଜକ ଭାବରେ ଦାୟିତ୍ଵ ତୁଲାଉଛନ୍ତି । ଚଳିତ ବର୍ଷ ଜିଲ୍ଲା ତଥା ଜିଲ୍ଲା ବାହାରୁ ମଧ୍ୟ ଅନେକ ସଂକୀର୍ତନ ମଣ୍ଡଳୀ ମାନେ ଯୋଗ ଦେବେ । ମଙ୍ଗଳବାର ନାମ ଆରମ୍ଭ ହେବ ଏବଂ ବୁଧବାର ପୂର୍ଣ୍ଣାହୂତି ହେବ ବୋଲି କମିଟି ସଭାପତି ଶ୍ରୀ ନକୁଳ ମେହେର ସୂଚନା ଦେଇଛନ୍ତି । ସମ୍ପାଦକ ରାମାଶଙ୍କର ମେହେର, ତୁଳସୀ ମେହେର,ଶଙ୍କର ମେହେର, ବନମାଳି ମେହେର, ଚମରା ମେହେର, ରଘୁନାଥ ମେହେର, ମନୋଜ ମେହେର, ଜୟକୃଷ୍ଣ ମେହେର, ପ୍ରହଲ୍ଲାଦ ମେହେର, ଶେଷ ମେହେର, ଅକ୍ରୁର ମେହେର, ମନୋଜ ମେହେର, ବାସୁଦେବ ମେହେର, ଘନଶ୍ୟାମ ମେହେର, କାର୍ତ୍ତିକ ମେହେର, ହିମାଂଶୁ ମେହେର,ରାଧାମୋହନ ମେହେର ସମେତ ଅଂଚଳ ସମସ୍ତ ପରିବାର ସାମିଲ ହୋଇଥିଲା । ଚଳିତ ବର୍ଷ ଏହି ନାମଯଜ୍ଞକୁ ଆସି ଉପସ୍ଥିତ ରହି ଭଗବାନଙ୍କ ଆଶୀର୍ବାଦ ପାଇବା ପାଇଁ କମିଟି ପକ୍ଷରୁ ଅନୁରୋଧ କରାଯାଇଛି ।