23-Oct-2025

ନୂଆଁପଡ଼ା(ପ୍ରେରଣାଖବର): ଶବର ଭବନ ଖଗସା ରେ ଆୟୋଜିତ ହୋଇଥିଲା ବିଶାଳ ଆଦିବାସୀ ସମ୍ମିଳନୀ । ସମ୍ମିଳନୀ ରେ ଅଧ୍ୟକ୍ଷତା କରିଥିଲେ ବିଶିଷ୍ଟ ଆଦିବାସୀ ନେତା  ବିହାରୀ ଲାଲ ବିଶ୍ୱାଳ। ଏହି ସମ୍ମିଳନୀରେ ପ୍ରାୟ ୨ ହଜାର ଆଦିବାସୀ ଯୋଗଦେଲେ।ସଭାରେ ବିଶିଷ୍ଟ ଅତିଥି ଭାବେ ବିଜେଡି ପ୍ରାର୍ଥୀ ଶ୍ରୀମତୀ ସ୍ନେହାଙ୍ଗିନୀ ଛୁରିଆ, ରାଜ୍ୟସଭା ସାଂସଦ ନିରଞ୍ଜନ ବିଶି, ବିଜେଡି ଉପାଧ୍ୟକ୍ଷ ଓ ପୂର୍ବତନ ମନ୍ତ୍ରୀ ଦେବୀ ପ୍ରସାଦ ମିଶ୍ର, ପୂର୍ବତନ ମନ୍ତ୍ରୀ ପ୍ରତାପ ଜେନା,

ପୂର୍ବତନ ମନ୍ତ୍ରୀ ଶ୍ରୀ ରମେଶ ମାଝି, ଦଶପଲ୍ଲା ବିଧାୟକ ରମେଶ ବେହେରା ଓ ବିଧାୟକ ମନୋହର ରନ୍ଧାରି।ସଭାରେ ନେତାମାନେ ନବୀନ ପଟ୍ଟନାୟକଙ୍କ ଦୃଷ୍ଟିଭଙ୍ଗୀ ନେତୃତ୍ୱ ଓ ଆଦିବାସୀ, ଶ୍ରମିକ ଓ ଗରିବ ମାନଙ୍କ ପ୍ରତି ମୂଖୀ ଯୋଜନାଗୁଡ଼ିକ ପ୍ରଶଂସା କରିଥିଲେ।
ବିଜେପି ସରକାରଙ୍କ  ଆଦିବାସୀ ବିରୋଧୀ ନୀତି ପ୍ରତି ତୀବ୍ର ଅସନ୍ତୋଷ ବ୍ୟକ୍ତ କଲେ। ସେମାନେ ବିଜେପିକୁ “ଗୋ ହତ୍ୟା ପାର୍ଟି” ବୋଲି ଅଭିହିତ କଲେ, ଏବଂ ଅଭିଯୋଗ କଲେ ଯେ

୧୬ ଅକ୍ଟୋବର ୨୦୨୫ ରେ ନୁଆପଡାରେ ବିଜେପି ସଭାରେ ବିଷାକ୍ତ ଖାଦ୍ୟ ଖାଇ ୨୦ଟି ଗାଈ ମୃତ୍ୟୁ ବରଣ କଲେ, ଯାହା ଦୁଃଖଦ ଓ ନିନ୍ଦନୀୟ। ଆହୁରି ଆଦିବାସୀ ମାନେ ବିଷୋଦ୍ଗାର କରି କହିଲେ ଯେ ବିଜେପି ସରକାର ମନରେଗା ରେ ୨୦୦ ଦିନର କାମ କମାଇ ୧୦୦ ଦିନ କରିଛି ଓ ଦିନକର ମଜୁରୀ ୩୫୨ ଟଙ୍କାରୁ କମାଇ ୨୦୦ ଟଙ୍କା କରିଛି, ଯାହା ଶ୍ରମିକ ଓ ଗରିବ ବିରୋଧୀ ନୀତି। ଏହାର ଫଳରେ ରାଜ୍ୟ ଛାଡ଼ି ଦାଦନ ଶ୍ରମିକ  ଓ ବେରୋଜଗାରି ବୃଦ୍ଧି ପାଇଛି।ସଭାରେ  ଆଦିବାସୀ ନେତାମାନେ
ତେଜରାଜ ଶବର, ଛକନ ମାଝି, ସୁଶିଲ ବିଶ୍ୱାଳ, ହରପ୍ରସାଦ ମାଝି, ତପନ ଶବର, ରୋହିତ ପାଣ୍ଡେ, ଦେବା ଶବର, ବଳେଶ୍ୱର ଦୀପ, ଚିନ୍ତ୍ରାମ ମାଝି, ମହେନ୍ଦ୍ର ଲୁହାର, ଗୋପବନ୍ଧୁ ପ୍ରଧାନ, ରମେଶ ଶବର, ହରେକୃଷ୍ଣ ଶବର, ରାମଜି ବରିହା, ଚେତନାନନ୍ଦ ଶବର, ସୁରେନ୍ଦ୍ର ଲୁହାର, କାଶୀରାମ ପାଣ୍ଡେ, ମୁରଳି ରାଉତ, ଚନ୍ଦ୍ରମଣି ରାଉତ, ପ୍ରଫୁଲ୍ଲ ଶବର, କହେଁଇ ମାଝି, ରାଜୁ ମାଝି, ଦୁଖନାସନ ମାଝି, ସୁବାଶ ପ୍ରଧାନ, ସୁଦାମ ପ୍ରଧାନ, ଚନ୍ଦ୍ରଶେଖର ଭୋଇ, ରଞ୍ଜିତ ବାରିକ, ଭାସ୍କର ଶବର, ଅଲେଖ ବାରିକ, ରଘୁ ଶବର, ପରମେଶ୍ୱର ଗୌଡ଼, ସୁବନ୍ତ ବାରିକ ଓ ସଞ୍ଜିବ ପ୍ରଧାନ ଉପସ୍ଥିତ ଥିଲେ।