13-Oct-2025

ନବରଙ୍ଗପୁର (ପ୍ରିୟଦର୍ଶିନୀ ପାତ୍ର)
ଡାବୁଗାଁ ବ୍ଳକ ସଦରମହକୁମା ରେ ଥିବା ସରକାରୀ ନୁତନ ପଞ୍ଚାୟତ ଉଚ୍ଚ ବିଦ୍ୟାଳୟରେ ଦୁଇ ଦିନିଆ ବ୍ଳକ ସ୍ତରୀୟ ଖେଳ ଓ ଦୌଡକୁଦ ପ୍ରତିଯୋଗୀତା ଉଦଘାଟିତ ହୋଇ ଯାଇଛି l ଉକ୍ତ କାର୍ଯ୍ୟକ୍ରମ ଡାବୁଗାଁ ଗୋଷ୍ଠୀ ଶିକ୍ଷା ଅଧିକାରୀଣୀ  ରଶ୍ମିତା ନେତମ ଙ୍କ ଅଧକ୍ୟତା ରେ ଅନୁଷ୍ଠିତ ହେଲା। ଆଜି ମୁଖ୍ୟ ଅତିଥି ଭାବେ ଡାବୁଗାଁ ବ୍ଳକ ଅଧ୍ଯକ୍ଷା ବୀଣା ମାଝୀ, ସମ୍ମାନୀତ ଅତିଥି ଜିଲ୍ଲା ପରିଷଦ ସଭ୍ଯ ଧନ ସିଂ ଭତ୍ରl ଓ ବ୍ଳକ ଉପାଧ୍ଯକ୍ଷ ସଦାନନ୍ଦ ନାୟକ, ତହସିଲଦାର ଗୀତା ମୁର୍ମୁ, ଡାବୁଗାଁ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଡାଃ ବଦ୍ରି ପ୍ରାସାଦ ନାୟକ, ବ୍ଳକ ବିଜେଡି ସଭାପତି ସୁରେନ୍ଦ୍ର କୁମାର ମିଶ୍ର, ଡାବୁଗାଁ ମଣ୍ଡଳ ସଭାପତି ମନୋଜ ପାତ୍ର, ସହ ଗୋଷ୍ଟୀ ଶିକ୍ଷା ଅଧିକାରୀ ଭଗବାନ ମାଝୀ ଓ ସନ୍ତୋଷ କୁମାର ସାହୁ, ସମ୍ପୃକ୍ତ ବିଦ୍ୟାଳୟ ର ଭାରପ୍ରାପ୍ତ ପ୍ରଧାନ ଶିକ୍ଷକ ସନୋଜ କୁମାର ମହାପାତ୍ର ଉପସ୍ଥିତ ରହି ଥିବା ବେଳେ ଶିକ୍ଷୟତ୍ରୀ ମାନଙ୍କ ଦ୍ଵାରା ବ୍ୟାଚ୍ ଓ ଫୁଲ ତୋଡ଼ା ଦେବା, ଛାତ୍ରୀ ମାନଙ୍କ ଦ୍ଵାରା  ସ୍ୱାଗତ ସଙ୍ଗୀତ ଗାନ କରାଯାଇଥିଲା l ମୁଖ୍ୟ ଅତିଥି ଓ ସମ୍ମାନୀତ ଅତିଥି ମାନଙ୍କ ଦ୍ଵାରା ରିବନଫିତା କାଟି ଉଦଘାଟନ କରି କ୍ରୀଡା ପତାକା ଉତ୍ତୋଳନ କରି ଛାତ୍ରମାନଙ୍କ ଦ୍ଵାରା ମଶାଲ ମଞ୍ଚ ଉପରକୁ ଅଣାଯାଇଥିଲା।ଛାତ୍ରଛାତ୍ରୀ ମାନଙ୍କୁ ଖେଳକୁଦ ଉପରେ ମୁଖ୍ୟ ଅତିଥି ପ୍ରୋତ୍ସାହିତ  କରାଇଥିଲେ |
 ପ୍ରଭୁ ଗଜାନନ ଙ୍କ ନିକଟରେ ଧୂପ ଲଗାଇ, ଦୀପ ପ୍ରଜ୍ଜ୍ଵଳନ କରି, ନାରିକେଳ ଫୁଟାଇ ଉକ୍ତ ବ୍ଳକ ସ୍ତରୀୟ  ଖେଳ ଓ ଦୌଡକୁଦ ପ୍ରତିଯୋଗୀତାକୁ ଶୁଭାରମ୍ଭ କରାଇ ଥିଲେ lକ୍ରୀଡା ଶିକ୍ଷକ ହେମନ୍ତ କୁମାର ସାମଲ, ଉମାକାନ୍ତ ବିଶ୍ଵାଳ,ବାସୁଦେବ ରଥ, ତ୍ରିନାଥ ବାରିକ,ରଞ୍ଜନ ପରିଡା,ଅରୁଣ ହିଆଲ,ନୀଳାମ୍ବର ସିଂ, ପୁରୋହିତ ବାଘ, ବିଜୟଲକ୍ଷ୍ମୀ ମଣ୍ଡଳ ଓ ସୁକାନ୍ତି ସାହୁ ପ୍ରମୂଖ କନିଷ୍ଠ ବର୍ଗ ଙ୍କ ନିମନ୍ତେ ୧୦୦, ୨୦୦,୩୦୦, ୪୦୦, ୮୦୦, ୧୫୦୦,୩୦୦୦ ମିଟର ଦୌଡ, ଉଚ୍ଚ ଡିଆ,ଲମ୍ବ ଡିଆ,ଜାମ୍ବଲିନ ଥ୍ରୋ, ରେଲି ରେସ,ଟ୍ରିପଲ ଜମ୍ପ,ଡିସ୍ କସ୍ ଥ୍ରୋ ଏପରି ୧୩ ପ୍ରକାର ଖେଳ କରାଇ ପ୍ରଥମ, ଦ୍ଵିତୀୟ ଓ ତୃତୀୟ ସ୍ଥାନ ଅଧିକାର କରିଥିବା ଛାତ୍ରଛାତ୍ରୀ ମାନଙ୍କୁ ମନୋନୀତ କରିବାରେ ସହଯୋଗ କରିଥିଲେ l

ଉକ୍ତ ମଞ୍ଚକୁ  ବିକାଶ ରଞ୍ଜନ ନିଶଙ୍କ ବେଶ୍ ସୁନ୍ଦର ଭାବେ ପରିଚାଳନା କରିଥିବା ବେଳେ ସମସ୍ତ ଆଞ୍ଚଳିକ ସାଧନ କେନ୍ଦ୍ର ସଂଯୋଜକ, ଶିକ୍ଷକ ବିଶ୍ୱେଶ କୁମାର ତ୍ରିପାଠୀ, ସୌଭାଗ୍ୟ ବିଶ୍ଵାଳ, ସୁରେଶ ବେହେରା,ଜଗନ୍ନାଥ ରାଓ, ପ୍ରମୁଖ ସହଯୋଗ କରିଥିଲେ l ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ର ତରଫରୁ ସ୍ଵାସ୍ଥ୍ୟ ସେବା ଓ ଡାବୁଗାଁ ଦମକଳ ବାହିନୀ ମାନଙ୍କ ଦ୍ଵାରା ସ୍ୱାସ୍ଥ୍ୟ ସେବା ଯୋଗାଇ ଦେବା ପାଇଁ ସଜାଗ ରହିଥିଲେ ।